Иеремия 11:4 - Ыдыктыг Библия

⁴ Чагыг-керээмни Мен силерниң ада-өгбеңерни, хайылдырар суугудан ужулган дег, Египеттен үндүре бергеш, оларга: „Мээң сөзүмнү тооп дыңнаңар, Мээң силерге дужааганым бүгү чүвени кылыңар, ынчан силер Мээң чонум болур силер, а Мен силерниң Бурганыңар болур мен“ – деп чугаалап, айтып-чагаан мен.

Иеремия 11:4 Iomraidhean Croise

Эге дөс 17:8

Мен сеңээ болгаш сээң үре-салгалыңга көжүп чедип келгениң бо черни – ханаан черниң шуптузун мөңгеде ээлээри-биле бээр мен; сээң үре-салгалыңның Бурганы болур мен».

3 Хааннар 8:51

Чүге дээрге ол Сээң чонуң-дур, Сээң Египеттен – шак ол хайылдырар суугудан үндүре берген хуу өнчүң-дүр.

4 Хааннар 18:6

Ол Дээрги-Чаяакчыга аажок бердинип, Ону салдыкпайн эдерип, Ооң Моисейни дамчыштыр айтып-чагаан айтыышкыннарын күүседип чораан.

Хосталыышкын 20:6

А Меңээ ынак база Мээң айтыышкыннарымны күүседир улуска муң салгал чедир энерелдиг болур мен.

Исайя 30:6

Ээн кургаг Негев ховузунда малдар чүък сөөртүп чоруур. Араатан аңнар, арзылаңнар, шагар чыланнар, ок-чыланнарлыг, кижиге чурттаары аар-берге черде элчиннер бай-байлаан элчигеннерде, эртине-байлаан – тевелер мөгеннеринде артып алган, бир-ле чонга белек кылдыр сөөртүп аппар чыдар, ынчалза-даа ол чон оларга ажык-дуза катпас.

Исайя 48:10

Көрем, Мен сени эзилдирип арыглап кагдым, ынчалза-даа мөңгүн ышкаш эвес кылдыр; сени хилинчек-човалаңның суугузунга шылгап көрдүм.

Иеремия 11:7

Мен силерниң ада-өгбеңерни Египеттен үндүре берген хүнүмден эгелээш, сагындырып келген мен, оларга бөгүнге чедир катап-катап сагындырып шаг болдум. Оларга: „Мээң сөзүмге чагыртыңар!“ – деп турдум.

Иеремия 24:7

Мени – Дээрги-Чаяакчыны билип алзын дээш, Мен оларга угаангыр чүректи бээр мен. Олар Мээң чонум болур, Мен оларның Бурганы болур мен, чүге дээрге олар Менче чүрээниң ханызындан эглип кээр».

Иеремия 26:13

Оруктарыңар биле ажыл-херээңерни экижидип ап көрүңер, Дээрги-Чаяакчы Бурганыңарның сөзүн дыңнаңар. Дээрги-Чаяакчы ынчан бодалын өскертип, силерге аазааны айыыл-халапты болдурбас.

Иеремия 30:22

Силер Мээң чонум болур силер, Мен – силерниң Бурганыңар болур мен!»

Иеремия 32:28

Дээрги-Чаяакчы мынча дээн: «Мен бо хоорайны халдейлерниң холунга, Вавилоннуң хааны Навуходоносорнуң холунга хүлээдип бээр мен, ол хаан ону эжелеп аар. Бо хоорайны бүзээлеп алган турар

Иеремия 38:20

Иеремия мынча дээн: «Хүлээдип бербес! Мээң сеңээ чугаалап турарым Дээрги-Чаяакчының сөзүн дыңна, ынчан сеңээ эки болур, амы-тының камгалап аар сен.

Иезекиил 11:20

Ынчан олар Мээң дүрүмнеримни сагыыр, Мээң хоойлуларымны барымдаалап, күүседир; олар Мээң чонум болур, а Мен – оларның Бурганы болур мен.

Иезекиил 14:11

Израиль чон моон соңгаар Менден өскээр барбазын дээш база оон ыңай янзы-бүрү бачыттары-биле боттарын бужартатпазын дээш, ындыг болур. Ынчан олар Мээң чонум апаар, а Мен оларның Бурганы болур мен». Дээрги-Бурган-Чаяакчының медеглээн чүвези ол-дур.

Иезекиил 36:28

Силерниң ада-өгбеңерге бергеним черге чурттап, Мээң чонум болур силер, а Мен силерниң Бурганыңар болур мен,

Иезекиил 37:23

Олар моон соңгаар дүрзү-бурганнар, чүдек-бужар чүүлдер болгаш өске-даа кемниг херектери-биле боттарын бужартатпас. Мен оларны үүлгедип турганы бүгү өскерликчи чоруундан адырып, арыглаар мен. Олар Мээң чонум болур, а Мен оларның Бурганы болур мен.

Иезекиил 37:27

Мээң чурттаар өргээм оларның аразынга турар. Мен оларның Бурганы болур мен, а олар Мээң чонум болур.

Даниил 3:26

Навуходоносор чалбыышталып турар оттуг черге чоокшулап келгеш: «Седрах, Мисах болгаш Авденаго, Дээди Өрүкү Бурганның чалчалары! Оон үнүп келиңерем!» – деп кыйгырган. Ынчан Седрах, Мисах болгаш Авденаго от аразындан үнүп келгеннер.

Левит 26:12

Силерниң араңарга чоруп турар мен; силерге Бурган болур мен, а силер Мээң чонум болур силер.

Левит 26:3

Мээң дүрүмнерим ёзугаар амыдыраар болгаш Мээң айтыышкыннарымны сагыыр база күүседир болзуңарза,

Захария 13:9

Чоннуң арткан кезиин отче киирер мен; оларны мөңгүн ышкаш эзилдирип, шылгаар мен, алдын ышкаш арыглаар мен. Олар Мээң адымны кыйгырып, Меңээ мөргүүрге, оларга харыылаар мен: „Бо Мээң чонум-дур“ – дээр мен. А олар: „Дээрги-Чаяакчы – бистиң Бурганывыс!“ – дээр».

Захария 6:15

Ыракта чурттап турар улус чедип келгеш, Дээрги-Чаяакчының өргээзин тударынга киржир, ынчан мени силерже Аг-шериглиг Дээрги-Чаяакчының чорутканын билип аар силер. Силерниң Бурганыңар Дээрги-Чаяакчының чугаалаан чүвезин чүткүлдүү-биле тооп дыңнаар болзуңарза, ол бүгү болдуна бээр.

Захария 8:8

Оларны Иерусалимге чурттаар кылдыр дедир чандырып аар мен, олар Мээң чонум болур, а Мен оларның шынчы, чөптүг Бурганы болур мен».

Матфей 28:20

Силерге Мээң бүгү айтыышкыннарымны сагыыр кылдыр оларны өөредиңер. Мен кажан кезээде, бо делегейниң төнчүзүнге чедир силер-биле кады мен».

2 Коринфичилерге 6:16

Бурганның өргээзи биле дүрзү-бурганнарда дөмей чүү барыл? А бис – дириг Бурганның өргээзи-дир бис. Бурган мынча дээн-не болгай: «Мээң чурттаар өргээмни оларның аразынга тургузуп алгаш, олар-биле кады чоруур мен. Мен оларның Бурганы болур мен, а олар Мээң чонум болур» .

Ы. х. к. 11:27

Бир эвес Дээрги-Чаяакчы Бурганыңарның бөгүн силерге айтып-чагып турарым айтыышкыннарын тооп дыңнаар болзуңарза, йөрээттирип, ачы-буян алыр силер,

Ы. х. к. 4:20

а силерни, Ооң хуу өнчүзү болзун дээш, хайылдырар суугудан ужулган дег, Египеттен үндүрүп эккелген болгай. Ам Бурганның ындыг чону болганыңар көскү-дүр.

Ы. х. к. 5:6

„Мен дээрге сени кул болуп чорааның Египеттен үндүре берген Бурганың Дээрги-Чаяакчы-дыр мен.

Еврейлерге 5:9

Иисус болбаазыраңгай апаргаш, Ону тооп дыңнаар бүгү улуска мөңге камгалалдың үнер дөзү болу берген,

1 Хааннар 15:22

Самуил: «Дээрги-Чаяакчыга бүрүн өрттедир болгаш өске-даа өргүлдер Ооң сөзүн дыңнааны дег үнелиг деп бе? Дыңнангыр болуру өргүл салырындан дээре, чагыртыры семис хой өргүүрүнден дээре болгай.