Иеремия 12:10 - Ыдыктыг Библия

¹⁰ Мөөң кадарчылар Мээң виноградым шөлүн үрегдеди, Мээң ээлээн черимни таптай басты. Мээң эргим черимни хоозурадып, ээнзиретти.

Иеремия 12:10 Iomraidhean Croise

Исайя 3:14

Дээрги-Чаяакчы Бодунуң чонунуң баштыңнары болгаш нояннары-биле чаргызын чарып эгелээн: «Силер Мээң виноградым шөлүн хоозураткан силер, ядыы улустан үптеп алган эт-хөреңгиңер – бажыңнарыңарда.

Исайя 43:28

Ынчангаш Мен ыдыктыг черде бараалгакчыларымны бужартаашкынче чыгадым, Иаковту бүрүнү-биле узуткаттырар кылдыр, Израильди – дорамчылаттырар кылдыр хүлээдип бердим».

Исайя 63:18

Сээң ыдыктыг чонуң бодунуң черин үр ээлеведи – ам ыдыктыг өргээңни дайзыннарывыс таптай базып тур.

Иеремия 23:1

Дээрги-Чаяакчы: «Мээң коданымда хойларны чок кылып, тарадыр сывырып турар кадарчылар ат болур!» – деп медеглээн.

Иеремия 25:37

Дээрги-Чаяакчы күштүү-биле килеңнээрге, тайбың одарлар узуткаттынып тур.

Иеремия 25:38

Дээрги-Чаяакчы бодунуң чыдынындан үнүп келген арзылаң ышкаш! Улус-чоннарның чери Ооң кадыг-дошкун, кыптыккан килеңинден хоозурап калган».

Иеремия 25:9

Мен соңгу күрүнелерниң бүгү аймактарын кыйгыртып, чыыр мен – деп, Дээрги-Чаяакчы медеглээн, – Мээң чалчам, Вавилоннуң хааны Навуходоносорну кыйгырткаш, ону бо черге, ооң чурттакчыларынга, бүгү кожа чоннарга удур чаалаштырар мен. Ол чоннарны бүрүнү-биле узуткаар мен, оларны хоозураашкын биле кочулалга, мөңге буураашкынга чыгаар мен.

Иеремия 3:19

Мен сеңээ ажы-төлүмге дег хамаарылгалыг болуксадым, сеңээ күзенчиг черни, чоннарның эң кайгамчык үлүүн дыка берикседим. Сен Мени „Ачам“ деп адаар боор деп, Менден ойталавас боор деп бодадым.

Иеремия 39:3

Вавилоннуң хаанының бүгү нояннары хоорайже кирип келгеш, Ортаакы хаалга чанынга турумчуп алган. Самгар чурттуг Нергал-Сарецер, дүжүметтер даргазы Нево-Сарсехим, караң көрнүрлер даргазы Нергал-Сарецер болгаш Вавилоннуң хаанының өске-даа нояннары аңаа турган.

Иеремия 6:3

Сүрүг малын кадарып чоруур кадарчылар дег, дайзыннар аңаа чедип келгеш, чадырларын ону дескиндир тип алгаш, кижи бүрүзү Иерусалимниң кайы-бир талазын кадарып туруп аар.

Иеремия 9:10

Дагларның ажыын ажып ыглап-сыктаар мен, ховуларда одарлар дээш ишкирнигип ыглаар мен. Чүге дээрге олар өрттенип калган-дыр, аңаа чорумалдар таварышпастаан-дыр, сүрүг хойлар эдери дыңналбастаан-дыр. Дээрниң куштары ужуп чоруй барган, хамык аң-мең тарадыр халчы берген.

Иезекиил 34:2

«Кижи амытан, израиль чонну кадарып турар чагырыкчыларга удур өттүр билип медегле. Дээрги-Бурган-Чаяакчының чугаалаан чүвезин оларга дамчыдып медегле: чүгле боттарынче сагыш салып чоруур Израильдиң кадарчылары ат болур! Кадарчылар кодан малынче сагыш салыр ужурлуг эвес чүве бе?

Иезекиил 34:5

Олар кадарчы чокка тарай бердилер, а тарай бергеш, янзы-бүрү черлик аң-араатанга чемиш апардылар.

Даниил 8:13

Ынчан мону дыңнадым. Дээрниң бир ыдыктыг төлээзи өскезинден айтырып турган: «Бо көстүүшкүннүң болуушкуннары кайы хире үргүлчүлээр ирги? Кажанга дээр хүннүң-не салыр өргүлдер турбазыл, бузут-бак чорук хоозуралга чедирерил, ыдыктыг өргээ болгаш аг-шериг таптаттырарыл?»

Захария 7:14

Мен оларны билбес чорааны бүгү чоннарже тарадыр хадыдыптым. Оларның соонда чер-чурту ээнзиреп, ону тавартыр кым-даа ыңай-бээр чорбас апарган. Олар ынчалдыр боттарының кайгамчык чараш черин ээн куруг кылып алган».

Лука 21:14

Ынчангаш боттарыңарны камгалаары-биле чүнү чугаалаарыл деп, баш бурунгаар ажаанзыраваңар.

Ажыдыышкын 11:2

Ынчалза-даа даштыкы шөлдү хемчээве, чүге дээрге ону өске чоннар улузунга берипкен-дир. Олар ыдыктыг хоорайны дөртен ийи ай дургузунда чаза базып кээр.