Иеремия 1:14 - Ыдыктыг Библия

¹⁴ Дээрги-Чаяакчы меңээ: «Бо черниң бүгү чурттакчыларын айыыл-халап соңгу чүктен хөме алыр-дыр» – дээн.

Иеремия 1:14 Iomraidhean Croise

Исайя 14:31

Ыглаңар, хаалгалар! Алгырып ыгла, хоорай! Филистимнер, кортканыңардан дөгере көжүй бериңер! Чүге дээрге соңгу чүктен ыш диргелип кел чыдыр, ол аг-шеригде чыскаалдан чыдып калган кижи чок-тур.

Исайя 41:25

Мен демги тиилекчини соңгу чүктен кыйгырган мен, ол кел чыдар! Хүн үнер чүкке ол Мээң адымны адап, алдаржыдар. Ол чагырыкчыларны малгаш ышкаш базып кылаштаар – дой сава кылыкчызы дойну ынчаар таптай базар.

Иеремия 10:22

Медээ чедип келди, соңгу чүкте чурттан улуг дааш-шимээн дыңналды! Иудеяның хоорайлары хоозурап, шөө-бөрүлер чурттаар чер апаар-дыр.

Иеремия 11:17

Израиль биле Иудеяның улузу, силерни тарып олуртуп каан Аг-шериглиг Дээрги-Чаяакчы боттарыңарның араңарга кылып турган бузудуңар дээш силер-биле айыыл-халап боорун чугаалаан. Силер Ваал бурганга айдызаашкын кылып, Мени килеңнедип турган болгай силер».

Иеремия 25:9

Мен соңгу күрүнелерниң бүгү аймактарын кыйгыртып, чыыр мен – деп, Дээрги-Чаяакчы медеглээн, – Мээң чалчам, Вавилоннуң хааны Навуходоносорну кыйгырткаш, ону бо черге, ооң чурттакчыларынга, бүгү кожа чоннарга удур чаалаштырар мен. Ол чоннарны бүрүнү-биле узуткаар мен, оларны хоозураашкын биле кочулалга, мөңге буураашкынга чыгаар мен.

Иеремия 31:8

Мен израильчилерни соңгу чүкте чурттан, чер-делегейниң ужу-кыдыындан чыып эккээр мен. Согур, аскак-бүскек улус, иштиг-сааттыг, божуур четкен херээженнер база оларның аразынга турар, олар дыка хөй бооп мөөңнежип алган чанып кээр.

Иеремия 4:6

Сионче дезер дээш ынаар углай туктан көдүрүңер, амы-тыныңар камгалаңар, черле доктааваңар, чүге дээрге Мен соңгу чүктен айыыл-халап, кончуу сүргей өлүм-чидим эккээр мен!

Иеремия 46:20

Египет – чараш инек-тир, олче соңгу чүктен шаашкак ужуп кээп-ле, ужуп кээп-ле турар.

Иеремия 47:2

Дээрги-Чаяакчы мынча дээн: «Соңгу чүктен суглар диргелип кел чыдыр, олар үерлээн хем дег агып келгеш, черни база ында бар бүгү чүвени, хоорайларны база чурттакчы чонну хөме алыр. Ынчан аът даваннарының токкулаарындан, дайынчы тергелерниң кедергей шимээнинден, оларның дугуйларының даажындан улус ишкирнигип ыглаар, чурттуң чону ыглажыр. Адалар ажы-төлүнче көрүнмес, чүге дээрге оларның холунуң күжү чидер –

Иеремия 50:41

Көрүңер! Соңгу чүкте чурттаан чон, күчүлүг аймак, өндүр улуг хааннар кел чыдыр, олар чер-делегейниң кыдыындан көдүрлүп олур!

Иеремия 50:9

Чүге дээрге Мен соңгу чүкте черге өндүр улуг чоннардан шериг чыггаш, оларны Вавилонга удур ыдар мен – олар олче халдаарга, ол эжелеттирер. Дайзын шеригниң согуннары – олча-тывыш тыппайн, дедир чанмас шыырак дайынчының согуннары-дыр.

Иеремия 6:1

Вениаминниң аймаа, Иерусалимден дезиңер! Текояга трубадан этсиңер, Бет-Каремге сагындырыглыг демдектен бериңер, чүге дээрге соңгу чүктен айыыл-халап, аажок улуг өлүм-чидим кел чыдар-дыр.

Иеремия 6:22

Дээрги-Чаяакчы: «Көрүңер! Соңгу чүкте чурттан бир чон кел чыдыр, күчүлүг аймак чер-делегейниң кыдыындан көдүрлүп олур!

Иезекиил 1:4

Мен топтап көөрүмге, соңгу чүктен күштүг хат-казыргы, чырыкка бүргеткен улуг булут, кызаңнаан от диргелип кел чытты.

Иезекиил 24:3

Бо үймээнчи чонга оюскан уткалыг чугаадан чугаалап бер. Дээрги-Бурган-Чаяакчының чугаалаан чүвезин оларга дамчыт: Отка паштан салгаш, сугдан кудуп каг.

Иоил 2:20

Мен соңгу чүктен келген аг-шеригни силерден ырадып, куруг, кургап калган черже үндүр сывырыптар мен. Оларның мурнукуларын чөөн чүкте далайже, а соондагыларын – барыын чүкте далайже чорудуптар мен, оларның мөчү-сөөктеринден бак чыт үнер, хоралыг чыт тараар. Чүге дээрге олар хөй бузутту үүлгеткен-дир».

Захария 6:6

Дас кара аъттар соңгу чүкте чуртче бар чыдары ол-дур, ак аъттар – оларның соо-биле, ала-шокар аъттар – мурнуу чүкче» – деп харыылады.