Иеремия 11:11 - Ыдыктыг Библия

¹¹ Ынчангаш Дээрги-Чаяакчы: «Мен ам оларже чайлап шыдавазы айыыл-халапты ыдар мен. Олар Мени кыйгырып эгелээр, а Мен оларны дыңнавас мен – дээн. –

Иеремия 11:11 Iomraidhean Croise

4 Хааннар 22:16

Мээң чугаалаан чүвемни дамчыдыңар: Мен бо черже база ооң чурттакчыларынче айыыл-халапты – Иудеяның хаанының номчааны номда бижээн бүгү чүүлдерни ыдарым ол-дур.

2 Чылдар 34:24

Мээң чугаалаан чүвемни дамчыдыңар: Мен бо черже база ооң чурттакчыларынче айыыл-халапты – Иудеяның хаанының мурнунга номчаан номда бижээн бүгү каргыштарны ыдарым ол-дур.

Иов 35:13

Бурган хоозун чугаа дыңнавас, Күчүлүг Бурган ону эскербес.

Чугаалар 1:28

Ынчан улус мени кый дээр, а мен харыылавас мен; мени дилеп эгелээр, ынчалза-даа тыппас.

Чугаалар 29:1

Чемелеткеш, чөрүүлээр кижи хеп-хенертен эглиш чок узуткаттырар.

Исайя 1:15

Холуңарны мөргүл кылып өрү сунарыңарга, Мен силерже көрүнмес мен. Чеже-даа хөй катап мөргүүрүңерге, Мен силерни дыңнавас мен. Холуңар ханда кончуу сүргей борашкан-дыр!

Исайя 24:17

Черниң чурттакчылары, коргунчуг байдал, оңгар болгаш какпа-дузак силерни манап турар.

Иеремия 11:14

А сен, Иеремия, бо чон дээш мөргүве, ол дээш ыглап чалбарба, Менден дилег кылып тейлеве! Олар айыыл-халапка алыскаш, Мени кыйгыра бээрге, Мен оларны дыңнавас мен.

Иеремия 11:17

Израиль биле Иудеяның улузу, силерни тарып олуртуп каан Аг-шериглиг Дээрги-Чаяакчы боттарыңарның араңарга кылып турган бузудуңар дээш силер-биле айыыл-халап боорун чугаалаан. Силер Ваал бурганга айдызаашкын кылып, Мени килеңнедип турган болгай силер».

Иеремия 14:12

Олар шээрленир-даа болза, ыы-сыызын дыңнавас мен, бүрүн өрттедир болгаш далган-тараа өргүлдери-даа кылыр болза, Меңээ таарышпас. Харын оларны дайын-чаа, аш-чут, хамчык аарыг-биле узуткаар мен!» – деп чугаалаан.

Иеремия 14:2

«Иудея ыглап турар, ооң хоорайлары харыксырап калгаш, черже кээп дүшкеш, кажыыдап турар, Иерусалимде ыы-сыы – кулак уюк.

Иеремия 15:2

Кажан олар сенден: „Кайнаар баар улус бис?“ – деп айтырар болза, мынча деп харыылаар сен. Дээрги-Чаяакчы: „Өлүр хүнү келген кижи өлүмче барзын, хылышка шаштырар кижи хылыштан калзын, ашка чыгаткан кижи аштазын, тудуп алгаш баары чайлаш чок кижи туттуруп алзын!“ – деп турар-дыр дээр сен.

Иеремия 18:11

Ынчангаш ам Иудеяның чонунга, Иерусалимниң чурттакчыларынга мону чугаала. Дээрги-Чаяакчы: „Мен силерге айыыл-халап белеткеп тур мен, силерге удур сагыштыг мен! Кайыңар-даа бузуттуг оруктан чайлай берзин. Оруктарыңарны, ажыл-херектериңерни экижидип алыңар“ – деп чугаалады дээр сен.

Иеремия 19:15

«Аг-шериглиг Дээрги-Чаяакчы, Израильдиң Бурганы: „Бо хоорайже, ооң чоок-кавызында хоорайжыгаштарже аңаа чугаалаан бүгү айыыл-халаптарымны ыдар мен, чүге дээрге оларның чурттакчылары чөрүү болгаш, Мээң сөстеримни тооп дыңнавас-тыр“ – деп тур» – дээн.

Иеремия 19:3

Мынча дээр сен: „Иудеяның хааннары, Иерусалимниң чурттакчылары, Аг-шериглиг Дээрги-Чаяакчы – Израильдиң Бурганының чугаа-сөзүн дыңнаңар! Мен бо черже айыыл-халап ыдарымга, ооң дугайында дыңнаан кижи бүрүзүнүң кулаа түүгейни бээр.

Иеремия 23:12

Ол дээш, оларның оруу тайгыр апаар, караңгыже шымны бээр. Оларны идерге, кээп дүжерлер. Чүге дээрге кеземче үезинде оларже айыыл-халап ыдар мен! – деп, Дээрги-Чаяакчы медеглээн. –

Иеремия 25:35

Чагырыкчылар хоргадаар чер тыппас, сүрүг баштыңнарынга камгалал турбас.

Иеремия 35:17

Ынчангаш Дээрги-Чаяакчы, Израильдиң Аг-шериглиг Бурганы: «Мен Иудеяга, Иерусалимниң чурттакчыларынга оларга аазаан бүгү айыыл-халавымны таварыштырар мен, чүге дээрге Мен оларга чүве чугаалаарымга, олар тооп дыңнавады. Кыйгырарымга, харыылавады» – дээн.

Иеремия 36:31

Мен Иоакимни, ооң үре-салгалын, дүжүметтерин оларның кем-буруузу дээш кезедир мен. Иерусалимниң чурттакчылары, Иудеяның чону Мени тооп дыңнаваан боорга, Мен оларже Мээң оларга аазааным бүгү айыыл-халапты ыдар мен“ – деп чугаалаан».

Иеремия 6:19

Чер-делегей, дыңна! Мен бо чонче айыыл-халапты – ооң бодунуң-на бодалдарының үре-түңнелин ыдып тур мен, чүге дээрге Мээң чугаа-сөзүмнү тооп дыңнаваан, Мээң хоойлумну хүлээп көрбээн чон-дур.

Ыы-сыы 2:22

Коргуп чоруур дайзыннарымны, найырже дег, Дээрги-Чаяакчы чыып тур. Ооң килең хүнү чедип кээрге, камгалал ап, дириг үнер кижи чок-тур! Эмзирип өстүрген, азырап каан улузумну дайзыным кээп, узуткады».

Иезекиил 14:3

«Кижи амытан, бо дээрге дүрзү-бурганнарын боттарының чүрээнче сиңирип, бачыдын боттарының мурнунга тептиге бээр моондак кылдыр салып алган улус-тур. Канчап оларга Менден чүве айтырарын чөпшээрээр мен?

Иезекиил 7:5

Дээрги-Бурган-Чаяакчы мынча дээн: «Айыыл соондан айыыл кел чыдыр! Көрүңер, айыыл кел чыдыр!

Иезекиил 8:18

Ынчангаш Мээң килеңим оларже кыптыгар; Мен оларже кээргел-биле көрүнмес мен, өршээвес мен; олар Мээң шуут кулаамче-даа дуза дилеп алгыржыр болза, дыңнавас мен» – диди.

Амос 5:19

Кандыг-бир кижи арзылаңдан дезе бээрге, аңаа уткуй адыг келген дег азы кандыг-бир кижи бажыңынга чедип келгеш, холу-биле ханадан даянырга, ону чылан шапкан ышкаш хүн-дүр.

Михей 3:4

Үе кээрге, олар Дээрги-Чаяакчыны кыйгырып, дуза дилээр, а Ол харыылавас. Ол үеде Дээрги-Чаяакчы олардан үүлгеткен бузуду дээш хая көрнү бээр.

Захария 7:13

Оларны кыйгырып турумда, тооп дыңнавас болду, ынчаарга олар кыйгырарга, Мен база дыңнаваан мен – деп, Аг-шериглиг Дээрги-Чаяакчы чугаалаан. –

1 Фессалоникчилерге 5:3

Улус: «Кайда-даа амыр-тайбың-дыр, айыыл чок-тур» – деп чугаалажы бээрге, ынчан хенертен, сааттыг херээженниң эъди аарый бээри дег, оларны өлүм-чидим хөме таварыыр база кым-даа оон дезип шыдавас!

Еврейлерге 1:3

Оглу дээрге өндүр чырык Бурганның овур-хевири-дир база Ооң алыс бүдүжүнүң кара чаңгыс дөмей овур-дүрзүзү-дүр. Ол Бодунуң күчүлүг сөзү-биле бүгүдени тудуп турар. Ол бисти бачыттарывыстан арыглааш, дээрлерге кымдан-даа бедикке, Дээди Өрүкүнүң оң талазынга барып олурупкан.