Иеремия 10:10 - Ыдыктыг Библия

¹⁰ А Дээрги-Чаяакчы – алыс шын Бурган-дыр, Ол – дириг Бурган, мөңге Хаан-дыр. Ооң килеңинден чер сирилээр, Ол хорадаарга, кандыг-даа чон шыдажыр харык чок боор.

Иеремия 10:10 Iomraidhean Croise

Эге дөс 21:33

А Авраам Беэр-Шевага тамариск деп ыяш олуртуп каан, ол аңаа Дээрги-Чаяакчының – мөңге Бурганның адын мактап кыйгырган.

3 Хааннар 18:39

Ону көргеш, бүгү чон хаваан черге дегзип, доңгая кээп дүшкеш: «Дээрги-Чаяакчы – Бурган-дыр! Дээрги-Бурган-Чаяакчы-дыр!» – деп алгыржы берген.

3 Хааннар 8:60

Ынчан чер-делегейниң бүгү чоннары Дээрги-Чаяакчыны Бурган деп, Оон өске Бурган чок деп билип аар.

1 Чылдар 29:11

Дээрги-Чаяакчы, өндүр улууң болгаш күжүң, өндүр-чаагайың, тиилелгең болгаш алдарың – Сээңии-дир. Дээрде-даа, черде-даа – бүгү чүве Сеңээ хамааржыр болгай. Чагырга – Сээңии-дир, Дээрги-Чаяакчы! Сен бүгү чүвениң кырында өндүр бедик Баштың сен.

2 Чылдар 15:3

Израиль чон үр үеде алыс шынныг Бурган чок, өөредиг бээр Бурганның бараалгакчызы чок болгаш ыдыктыг хоойлу чок чораан-дыр.

Иов 9:6

Бурган черни туружундан чылдырып, ону тургускан адагаштарны сириледип турар.

Ырлар 100:3

Кандыг-даа дүржок чорукту мен көрүп турумда кылырын чөпшээревес мен, кемниг херектерни көөр хөңнүм чок – олар меңээ чыпшынмас.

Ырлар 100:5

Өске кижини бүдүү нүгүлдээр хейни узуткап каар мен; турамык көрүштүг, улуургак кижиден хөңнүм калыр.

Ырлар 104:32

Дээрги-Чаяакчы чаъс орнунга долуну чагдырып, оларның чуртунче кызаңнааштарын дүжүрген;

Ырлар 114:7

Сеткил-сагыжым амыр-дышка бүргетсин, Дээрги-Чаяакчы меңээ буянын хайырлаан-дыр.

Ырлар 146:6

Ол базындырган улусту өрү көдүрүп, бузуттуг улусту черге чедир куду базып турар.

Ырлар 18:7

Ол дээрниң бир кыдыындан үнүп келгеш, өске кыдыынга чедир көжүп хүннээр, ооң изиинден чүү-даа чүве чаштынып шыдавас.

Ырлар 29:10

«Өлү бээримге, ажыы чүл? Хөөрже кире бээримге, эки чүү боор? Өлген сөөк Сени канчап алдаржыдарыл? Алыс шыныңны канчап херечилээрил?

Ырлар 31:5

А мен Сээң мурнуңга бачыттыымны миннип, кем-буруумну чажырбайн: «Дээрги-Чаяакчыга кемниг херектерим миннир мен» – деп чугааладым. Сен ынчан бачыдымның кем-буруузун өршээдиң. Сэла

Ырлар 42:2

Күш-шыдалым Сенде болгай, Бурганым. Чүге менден ойталадың? Дайзыннарга базындырып, хомудалдан човууртап чоруур ужурум чүл?

Ырлар 68:11

Ыглап-сыктап, шээрлээним дээш чемелел-ле дыңнаар-дыр мен.

Ырлар 68:8

А мен Сен дээш бак атка кирип чор мен; Сен дээш арнымны ыядыг шыва алды.

Ырлар 76:7

дүнелерде бадыра бээр ырларымны сактып тур мен, бодалдарым дойлуп, сеткилим харыы дилеп, айтырып тур:

Ырлар 76:8

«Таанда-ла Дээрги бистен кезээ мөңгеде ойталаан бе, моон соңгаар ээ көрүнмес бе?

Ырлар 77:18

А олар боттарының чүрээнге Бурганны шенеп, күзелин хандыр чиир аъш-чем айтырып турганнар.

Ырлар 84:2

Дээрги-Чаяакчы, Бодуңнуң чер-чуртуңга ээ-хайыралыг болган сен, Израильге эки чолду эгиткен сен.

Ырлар 9:8

А Дээрги-Чаяакчы кезээ мөңгеде чагырып артар, Ол Бодунуң дүжүлгезин шииткел үндүрер дээш белеткеп алган;

Ырлар 90:11

Ол сени шупту оруктарыңга камгалаар кылдыр Бодунуң төлээлеринге чагып каар,

Ырлар 90:2

Дээрги-Чаяакчыга: «Бурганым, Сен мээң хоргадалым сен, быжыг шивээм сен, мен Сеңээ идегээр мен» – деп чугаалаар сен.

Ырлар 93:2

Чер-делегейниң Шииткекчизи, туруп келем, улуургак улуска чогуур кеземчени онааштырып көрем.

Ырлар 97:4

Бүгү чер-делегей, Дээрги-Чаяакчыны алгап ырла, өөрүп-хөглеп, байырлап ырла!

Исайя 37:17

Дээрги-Чаяакчы, кулааң ээктиргеш, дыңнап көрем! Дээрги-Чаяакчы, карааң ажыткаш, көрүп көрем! Дириг Бурганны дорамчылазын дээш элчиннер чорудупкан Сеннахиримниң бүгү сөстерин дыңнап көрем.

Исайя 37:4

Ассирияның хааны бодунуң кол дашка тудукчузунга дириг Бурганны дорамчылаар даалга берген. Ооң сөстерин сээң Бурганың Дээрги-Чаяакчы дыңнап каан болза! Ол дыңнаан сөстери дээш ону кезеткен болза! Чоннуң артынчызы дээш дилеп, мөргүп көрем».

Исайя 40:15

Бүгү чоннар кочалда дамды дег, деңзи таваанда доозун ышкаш! Бурган далайның ортулуктарын безин, борбак элезин дег, чииги-биле көдүрүп турар.

Исайя 40:28

Таанда-ла билбес сен бе? Таанда-ла дыңнаваан сен бе? Дээрги-Чаяакчы – чер-делегейниң бүгү кыдыгларын чаяаган мөңге Бурган-дыр. Ол могавас, шаа төнмес, Ооң угаан-бодалын билип аары болдунмас.

Исайя 57:15

Өндүр бедик, Дээди Өрүкү, Мөңге амыдыраан, Ады ыдыктыг Бурган мынча дээн: «Мен ыдыктыг бедикте турар мен, ындыг-даа болза, качыгдаан, сагыш-сеткили томаараан улус-биле кады мен: томаараан улустуң сагыш-сеткилин сергедир мен, качыгдааннарның чүректерин омакшыдар мен.

Исайя 65:16

Ынчан чер кырында алгаг-йөрээшкин кылып турар кижи бүрүзү сөзүнге шынчы Бурганның адын ажыглаар; чер кырында даңгырак берген кижи бүрүзү сөзүнге шынчы Бурганның ады-биле даңгыраглаар. Чүге дээрге биеэги качыгдалдар уттундурган, олар ам Мээң көрүжүм мурнунда артпаан-дыр.

Иеремия 23:36

«Дээрги-Чаяакчының чүдүрген үүрге-чүъгү» деп сөстерни моон соңгаар сагынмаңар, чүге дээрге кижи бүрүзүнүң сөстери ооң бодунга үүрге-чүък апаар болгай, а Аг-шериглиг Дээрги-Чаяакчы, Дириг Бурганывыстың сөстерин хажыткан-дыр силер.

Иеремия 4:2

шынныы-биле, ак сеткилдии-биле: „Дириг Дээрги-Чаяакчының ады-биле даңгыраглап тур мен!“ – дээр болзуңза, өске чоннар Бургандан ачы-буян алыр, Ол дээш чоргаарланыр».

Иеремия 4:24

Дагларже көрдүм – олар сирилеп тур, тейлер шупту сүрээдеп тур.

Иеремия 50:46

Вавилон эжелеттирер, дааш-шимээнден чер шимчээр, бүгү чоннар алгы-кышкы дыңнаар».

Иеремия 51:29

Чер сирилеп, шимчей бээр, чүге дээрге Дээрги-Чаяакчының Вавилонга хамаарыштыр бодалы бүдер – вавилон чер чурттакчы чок апаар.

Даниил 4:3

Мээң ол дүжүмнү тайылбырлап берзин дээш, Вавилоннуң бүгү мерген угаанныгларын бодумнуң мурнумга чыып эккээрин дужааган мен.

Даниил 4:34

Ам мен, Навуходоносор, Дээрниң Хаанын алдаржыдып, Аңаа мактал болгаш хүндүткел көргүзүп тур мен: Ооң бүгү ажыл-чорудулгазы ылап шынныг, Ооң оруктары чөптүг; Ол турамык менээргектерни томаартып шыдаар.

Даниил 6:26

Мээң чарлыым мындыг: меңээ чагыртып турар бүгү күрүнемде шупту улус Даниилдиң Бурганын хүндүлеп, Оон кортсун! Чүге дээрге Ол – дириг, мөңге амыдыраан Бурган-дыр, Ооң хааннаашкыны кажан-даа узуткаттырбас, Ооң чагыргазы төнчү чок.

Даниил 6:27

Ол камгалаар болгаш айыылдан адырар, дээрге болгаш черге кайгамчык чүүлдерни болгаш онзагай демдектерни чаяар. Ол Даниилди арзылаңнардан камгалаан».

Даниил 7:14

Аңаа эрге-чагырганы, алдар-хүндүнү база хааннаашкынны хүлээдип берип каан. Бүгү чоннар, аймактар болгаш төрел бөлүктер аңаа чагырты берген. Ооң эрге-чагыргазы – мөңге болгаш казыттынмас, Ооң хааннаашкыны кажан-даа узуткаттырбас.

Иоил 2:11

Дээрги-Чаяакчының үнү Ооң аг-шерииниң мурнунга дыңналыр, Ооң аг-шерии дүк-түмен, Ооң сөзүнүң күүседикчилери күчү-күштүг. Дээрги-Чаяакчының шииткел хүнү өндүр улуг болгаш аажок коргунчуг. Ону кым шыдап эртерил?

Михей 1:4

Даглар Ооң будунуң адаанда эстип тур, шынаалар чарлып тур, олар отка эзилген чук дег, тейниң ийинден агып баткан суг дег апаар.

Наум 1:5

Ооң мурнунга даглар сирилээр, тейлер эстип чиде бээр; Ону көргеш, чер-делегей – өртемчей болгаш ооң бүгү чурттакчылары сириңейни бээр.

Наум 1:6

Ооң хорадаан сагыжынга удур кым туржуп шыдаарыл? Ооң кыптыккан килеңин кым шыдажырыл? Ооң килеңи от дег чаттыларга, хаялар Ооң мурнунга буступ турар.

Аввакум 3:10

Сени көрүп кааш, даглар сириңейни берген, суглар аттыгып баткан, дүп чок далай алгырып эгелээш, чалгыгларын диргелдир көдүрүпкен.

Аввакум 3:6

Ол доктаай бергеш, черни хемчээй көрүпкен, Ооң көрүжү чоннарны сириледипкен; үе-дүптүң даглары буступ кээп дүшкен, эрте-бурунгу тейлер чавызай берген; Бурганның оруктары үе-дүптен бээр турган.

Малахия 3:2

Ооң чедип кээр хүнүн кым шыдап эртерил? Ол көстүп кээрге, кым шыдажырыл? Ол эзилдирер от, саваң дег болур.

Матфей 16:16

Симон Пётр: «Силер – Христос, дириг Бурганның Оглу-дур силер» – деп харыылаан.

Матфей 26:63

Ынчалза-даа Иисус ыыттаваан. Бурганның дээди бараалгакчызы Оон айтырган: «Дириг Бурганның мурнунга биске чугаалап көр, Сен – Христос, Бурганның Оглу сен бе?»

Иоанн 17:3

А мөңге амыдырал дээрге-ле дың чаңгыс алыс шын Бурган болур Сени база Сээң айбылап чорутканың Иисус Христосту билип алыры болгай.

Ажыл-чорудулга 14:15

«Улус-чон! Бо канчап бардыңар? Силер-биле дөмей кижилер-дир бис! Силерге Буянныг Медээ медеглеп келдивис. Бо хоозун дүрзү-бурганнарны каапкаш, дээрниң, черниң, далайның база оларда бар бүгү чүвениң Чаяакчызы, дириг Бурганче эглириңерни күзеп тур бис.

Ы. х. к. 32:4

Ол – бистиң Хаявыс, Ооң ажыл-херектери болбаазыраңгай, Ооң шупту оруктары дорт; Бурган сөзүнге шынчы, Ында меге чүү-даа чок, Ол чөптүг болгаш шынныг.

Ы. х. к. 5:26

Бис ышкаш, дириг Бурганның от иштинден чугаалап турар үнүн дыңнааш, дириг арткан улус бар бе?

1 Фессалоникчилерге 1:9

Бисти канчаар хүлээп алганыңар дугайында, дүрзү-бурганнардан ойталааш, алыс шын дириг Бурганга бараан боору-биле Олче канчаар ээлгениңер дугайында бүгү өске улус боттары биске чугаалап турар апарды.

1 Тимофейге 1:17

Мөңге Хаанга, өлүм чок, көзүлбес дың чаңгыс Бурганга кезээ мөңгеде мактал-хүндү база алдар доктаазын! Аминь.

1 Тимофейге 6:17

Амгы амыдыралынга бай улусту таптыг сурга: адыыргавазыннар, идегел чок эртине-байлакка ынанмазыннар, харын бистиң сеткил ханар бүгү чүүлүвүстү элбээ-биле хандырып бээр Бурганга ынанзыннар.

Еврейлерге 10:31

Дириг Бурганның кезедир холунче кирери эң коргунчуг!

Иисус 3:10

Оон мынча дээн: «Дириг Бурган силер-биле кады деп чүвени база хананей, хет, хиввей, ферез, гергес, амор, иевус чоннарны силерниң мурнуңардан үндүр ойладыптар деп чүвени мындыг янзылыг билип каар силер.

1 Иоанн 5:20

Ол ышкаш Бурганның Оглунуң келгенин база алыс шын Бурганны билип алзыннар дээш, биске угаап билиишкинни эккелгенин билир бис. Ынчангаш бис алыс шын Бурган-биле сырый харылзаалыг амыдыраар бис, чүге дээрге Ооң Оглу Иисус Христос-биле харылзаалыг-дыр бис. Ол дээрге алыс шын Бурган-дыр, Ол дээрге мөңге амыдырал-дыр.

Ажыдыышкын 20:11

Мен оон кончуг улуг ак дүжүлгени база ында саадаан Бурганны көрүп кагдым. Ооң түрлүг көрүжүнден дээр биле чер ис чок чиде берген.

Баштыңчылар 5:4

Кажан Сен, Дээрги-Чаяакчы, Сеирден үнгеш, Эдом ховуларындан чоруп оруңда, чер сириңейнип, дээрден дамдылап, булуттар суун төп турду.

1 Хааннар 17:26

Давид чанында турган улустан: «Бо филистим кижини өлүрүп кааш, Израильдиң адын камгалап каар кижини канчаарыл? Дириг Бурганның аг-шериин базынчактаар хире кыртыжадып демдектетпээн филистим чүү апарганыл бо?» – деп айтырган.

1 Хааннар 17:36

Силерниң чалчаңар мен арзылаңны-даа, адыгны-даа өлүрүп чораан мен. Ол кыртыжадып демдектетпээн филистим-биле база ынчаар аажылаар мен, чүге дээрге ол дириг Бурганның аг-шериин базынчактап турар-дыр».