Иеремия 10:9 - Ыдыктыг Библия

⁹ Олар Фарсистен калбартыр соктап каан мөңгүн, Уфазтан алдын эккеп турар. Чазаныкчы, эзилдирикчи усчулар ол бүгүден дүрзү-бурганнар кылгаш, каас-коя хеп кедирип турарлар.

Иеремия 10:9 Iomraidhean Croise

3 Хааннар 10:22

Далайга хаан Хирамның корабльдары-биле кады Фарсисче эжиндирер корабльдарлыг турган. Үш чыл болгаш-ла, корабльдар ээп кээп, алдын-мөңгүн, чаан сөөгү, сарбашкыннар болгаш алдын-доос куштар сөөртүп эккеп турган.

2 Чылдар 9:21

Хаан далайга Хирамның чалчалары-биле Фарсисче эжиндирер корабльдарлыг турган. Үш чыл болгаш-ла, корабльдар ээп кээп, алдын-мөңгүн, чаан сөөгү, сарбашкыннар болгаш алдын-доос куштар сөөртүп эккеп турган.

Ырлар 115:4

Камгалалдың дашказын хүлээп аар мен, Дээрги-Чаяакчының адын мактап кыйгырар мен.

Ырлар 72:10

Ынчангаш Бурганның чону база ол улусту эдерип, оларның сөстерин, аяк долдур суг кудуп ишкен дег, хүлээп ап турар.

Исайя 23:6

Далай эрииниң чурттакчылары, Фарсисче көже бериңер, ыглап-сыктаңар!

Исайя 40:19

Дүрзү-бурган бе? А ону шевер кижи шуткуп кылып каан, ус-шевер кижи алдыннааш, мөңгүн илчирбелер-биле каастап каан болур.

Иезекиил 27:12

Янзы-бүрү байлакшылың эгээртинмес боорга, Фарсис хоорай сээң-биле садыглажып, барааннарың орнунга мөңгүн, демир, коргулчун болгаш ак-коргулчун берип турган.

Иезекиил 27:7

Парустарыңны Египетке угулзалап аргаан лёндан даараан, ол парустар сээң тугуң турган. Сээң чаглак-шывыгларыңны элиса чоннуң ортулуктарындан эккелген көк болгаш кызыл-хүрең өңнүг пөстерден даараан.

Даниил 10:5

Көөрүмге, ында лён хептиг, белинде арыг алдын курлуг бир-ле кижи тур.

Осия 8:6

Ол бугажыкты Израиль боду кылган болгай. Ону шевер кижи шуткаан, ынчангаш ол бурган эвес-тир; Самарияның бугажыы буступ каар!

Иона 1:3

А Иона Дээрги-Чаяакчыдан дезип, Фарсисче чоруптарын шиитпирлээн. Ол Иоппия хоорайга чедип келгеш, Фарсисче эжиндирип чоруур деп турган корабль тып алгаш, орук хөлезинин берипкеш, Дээрги-Чаяакчыдан дезип, Фарсисче эжиндирип чорууру-биле олурупкан.

Аввакум 2:19

Ыяш дүрзүге: „Тынгарлып кел!“, а чугаа-сөзү чок дашка: „Оттуп кел!“ – деп турар улус ат болур! Ол дүрзү кандыг-бир чүвеге өөредип каап шыдаар бе? Көрүңер даан, ону алдын, мөңгүн-биле шап каан-даа болза, амыдыралдың тыныжы ында чок-тур.