Иеремия 10:5 - Ыдыктыг Библия

⁵ Ногаа олурткан шөлде хоютку дег, ол дүрзү-бурганнар чугаа-сөс чок. Оларны улус көдүрүп, дажыглап чоруп турар, а боттары чаңгыс-даа базым кылып шыдавас. Олардан кортпаңар, олар хора халдадыр харыы-даа чок, ачы-дуза чедирер шаа-даа чок».

Иеремия 10:5 Iomraidhean Croise

3 Хааннар 18:26

Медээчилер оларга берип каан бугажыкты ап алгаш, өргүүрү-биле белеткеп кааннар. Ынчангаш эртенден эгелээш, дүъшке чедир Ваалдың адын кыйгырып: «Ваал, биске харыылап көр!» – деп чеже-даа алгыржырга, кандыг-даа харыы чок болган. Олар кылып алган өргүл салыр бедигээжиниң чанынга самнап халчып-ла турганнар.

2 Чылдар 25:15

Дээрги-Чаяакчының килеңи Амасияже кыптыга берген. Ол медээчизин хаанче чорудуптарга, демгизи аңаа: «Сен чүге бо чоннуң бурганнарынга мөгейип тур сен? Олар боттарының чонун сээң холуңдан камгалап шыдаан эвес» – дээн.

Исайя 16:12

Моавтар ыдыктыг черлерге чедип келгеш, шылагыже чаннып, мөргүүрге-даа, ажык-дуза чок болур.

Исайя 45:20

Силер, чоннарның артынчылары, чыглып алгаш, чедип келиңер, бөлдүнчүп алгаш, чоокшулап келиңер. Ыяш дүрзүлер эдилеп, камгалал бербес бурганнарга мөргүп турар улустуң билир чүвези чок-тур.

Исайя 46:1

Вил бурган доңгая берген, Нево бурган ийлени берген; оларның дүрзүлерин чүък чүдүрер малдарда чүдүрүп каан. Силерниң мөгеер дээш дажыглап чораан чүвеңер ам турупкан малдың чүъгү апарган.

Исайя 46:7

ону көдүргеш, эктинге салып алгаш чоруур, оон тургузуп каарга, демгизи турган черинге шимчеш дивейн турар. Ол дүрзүнү дыңзыдыр кыйгырар-даа болза, харыылавас, айыыл-халаптан ол камгалавас.

Иеремия 10:14

Билиг чок кижи бүрүзү сээдең; шевер-даа эзилдирикчиниң шуткуп алган дүрзү-бурганы ооң адын баксырадыр, чүге дээрге ооң шуткаан чүүлдери – меге-дир, оларда тын чок.

Аввакум 2:19

Ыяш дүрзүге: „Тынгарлып кел!“, а чугаа-сөзү чок дашка: „Оттуп кел!“ – деп турар улус ат болур! Ол дүрзү кандыг-бир чүвеге өөредип каап шыдаар бе? Көрүңер даан, ону алдын, мөңгүн-биле шап каан-даа болза, амыдыралдың тыныжы ында чок-тур.

1 Коринфичилерге 12:2

Христоска бүзүревейн туруңарда, силер шын оруктан астыктырдып, үнү чок дүрзү-бурганнарга бараан болуп чорааныңарны билир силер.

1 Коринфичилерге 8:4

Ынчангаш дүрзү-бурганнарга өргүп салган чемге хамаарыштыр: «Билир чүүлүвүс бо-дур: бо делегейде дүрзү-бурган – көңгүс чүү-даа эвес база чүгле чаңгыс Бургандан өске кандыг-даа бурган чок.

Ы. х. к. 4:28

Силер аңаа кижи холу-биле ыяштан азы даштан кылган, көрүп, дыңнап, чемненип, чыт билип шыдавас бурганнарга бараан болур силер.