Иеремия 15:7 - Ыдыктыг Библия

⁷ Мен черниң бүгү хоорайларында улусту айыыр-биле тарадыр октапкан мен. Бодумнуң чонумну узуткап каан мен, оларны ажы-төл чок арттырган мен, чүге дээрге боттарының оруундан өскээр эгбээн-дир!

Иеремия 15:7 Iomraidhean Croise

Ырлар 1:4

Бузуттуг улус көңгүс ындыг эвес – хатка ширбиткен бок сиген дег.

Исайя 41:16

Сен оларны челбиириңге, хат хадып аппаар, шуурган тарадыр шаап кааптар. А сен бодуң Дээрги-Чаяакчы дээш өөрүүр сен, Израильдиң ыдыктыг Бурганы дээш мактаныр сен.

Исайя 9:12

Арамейлер чөөн чүктен, филистимнер – барыын чүктен халдап келгеш, Израильди чазыйланып, ажырыптар. Ынчан безин Дээрги-Чаяакчының килеңи чайлаттынмас, Ооң холу ам-даа чонну кезедип, көдүрлүр.

Исайя 9:13

Ынчалза-даа чон ону ам-даа соп турар Бурганче ээлбейн баар, Аг-шериглиг Дээрги-Чаяакчыже чүткүвейн баар.

Иеремия 18:21

Ынчангаш оларның ажы-төлүн аш-чутка чыгадып көрем, оларны хылышка шаштырып калам! Оларның кадайлары дулгуяк бооп артсын, ажы-төлүн чидирзин, ашактары өлүп калзын, аныяк оолдары дайынга хылыш-биле өлүртсүн!

Иеремия 5:3

Дээрги-Чаяакчы, Сээң карааң алыс шынны көрүп кагбас деп бе? Чонуңну буурадып турдуң – а ол аарышкыны медереп билбес-тир, ону узуткап турдуң – а ол угаан киреринден ойталаар-дыр. Оларның сеткил-чүрээ даштан кадыг апарып, Бурганче эглиринден ойталады.

Иеремия 51:2

Мен Вавилонче ону тараа дег челбиир хары улусту чорудуптарымга, олар айыыл-халап хүнүнде ону бүгү чүктен бүзээлеп алгаш, ооң черин хоозурадыр.

Иеремия 9:21

Соңга өттүр шивээлеривисче өлүм шургуп кирип тур, ажы-төлдү кудумчуларга, аныяк оолдарны – шөлдерге кыргып-хыдып тур.

Иезекиил 24:21

Дээрги-Бурган-Чаяакчы израиль чонга чугаалаан чүвезин дамчыдарын айыткан: Мен Бодумнуң ыдыктыг черимни – силерниң чоргаарланып турарыңар быжыг өргээни, сеткилиңерниң өөрүшкү-маңнайын, карааңар огунуң таалалын – бужартадыр деп тур мен. А каапкаш барган оглу-кызыңар хылыштан кырлып каар.

Иезекиил 24:25

Кижи амытан, кажан Мен оларның алдарлыг быжыг өргээзин – өөрүшкүзүнүң үнер дөзүн, карааның огунуң таалалын база оларның сеткилин өөртүп турган оглу-кызын хунаап аарым хүнде,

Иезекиил 36:12

Силерже Бодумнуң израиль чонумну эккээр мен. Олар силерни ээлээр, силер оларның өнчү чери апаар силер база моон соңгаар оларның ажы-төлүнүң амы-тынынга четпес силер».

Захария 1:4

Ада-өгбеңер дег болбаңар. Оларны Бурганның биеэде турган медээчилери кыйгырып, Аг-шериглиг Дээрги-Чаяакчының: „Бузуттуг оруктарыңардан база багай үүлгедиглериңерден ойталаңар“ – деп чугаалаан чүвезин дамчыдарга, олар Мени тооп дыңнаваан, Менче кичээнгей салбаан болгай – деп, Дээрги-Чаяакчы медеглээн. –

Матфей 3:12

Тараа үрезинин саваңдан арыглаар айыыр шагда-ла Ооң холунда-дыр, Ол тараа үрезинин үүжелей урар уургайынга чыып алыр, а саваңны өшпес отка өрттедиптер».

Ы. х. к. 28:18

Үре-төлүң, чериңден үнер дүжүдүң, бода база шээр малыңның төлү каргаттырар.

Ы. х. к. 28:32

Сээң оглу-кызыңны өске чоннар тудуп аппаар, карактарың хүннү бадыр оларны дилегзинип көрдүнгеш, турлур деп баар, холдарың сула салдына бээр.

Ы. х. к. 28:41

Оглу-кызың төрүттүнер, ынчалза-даа чаныңга арттырып ап шыдавас сен, чүге дээрге оларны тудуп аппаар.