Иеремия 15:10 - Ыдыктыг Библия

¹⁰ Күжүр ием, ат болдум! Сен мени чүге бүгү чер-делегей-биле чаргылдажып, маргыжып чоруур кылдыр төрүп кааның ол?! Хуузун алыр дээш акша чегдирбээн мен, бодум-даа чээли албаан мен, а бүгү улус мени каргаар-дыр.

Иеремия 15:10 Iomraidhean Croise

3 Хааннар 21:20

Илия Ахавче чорупкан. Ахав Илияга: «Мээң дайзыным, сен мени тып алдың!» – дээн. «Тып алдым – деп, демгизи харыылаан, – чүге дээрге сен Дээрги-Чаяакчының мурнунга бодуңну бузут-бактыг чүве кылыры-биле садыптың.

3 Хааннар 22:8

Израильдиң хааны Иосафатка: «Дээрги-Чаяакчыдан ону дамчыштыр айтырып болурувус база бир кижи бар чүве, ынчалза-даа ону көөр хөңнүм чок, чүге дээрге ол меңээ хамаарыштыр эки эвес, чүгле багай чүве өттүр билип медеглээр-дир. Ол болза Имлайның оглу Михей-дир» – деп харыылаан. Иосафат: «Хаан кижи ынча дээриңге, кайын боор» – деп харыылаан.

Ырлар 15:5

Дээрги-Чаяакчы – мээң үлүүм сен, салым-чолум Сенден хамааржыр.

Ырлар 69:4

Мени бактап: «Таптыын, ол боор!» – деп турар улус бак атка кирип, дессин.

Хосталыышкын 22:25

Мээң чонумнуң иштинде ядыы кижиге акшаңны чээлиге берген болзуңза, ону кызып-кыйба, хөө хуузун негеве.

Чугаалар 26:2

Бора-хөкпештиң ыңай-бээр ужары база хараачыгайның шивеш кынныры ышкаш, хей черге келген каргыш боттанмас.

Иеремия 15:20

Мен сени бо чонга удур быжыг хүлер хана кылдыр тургузар мен. Олар сенче халдаар, ынчалза-даа сени ажып тиилээр харык чок болур, чүге дээрге Мен сээң-биле мен, сени камгалап, кадагалаар мен – деп медеглээн. –

Левит 25:36

Аңаа акша чегдиргеш, хөө хуузун алба, бергениңден хөйнү негеве. Бурганыңдан коргуп чор, демги кижи силерниң араңарга амыдырап артсын.

Левит 25:37

Аңаа акша-мөңгүн бергеш, хөө хуузун алба, аъш-чемиң берип тура, бергениңден хөйнү дедир негеве.

Аввакум 1:3

Кемниг үүлгедиглерже көөр кылдыр чүге мени албадаар сен? Базындырыышкынче чүге анаа көрүп турар сен? Үптээшкин биле күчүлелди көрүп тур мен, адаан-өжээн көдүрлүп, алгыш-кырыш кедереп тур.

Матфей 24:9

Силерни ынчан хилинчектээр дээш, улуска тудуп берип, өлүрүп эгелээр. Мээң адым ужун бүгү кижи төрелгетен силерни көөр хөңнү чок апаар.

Матфей 5:44

А Мен ам силерге мынча деп тур мен: дайзыннарыңарга ынак болуңар, силерни истеп-сүргеннер дээш, мөргүңер.

Лука 2:34

Симеон оларны алгап-йөрээгеш, Ооң иези Марияга мынча дээн: «Бо Чаш төл дээш, Израильге хөй улус дүңдерлип дүжер-дир, хөй улус өрү көдүрлүр-дүр. Ол – Бурганның бадыткал демдээ-дир, ынчалза-даа хөй улус Аңаа удурланыр-дыр.

Лука 6:22

Кижи амытан Оглу дээш улус силерге көөр хөөн чок болуп, силерни дорамчылаар база үндүр-киир сывыртаар, ат-алдарыңарны бужартадыр болза, ынчан амыр-чыргалдыг силер.

Ажыл-чорудулга 28:22

Ындыг-даа болза, үзел-бодалың дугайында сенден боттарывыс дыңнаксап тур бис, чүге дээрге улус чер болганга ол өөредигге удурланып турарын дыңнаан бис» – дээннер.