Иеремия 15:2 - Ыдыктыг Библия

² Кажан олар сенден: „Кайнаар баар улус бис?“ – деп айтырар болза, мынча деп харыылаар сен. Дээрги-Чаяакчы: „Өлүр хүнү келген кижи өлүмче барзын, хылышка шаштырар кижи хылыштан калзын, ашка чыгаткан кижи аштазын, тудуп алгаш баары чайлаш чок кижи туттуруп алзын!“ – деп турар-дыр дээр сен.

Иеремия 15:2 Iomraidhean Croise

Исайя 10:4

Силер туттурган улус аразынга харыксырап олура дүжер азы өлүрткен улус аразынга чыда дүжер силер. Ынчан безин Дээрги-Чаяакчының килеңи чайлаттынмас, Ооң холу ам-даа силерни кезедип, көдүрлүр.

Исайя 24:18

Коргуушкуннуң алгы-кышкызын дыңнааш, дескен кижи оңгарже кээп дүжер; оңгардан үнүп келген кижи дузакка туттуна бээр. Дээрниң эжиктери ажыттынар, черниң үндезиннери сирилээр.

Иеремия 14:12

Олар шээрленир-даа болза, ыы-сыызын дыңнавас мен, бүрүн өрттедир болгаш далган-тараа өргүлдери-даа кылыр болза, Меңээ таарышпас. Харын оларны дайын-чаа, аш-чут, хамчык аарыг-биле узуткаар мен!» – деп чугаалаан.

Иеремия 14:16

Ол медээчилерни дыңнап турган улус аш-чут биле дайын-чаадан өлүп каарга, оларны Иерусалимниң кудумчуларынче үндүр октаптар, ол улусту, оларның кадайларын, оглу-кызын ажаар кижи тывылбас. Мен оларже боттарының чедип алганы айыыл-халапты төптер мен.

Иеремия 16:4

«Олар хилинчектиг өлүм-биле өлүр, улус олар дээш кажыыдавас, оларны орнукшутпас – черге өдек дег чыдып каарлар. Олар дайын-чаа биле аш-чутка узуткаттырып аар, оларның мөчү-сөөктери дээрниң куштарынга, черниң аң-араатанынга чемиш болур» – деп чугаалаан.

Иеремия 19:7

Шак ол черге Иудея биле Иерусалимниң бодап алган чүүлүн буурадыр мен, оларны дайзынның хылыжынга шаштыртып каар мен – оларның амы-тынын үзүксээн улустуң холундан кырлып каарлар. Оларның мөчү-сөөктерин Мен дээрниң куштарынга, черниң аң-араатанынга чемиш кылдыр бээр мен.

Иеремия 43:11

Ол хаан чедип келгеш, Египетти чылча шавар. Өлүр хүнү келген кижи өлүмче барзын, туттуруп аары чайлаш чок кижи туттуруп алзын, хылышка шаштырар кижи хылыштан калзын!

Иезекиил 12:11

Оларга: „Мен силерге сагындырыг демдээ-дир мен: ам кылып турар чүвем иерусалимчилер-биле база болур – олар туттуруп алгаш, шөлүлгеже чоруптар“ – деп чугаала.

Иезекиил 14:21

Дээрги-Бурган-Чаяакчы мынча дээн: «Кажан Мен Иерусалимде улусту, мал-маганны узуткап каар дээш, олче дөрт шаажылал: дайын-чаа, аш-чут, аң-араатан болгаш хамчык аарыг ыдыптар болзумза, кайы хире берге боор деп!

Иезекиил 33:27

Оларга Дээрги-Бурган-Чаяакчының чугаалаан чүвезин дамчыт. Мен дириг Бодумнуң адым-биле даңгыраглап тур мен: бузундуларда чурттап арткан улус хылыштан кырлып каар, ажык шөлде турар улусту Мен черлик аң-араатанга чемиш кылдыр бериптер мен, шивээлерде база куйларда чаштып турар улус хамчык аарыгдан өлүп каар.

Иезекиил 5:12

Сээң чонуңнуң үштүң бир кезии хамчык аарыг болгаш аш-чуттан сээң иштиңге өлүп каар; өске үштүң бир кезии сээң даштыңга дайын-чаадан кырлып каар, а арткан үштүң бир кезиин Мен хат-биле тарадып кааптар мен, хылыжымны хынындан ужулгаш, оларже анныр мен.

Иезекиил 5:2

Бүзээлээшкинниң үези төне бээрге, дүгүңнүң үштүң бир кезиин хоорайның ортузунга өрттедивит; өске үштүң бир кезиин ап алгаш, хоорайны долгандыр бижек-биле хээй кезип каавыт; арткан үштүң бир кезиин хатка тарадывыт; Мен хылыжымны хынындан ужулгаш, ол дүктерже анныр мен.

Даниил 9:12

Бурганның биске болгаш бистиң баштыңчыларывыска чугаалаан сөстери бүткен-дир: Ол бисче коргунчуг айыыл-халапты чорудупкан – Иерусалимге болган дег халап чырык чер кырынга кажан-даа болуп көрбээн.

Амос 5:19

Кандыг-бир кижи арзылаңдан дезе бээрге, аңаа уткуй адыг келген дег азы кандыг-бир кижи бажыңынга чедип келгеш, холу-биле ханадан даянырга, ону чылан шапкан ышкаш хүн-дүр.

Захария 11:9

Ынчан мен: «Моон соңгаар силерге кадарчы болбас мен. Өлүр дээн хойлар өлү берзин, чок болур дээн хойлар чок болзун. Артып калганнары бот-боттарын чипсин» – дээн мен.

Ажыдыышкын 13:10

Тудуп алгаш баар ужурлуг кижини тудуп алгаш баар. Хылыштан калыр ужурлуг кижини хылыш шанчып каар. Ынчан Бурганның улузундан шыдамык чорук болгаш бүзүрел негеттинер.