Иеремия 10:7 - Ыдыктыг Библия

⁷ Сенден кортпас кижи бар бе, чоннарның Хааны? Чаңгыс Сеңээ ол бүгү чогуур-дур. Аймак-чоннарның бүгү мерген угаанныгларының аразында, бүгү күрүнелерде Сеңээ дөмей кым-даа чок!

Иеремия 10:7 Iomraidhean Croise

4 Хааннар 17:39

Чүгле силерниң Бурганыңар Дээрги-Чаяакчыдан коргуп чоруңар, Ол ынчан силерни бүгү дайзыннарыңарның холундан адырып, камгалаар» – деп дужааган турган болгай.

1 Чылдар 16:25

Дээрги-Чаяакчы өндүр улуг база макталга төлептиг, өске бурганнардан артык коргунчуг болгай.

Эсфир 1:13

Шак ынчан хаан аажок килеңнеп хорадаан. Кандыг-даа байдалдарны сайгарып шыдаар, эрге-хоойлуну эки билир чеди мерген угаанныг кижини хаан келдиртип алган, чүге дээрге кандыг-даа берге айтырыгларны шиитпирлээрде, ол ынчаар кылыр турган.

Ырлар 147:5

Ол ак дүк ышкаш харны чада салыр, хүл ышкаш хырааны черже тө чажар;

Ырлар 47:3

Сион даг – каас-чараш бедик чер, бүгү делегейниң таалалы бо-дур, Цафон дагның ийлеринде өндүр улуг Хаанның хоорайы бо-дур.

Ырлар 72:11

Бузуттуглар: «Бурган канчап билип каарыл? Дээди Өрүкүнүүнде бүгү-ле чүвени билир деп бе?» – дижип турар.

Ырлар 76:7

дүнелерде бадыра бээр ырларымны сактып тур мен, бодалдарым дойлуп, сеткилим харыы дилеп, айтырып тур:

Ырлар 89:6

Сен кижилерни мөңге уйгуже, үер дег, арыда шаап аппаар сен; ол улус – эртен үнүп келгеш, бүрүленип, чечектелгеш, кежээ кадып, оңуп каар оът-сиген дег.

Хосталыышкын 8:10

Фараон: «Даарта» – дээн. Моисей: «Сээң чугаалааның ёзугаар болзун. Ынчан бистиң Дээрги-Чаяакчы Бурганывыс-биле эннежир кым-даа чок дээрзин билип алыр сен.

Хосталыышкын 9:14

Бо удаада Мээң бүгү кеземчемни сээң бодуңче, сээң дүжүметтериңче, албаты чонуңче салыптар мен. Ынчан бүгү чер кырында Мээң-биле эннежир кым-даа чок дээрзин билип каар сен.

Исайя 2:4

Чоннарның херээн Ол шиитпирлээр, эңдерик аймактарның чаргы-чаалызын Ол үзер. Олар боттарының хылыштарын андазыннарже, чыдаларын – хол кадыырларынче эде соп кылып аар. Бир чон өске чонга удур хылыш көдүрбес, олар моон соңгаар дайын чорударынга өөренмес.

Иеремия 10:6

Сеңээ дөмей кым-даа чок, Дээрги-Чаяакчы! Өндүр улуг-дур сен! Сээң адың өндүр бедик, күчү-күштүг!

Иеремия 5:22

Менден коргар база сүрээдээр ужурлуг эвес ийик силер бе? – деп, Дээрги-Чаяакчы медеглээн. – Мен дээрге далайны кызыгаарлай элезин салып каан Бурган-дыр мен. Суг ажып шыдавас мөңге кызыгаарны кылып каан Бурган мен. Далайның чалгыглары хөлзеп, часказа-даа, ону үреп күш четпес, шимээргеп, диргелзе-даа, ону ажа шурап шыдавас.

Даниил 2:27

Даниил хаанга мынча деп харыылаан: «Хаанның айтырып турар чажыдын аңаа мерген угаанныглар-даа, илби-шидичилер-даа, караң көрнүр улус-даа, чурагачылар-даа ажыдып шыдавас.

Даниил 2:28

Ынчалза-даа дээрде саадаан Бурган бар, чажыттарны Ол ажыдып билир. Ол Навуходоносор хаанга келир үелерде чүү болурун баш бурунгаар чугаалап берген-дир. Орун-дөжээңерге тамчыктанып удуп чыдырыңарда, силерниң дүжүңерге мындыг чүве кирген-дир.

Аввакум 3:2

Дээрги-Чаяакчы, Сээң дугайыңда дыңнап кагдым, Сээң ажыл-херектериң мени сүрээдедип тур; өндүр улуг ажыл-херээңни бистиң үеде база чаартып көргүзүп көр. Килеңнеп-даа тура, өршээлиңни утпайн көр. Сэла

Захария 2:11

Ол хүн хөй чоннар Дээрги-Чаяакчы Меңээ каттыжып кээп, Мээң чонум апаар. Иерусалимниң чону, Мен силерниң араңарга чурттай бээр мен». (Ынчан мени силерже Аг-шериглиг Дээрги-Чаяакчының чорутканын билип аар силер.)

Малахия 1:11

Мээң адым хүн үнер чүктен хүн ажар чүкке чедир өске чоннар аразынга өндүр бедик. Каяа-даа Мээң адымга тураскааткан чаагай чыттыг чүүлдер кыпсыр, арыг өргүлдер кылыр, чүге дээрге Мээң адым ол чоннар аразынга өндүр бедик». Аг-шериглиг Дээрги-Чаяакчының чугаалаан чүвези ол-дур.

Лука 12:5

Кымдан коргар ужурлууңарны силерге чугаалаайн: силерни өлүргеш, оон тамыже киир октаптар эрге-чагыргалыг Бургандан коргуп чоруңар. Ийе, Оон коргар ужурлууңарны силерге чугаалап тур мен.

1 Коринфичилерге 8:6

А бисте чүгле бүгү чаяалганың эге-дөзү, амыдыралывыстың эчис сорулгазы боор чаңгыс Бурган Ада болгаш бүгү чаяалганың Ону дамчыштыр бар апарганы, Ону дамчыштыр амыдырап чоруурувус чаңгыс Дээрги Иисус Христос олар бар».

Иисус 4:24

Черниң бүгү чоннары Дээрги-Чаяакчының холунуң кайы хире күштүүн билзин дээш, ол бүгү чүүл болган-дыр. Ол ышкаш силерниң Бурганыңар Дээрги-Чаяакчы кажан кезээде Оон коргуп чорууруңарны күзеп турар».

Ажыдыышкын 11:15

Дээрниң чедиги төлээзи трубазын этсиптерге, дээрден: «Бо делегейни чагырар эрге ам Дээргивистиң, Ооң шилээн Христозунуң эргезинде апарган, Ол ам кезээ мөңгеде хааннаар-дыр!» – дээн ыыткыр үннер дыңналды.

Ажыдыышкын 15:4

Сенден кортпас кижи бар бе, о, Дээрги-Чаяакчы? Сээң адыңны алдаржытпас кижи тыптыр бе? Чүгле Сен ыдыктыг сен! Хамык чоннар Сеңээ кээп мөгеерлер, чүге дээрге Сээң чөптүг ажыл-херээңни шупту улус көрүп турар».