Иеремия 12:4 - Ыдыктыг Библия

⁴ Чежеге чедир кырында чурттаан кижилерниң кем-буруузу дээш чер качыгдаарыл, хову-шөлде оът-сиген оңуп кадарыл? Аң-мең-даа, куштар-даа чиде берген, чүге дээрге ол кижилер: «Дээрги-Чаяакчы бистиң оруувусту көрбес-тир» – деп турар-дыр.

Иеремия 12:4 Iomraidhean Croise

Ырлар 50:21

Ынчан шынныг, бүрүн өрттеткен өргүлдер Сеңээ таарымчалыг апаар; ынчан Сеңээ өргүл салыр бедигээшче бугажыктарны улус эккеп салыр.

Исайя 24:4

Чер качыгдап, харыксыраар, бүгү делегей хилинчек көрүп, харыксыраар, бедик дээр биле чер харыксыраар!

Исайя 24:6

Ынчангаш черни каргыш чиир – ооң чурттакчылары бачыт дээш кеземчеге онаашкан! Ынчангаш черниң чурттакчылары өрттенип каар, чүгле эвээш кижи артар.

Иеремия 12:11

Ээлээн черимни ээн кургаг хову кылдыр хуулдурупту, ол ам Мээң мурнумда ээнзиреп калган ыглап тур, чер-чурт ээнзирээн-дир, ол дээш сагышсыраар кижи чок-тур.

Иеремия 14:2

«Иудея ыглап турар, ооң хоорайлары харыксырап калгаш, черже кээп дүшкеш, кажыыдап турар, Иерусалимде ыы-сыы – кулак уюк.

Иеремия 23:10

Чер кырын самыыраан улус долган, каргаттыргаш, чер ыглап турар – ховуда оът-сиген кадып калган. Ол улустуң сорулгазы – бузут, оларның күжү – чөптүг эвес чорук.

Иеремия 4:25

Көөрүмге, чаңгыс-даа кижи чок, дээрниң куштары тарадыр ужа берген болду.

Иеремия 4:28

Ынчангаш чер ыглап-сыктаар, бедик дээр карара бээр; шиитпиримни үндүрген мен, ам ону өскертпейн, күүседир мен» – деп чугаалаан болгай.

Иеремия 5:13

Ооң медээчилери хат ышкаш хоозун кижилер-дир; Дээрги-Чаяакчының сөзү оларга ажыттынмаан. Оларның оштаан бүгү бак чүвези боттары-биле боттанзын!“ – деп турганнар».

Иеремия 5:31

бүдүү билирлер мегелеп медеглээр-дир, Бурганның бараалгакчылары боттарының туразы-биле улусту чагырар-дыр, Мээң чонумга ол чорук таарымчалыг-дыр. Ол бүгүнүң хараазында силер-биле чүү боор деп?

Иеремия 7:20

Ынчангаш Дээрги-Бурган-Чаяакчы: «Мээң хорадаан килеңим бо черни, кижилер болгаш мал-маганны, шөлде ыяштарны, черниң үнүш-дүжүдүн хөме аптар. Килеңим өшпейн кыптыгар!» – дээн.

Иеремия 9:10

Дагларның ажыын ажып ыглап-сыктаар мен, ховуларда одарлар дээш ишкирнигип ыглаар мен. Чүге дээрге олар өрттенип калган-дыр, аңаа чорумалдар таварышпастаан-дыр, сүрүг хойлар эдери дыңналбастаан-дыр. Дээрниң куштары ужуп чоруй барган, хамык аң-мең тарадыр халчы берген.

Иеремия 9:9

Таанда-да ол бүгү дээш оларны кезетпес мен бе? Таанда-ла ындыг чондан өжээн негевес мен бе?» – деп медеглээн.

Осия 4:3

Ол бүгү дээш, бо чер ыглап-сыктаар, ооң чурттакчылары черлик аң-мең болгаш дээрниң куштары-биле кады кырлып каар, далайның балыктары безин өлүп каар.

Иоил 1:18

Мал-маганның човууртап турарын! Өөр малдар муңгаргай тояап чоруур, чүге дээрге оларның одар-белчиири чок. Кодан хойлар база хилинчек көрүп турар.

Амос 1:2

Амос: «Дээрги-Чаяакчы Сиондан диңмирээр, Иерусалимден дыңзыдыр алгырар; кадарчыларның оран-савазында улус качыгдап ыглажыр, Кармил дааның бажы кургай бээр» – деп чугаалаан.

Аввакум 3:17

Фига ыяжы чечектелбес, виноград сыптарында каттар чок, оливаның чимизи үнмес, шөл дүжүдүн бербес-даа болза, кажааларда мал-маган чок-даа болза,

Захария 1:12

Дээрги-Чаяакчының төлээзи ынчан: «Аг-шериглиг Дээрги-Чаяакчы, Сен Иерусалимге база Иудеяның хоорайларынга кээргел көргүзеринден кажанга чедир ойталаар сен? Оларга ам чеден чыл килеңнеп тур сен» – дээн.

Римчилерге 8:22

Бүгү өлүг, дириг бойдус, божаан херээжен дег, бөгүнге чедир човууртап, хилинчек көрүп турарын билир бис.