Иеремия 12:12 - Ыдыктыг Библия

¹² Ээн кургаг ховуда бүгү тас тейлерни кырлай базып, узуткакчылар чедип келди; Дээрги-Чаяакчының хылыжы черниң чурттакчыларын бир кыдыындан өске кыдыынга чедир кыргып-хыдып каапты, кым-даа амыр-тайбың көрбестеди.

Иеремия 12:12 Iomraidhean Croise

Исайя 34:6

Дээрги-Чаяакчының хылыжы өшкү-хой ханынга боражыр, кошкар бүүректериниң үс-чаанга былчажыр. Чүге дээрге Дээрги-Чаяакчы Восора хоорайга өргүл кылзын деп, эдом черге – кыргып-хыдыышкын болзун деп чугаалаан.

Исайя 57:21

Бурганым: «Бак-бузуттугларга амыр-тайбың турбас!» – деп чугаалаан.

Иеремия 15:2

Кажан олар сенден: „Кайнаар баар улус бис?“ – деп айтырар болза, мынча деп харыылаар сен. Дээрги-Чаяакчы: „Өлүр хүнү келген кижи өлүмче барзын, хылышка шаштырар кижи хылыштан калзын, ашка чыгаткан кижи аштазын, тудуп алгаш баары чайлаш чок кижи туттуруп алзын!“ – деп турар-дыр дээр сен.

Иеремия 16:5

Дээрги-Чаяакчы: «Мөчээн кижи-биле байырлажыышкын ёзулалы кылган бажыңче барба – деп медеглээн. – Ол кижиниң ажыын ажып, ыглап-сыктап, кажыыдал үлежип барба, чүге дээрге Мен бо чондан амыр-тайбыңымны, ээ-хайырамны болгаш энерелимни хунаап алган мен.

Иеремия 25:11

Бүгү бо чер ээнзиреп хоозураар, бо чоннар чеден чыл дургузунда Вавилоннуң хаанынга кулдандырар.

Иеремия 3:2

Тас тейлерже көрүжүң шигле, ында сээң самыырап турбааның чер бар-дыр бе? Ээн кургаг ховуда чорумалдар кеденген араб кижи дег, таныштарыңны орук кыдыынга манап турдуң. Бодуңнуң самыыраашкын болгаш бузудуң-биле черни бужартаттың.

Иеремия 3:21

Тейлер баштарында алгы-кышкы, израиль чоннуң чалынган ыы-сыызы дыңналып турар, чүге дээрге олар оруундан өскээр ээп, Дээрги-Чаяакчы Бурганын уттупкан-дыр.

Иеремия 30:5

Дээрги-Чаяакчы мынча дээн: «Коргуушкун биле девидээшкин кышкызы дыңналып тур – амыр-тайбың чок-тур!

Иеремия 34:17

Ынчангаш Дээрги-Чаяакчы мынча дээн: «Силер Мени тооп дыңнавадыңар – боттарыңарның ха-дуңмаңарга, чаңгыс аймак улузуңарга хосталга хайырлавадыңар. Ол дээш Мен ам силерге хосталга хайырлап тур мен – деп, Дээрги-Чаяакчы медеглээн. – Дайын-чаа, аш-чут болгаш хамчык аарыгдан өлүр хосталганы! Мен силерни чер-делегейниң бүгү күрүнелеринге коргунчуг үлегер-чижек кылып каар мен.

Иеремия 4:27

Дээрги-Чаяакчы: «Бо бүгү чер хоозурап каар, ынчалза-даа ону бүрүнү-биле узуткавас мен!

Иеремия 46:10

Ол хүн болза Аг-шериглиг Дээрги-Бурган-Чаяакчының шииткелиниң хүнү-дүр, Ооң дайзыннардан өжээн негээр хүнү-дүр! Хылыш кыргып-хыдып, тодар, оларның ханын пөктүр ижип аар – ол дээрге Аг-шериглиг Дээрги-Бурган-Чаяакчыга соңгу чүкте чуртка, Евфрат хемниң чанынга кылган өргүл-дүр.

Иеремия 47:6

Аа халак! Дээрги-Чаяакчының хылыжы, кыргып-хыдыырын кажан соксаар сен? Хынныңче эглип көр, оожургап, доктаа!

Иеремия 48:2

Моавтың ат-алдары ам чок. Дайзыннар Эсевон хоорайга удур бак чүве бодап: „Барып, ол аймакты узуткаалы!“ – деп турар-дыр. Мадмена хоорай, сен база өлүр сен, хылыш сени сүрүп чедер.

Иеремия 8:15

Амыр-тайбың кээр боор деп идегеп турдувус, ынчалза-даа ачылыг чүү-даа чок-тур, экирииривисти манап турдувус, ынчалза-даа коргунчуг хай-халаптар чедип келди.

Ыы-сыы 3:17

Сеткилимден амыр-тайбың арлы берген, амыр-чыргал уттундурган.

Иезекиил 14:17

Азы Мен бо чуртче хылыш ыткаш: „Хылыш, бо черни таварып эрткеш, ында турар улусту, мал-маганны узуткап каг!“ – дээн дижик мен.

Иезекиил 21:28

«Кижи амытан, өттүр билип медеглеп, Дээрги-Бурган-Чаяакчының аммон чонга болгаш ооң бак сөглээшкиннеринге хамаарыштыр чугаалаан чүвезин дамчыт: Хылыш, кыргып-хыдызын дээш хынындан ужулган, узутказын дээш, чаңнык ышкаш кызаңназын дээш, кылайтыр чүлгүп каан хылыш бо-дур!

Иезекиил 21:4

Чөптүг-шынныг-даа, бузуттуг-даа улусту узуткап каар болганымда, Мээң хылыжым мурнуу чүктен эгелээш, соңгу чүкке чедир бүгү улуска удур көдүрлүр.

Иезекиил 21:8

Дээрги-Чаяакчы меңээ Бодунуң сөзүн ажыдып чугаалаан:

Иезекиил 21:9

«Кижи амытан, өттүр билип медеглеп, Дээргиниң чугаалаан чүвезин дамчыт: Хылыш – чидидип, кылайтыр чүлгүп каан хылыш бар;

Иезекиил 5:2

Бүзээлээшкинниң үези төне бээрге, дүгүңнүң үштүң бир кезиин хоорайның ортузунга өрттедивит; өске үштүң бир кезиин ап алгаш, хоорайны долгандыр бижек-биле хээй кезип каавыт; арткан үштүң бир кезиин хатка тарадывыт; Мен хылыжымны хынындан ужулгаш, ол дүктерже анныр мен.

Левит 26:33

А силерни өске чоннар аразынга тарадыр мен. Хылыжымны ужулгаш, сооңарже анныр мен. Чер-чуртуңар ээнзирээр, хоорайларыңар үрелип бустур.

Амос 9:4

Дайзыннар тудуп алгаш, сүрүп аппаар-даа болза, оларны аңаа өлүрүп каарын хылышка дужаар мен. Оларга ачы-буянны эвес, айыыл-халапты таварыштырар мен».

Софония 2:12

Силер база, эфиоптар, Мээң хылыжымга кыргыдып-хыдыдар силер.

Ы. х. к. 32:42

Согуннарымга хан ижиртир мен, хылыжым өлүрткен база туттурган дайзынның эът-ханынга тодар, ооң баштыңнарының баштарын одура шавар“.

Ажыдыышкын 6:4

Ынчан өске, шилги аът үнүп келди. Ооң мунукчузунга чер кырындан тайбыңны хунаар база улусту бот-боттарын өлүржүрүнче ыдалаар чөпшээрелди тывыскаш, улуг хылышты берген болду.