Иеремия 13:13 - Ыдыктыг Библия

¹³ Ынчан оларга мону чугаала. Дээрги-Чаяакчы мынча дээн: „Бо черниң бүгү чурттакчыларын – Давид хаанның дүжүлгезинде саадаан хааннарны, Бурганның бараалгакчылары биле медээчилерин, Иерусалимде чурттаан бүгү улусту – оларның шуптузун ужур эзиртир арага-биле долдурар мен!

Иеремия 13:13 Iomraidhean Croise

Ырлар 60:3

Чүрээм саргып аарыырга, чер-делегейниң ужу-кыдыындан Сени кый деп тур мен. Үнүп шыдавазым чалым-хая кырынче мени аппар.

Ырлар 75:8

Сээң коргунчууң кончуг-дур, килеңней бээриңге, Сеңээ удур туржуп шыдаар кым барыл?

Исайя 29:9

Чожуй бериңер, кайгап-хараңар, бодуңарны согурарткаш, чүве көрбес апарыңар! Силер эзириир силер, ынчалза-даа арагадан эвес, тендириир силер, ынчалза-даа эзиртир суксундан эвес.

Исайя 49:26

Сени кызагдап турар улуска боттарының эът-бодун чиртир мен, олар боттарының ханын ишкеш, арагадан дег, эзирип каар. Бүгү улус Мени Дээрги-Чаяакчы деп, сээң Камгалакчың, Хостакчың болгаш Иаковтуң күштүг Бурганы деп билип аар».

Исайя 51:17

Оттуп кел, о Иерусалим, оттуп кел, туруп кел! Дээрги-Чаяакчының килеңин куткан дашканы Ооң холундан хүлээп алгаш, ижипкен сен, арагалыг кундаганы доңгайтыр пактапкан сен.

Исайя 51:21

Дыңнап көр, арага ишпээн-даа болза, эзирик, хилинчек көрген хоорай!

Исайя 63:6

Килеңнээш, Мен чоннарны таптай базып турдум, хорадааш, оларны эзиртир ижиртип, ханын черже төп турдум».

Иеремия 13:12

Улус-чонга мону чугаала. Дээрги-Чаяакчы, Израильдиң Бурганы: „Арага кудар сава бүрүзүн арага-биле долдурар“ – дээн. Олар сеңээ: „Таанда-ла бис сава бүрүзүн арага-биле долдурар ужурлуун билбезивис ол бе?“ – деп харыылаар.

Иеремия 25:27

«Ол улус-чоннарга мону чугаала. Аг-шериглиг Дээрги-Чаяакчы, Израильдиң Бурганы мынча дээн: „Ижиңер, эзириңер, кузуңар! Кээп дүшкеш, Мээң силерже ыдарым хылышты көрүп кааш, турбас силер“.

Иеремия 25:29

Мээң адым-биле адаан бо хоорайже-даа Мен айыыл-халап ыдып турумда, силер канчап кеземчеден чайлаар силер? Чок, чайлап шыдавас силер, чүге дээрге Мен чер-делегейниң бүгү чурттакчыларынга удур дайылдажыр кылдыр хылышты кыйгырып тур мен“». Аг-шериглиг Дээрги-Чаяакчының медеглээн чүвези ол-дур.

Иеремия 51:57

«Мен Вавилоннуң нояннарын, мерген угаанныгларын, даргаларын, чагырыкчыларын эзиртир ижиртир мен, олар мөңге уйгу-биле удуп калгаш, одунмас» – деп, Аг-шериглиг Дээрги-Чаяакчы деп аттыг Хаан медеглээн.

Иеремия 51:7

Вавилон – Дээрги-Чаяакчының холунда алдын дашка турган. Бүгү чер-делегейни ол эзиртип турган, чоннар ооң арагазын ишкеш, угаанын ышкыныпкан.

Аввакум 2:16

Алдар орнунга кочулал-биле пөгер сен, ам бодуң иш-ле, бужар шалдаңыңны көргүс-ле! Дээрги-Чаяакчының күчүлүг холунуң сунган дашказы сээң ижер үлүүң апаар, ат-алдарыңны баксырадыр сен.