Иеремия 12:11 - Ыдыктыг Библия

¹¹ Ээлээн черимни ээн кургаг хову кылдыр хуулдурупту, ол ам Мээң мурнумда ээнзиреп калган ыглап тур, чер-чурт ээнзирээн-дир, ол дээш сагышсыраар кижи чок-тур.

Иеремия 12:11 Iomraidhean Croise

Экклесиаст 7:2

Найыр-дой болуп турар черже баарының орнунга, качыгдалдың ыы-сыызы дыңналып турар черже барганы дээре, чүге дээрге кижи бүрүзүнүң төнчүзү ындыг, дириг кижи ону чүрээнге шыгжап алзын.

Исайя 42:25

Ынчангаш Ол бисти кыптыккан килеңи-биле хөме ап, бисче кам-хайыра чок дайын ыткан! Шак ол дайын чалбыыштыг от бооп, бисти бүгү чүктен бүзээлеп алган, а бис ону ожаап билбээн бис; от бисти чиирге, таптыг угаап билбээн бис.

Исайя 57:1

«Чөптүг-шынныг улус өлүп каарга, оларны кым-даа херекке албас. Бурганга бердинген улус амы-тынындан чарлырга, чөптүг-шынныг кижи айыыл-халаптан адырлып турары ол дээрзин кым-даа билбес,

Иеремия 10:22

Медээ чедип келди, соңгу чүкте чурттан улуг дааш-шимээн дыңналды! Иудеяның хоорайлары хоозурап, шөө-бөрүлер чурттаар чер апаар-дыр.

Иеремия 10:25

Сээң килеңиң Сени билбес чоннарже, Сээң адыңны мактавас аймактарже кыптыксын! Чүге дээрге олар израиль чонну сыырыпкан, ону чипкен, узуткап каан база ооң чурттаан черин хоозурадып каан болгай.

Иеремия 14:2

«Иудея ыглап турар, ооң хоорайлары харыксырап калгаш, черже кээп дүшкеш, кажыыдап турар, Иерусалимде ыы-сыы – кулак уюк.

Иеремия 19:8

Мен бо хоорайны хоозураашкын биле кочулалга чыгаар мен. Ооң чаны-биле эрткен кижи бүрүзү ооң бузундуларын көргеш, элдепсинер база кочулап сыгырар.

Иеремия 23:10

Чер кырын самыыраан улус долган, каргаттыргаш, чер ыглап турар – ховуда оът-сиген кадып калган. Ол улустуң сорулгазы – бузут, оларның күжү – чөптүг эвес чорук.

Иеремия 25:11

Бүгү бо чер ээнзиреп хоозураар, бо чоннар чеден чыл дургузунда Вавилоннуң хаанынга кулдандырар.

Иеремия 4:20

Халапты халап солаан, бүгү чурт хоозураан; чадырларывыс хенертен, оран-сававыс – карак чивеш дээр аразында буступ кээп дүшкен.

Иеремия 4:27

Дээрги-Чаяакчы: «Бо бүгү чер хоозурап каар, ынчалза-даа ону бүрүнү-биле узуткавас мен!

Иеремия 4:28

Ынчангаш чер ыглап-сыктаар, бедик дээр карара бээр; шиитпиримни үндүрген мен, ам ону өскертпейн, күүседир мен» – деп чугаалаан болгай.

Иеремия 6:8

Иерусалим, миннип кел, оон башка сенден хөңнүм кала бээр, сени кижи чурттап шыдавас, хоозураан чер кылып каар мен».

Иеремия 9:10

Дагларның ажыын ажып ыглап-сыктаар мен, ховуларда одарлар дээш ишкирнигип ыглаар мен. Чүге дээрге олар өрттенип калган-дыр, аңаа чорумалдар таварышпастаан-дыр, сүрүг хойлар эдери дыңналбастаан-дыр. Дээрниң куштары ужуп чоруй барган, хамык аң-мең тарадыр халчы берген.

Иеремия 9:11

«Мен Иерусалимни бузундулар оваазы, шөө-бөрүлер чурттаар чер кылып каар мен, Иудеяның хоорайларын хоозурадыр мен, оларга чурттакчылар артпас».

Иеремия 9:9

Таанда-да ол бүгү дээш оларны кезетпес мен бе? Таанда-ла ындыг чондан өжээн негевес мен бе?» – деп медеглээн.

Иоил 1:10

Шөлдер хоозураан, чер ыглап чыдар, чүге дээрге тараа узуткаттынган, виноград чулуу хайлып калган, олива ыяш кургап калган.

Левит 26:32

Чер-чуртуңарны хоозурадып каарымга, аңаа чурттай берген дайзыннарыңар безин кайгап-харай бээр.

Захария 7:5

«Чурттуң бүгү чонундан база Бурганның бараалгакчыларындан айтырып көр: сөөлгү чеден чыл дургузунда беш айда база чеди айда шээрленип, качыгдап ыглап-сыктап тура, Мени дээш ынчаар кылып турган силер бе?

Малахия 2:2

Мээң адымны алдаржыдыңар. А бир эвес Мени тооп дыңнавас база Мээң адымны алдаржыдарын чүрээңерге хүлээп албас болзуңарза, Мен силерже каргыш ыдар мен, силерниң алгыш-йөрээлиңерни каргыш кылдыр хуулдуруптар мен – деп, Аг-шериглиг Дээрги-Чаяакчы чугаалаан. – Каргап эгелей бердим, чүге дээрге силер Мээң адымны алдаржыдарын чүрээңерге хүлээп албаан-дыр силер.

Римчилерге 8:22

Бүгү өлүг, дириг бойдус, божаан херээжен дег, бөгүнге чедир човууртап, хилинчек көрүп турарын билир бис.