Иеремия 1:10 - Ыдыктыг Библия

¹⁰ Көрдүң бе, Мен бөгүн сени чоннар, күрүнелерни харагалзаар кижи кылдыр томуйлап тур мен – дазылы-биле тура тыртар, үрегдээр, узуткаар, буурадыр, быжыглаар база тарып олуртур сен» – дээн.

Иеремия 1:10 Iomraidhean Croise

3 Хааннар 17:1

Галаадта Тешви чурттуг Илия деп кижи Ахавка: «Бараан болуп турарым Израильдиң дириг Бурганы Дээрги-Чаяакчының адындан чарлап тур мен: чүгле мээң сөзүм-биле болур дээрден башка, бо каш чылда маңаа шалың-даа дүшпес, чаъс-даа чагбас» – дээн.

3 Хааннар 19:17

Азаилдиң хылыжындан дириг арткан бүгү улусту Иеху өлүрүп каар. А Иехунуң хылыжындан дириг арткан бүгү улусту Элисей өлүрүп каар.

Экклесиаст 3:3

өлүрер-даа үе турар, эмнээр-даа үе турар; бузуп үрегдээр-даа үе турар, тудуп кылыр-даа үе турар;

Иеремия 24:6

Оларга ачы-буян чедирери-биле ээ көрнүп, бо черже дедир чандырар мен, оларны маңаа хоозуратпайн, быжыктырар мен, тура тыртпайн, тарып олуртур мен!

Иеремия 25:13

Мен ол чер-биле Мээң аңаа удур чугаалаан бүгү чүвемни, бо номда бижиттинген чүвени, Иеремияның бүгү чоннар дугайында өттүр билип медеглээн чүвезин боттандырар мен.

Иеремия 31:28

Мурнунда Мен дазылы-биле тура тыртар, үрегдээр, буурадыр, узуткаар болгаш хора халдадыр дээш олардан карак салбайн турдум. Ам Мен быжыглаар база тарып олуртур дээш олардан карак салбас мен – деп, Дээрги-Чаяакчы медеглээн. –

Иеремия 31:40

Ам мөчү-сөөк биле хүл шыпкан бүгү шынаага база Кедрон суунга чедир, чөөн чүкте Аът хаалгазынга чедир бүгү шөлдер Дээрги-Чаяакчының ыдыктыг чери апаар, ол хоорайны кажан-даа үреп буспас, узуткавас».

Иеремия 36:2

«Дүрүг-номдан ап алгаш, аңаа Израиль, Иудея болгаш шупту чоннар дугайында бүгү сөстеримни – Иосия хаан чагырып турда, сээң-биле эң баштай чугаа кылып эгелээн хүнүмден эгелеп, амгы үеге чедир сеңээ чугаалаан бүгү чүвемни бижип каг.

Иеремия 44:27

Силерге ачы-буян эвес, айыыл-халап келзин дээш, Мен силерден карак салбас мен. Египетте турар бүгү иудейлер, төндүр кырлып калгыжеге чедир, дайын-чаа болгаш аш-чуттан өлүп кээр.

Иеремия 45:4

Иеремия, сен аңаа Дээрги-Чаяакчының мынча дээн сөзүн дамчыт: „Бо бүгү чер кырынга Бодумнуң тудуп каан чүвемни үрегдээр мен, олурткан чүвемни тура тыртар мен!

Иезекиил 21:19

«Кижи амытан, Вавилоннуң хаанының хылыжы чоруп болгу дег ийи оруктан даап бодап, чуруп ал; олар ийилээн чаңгыс черден үнүпсүн. Оруктарның эгезинге аңгы хоорайларже айыткан орук демдээн тургузуп каг.

Иезекиил 23:36

Дээрги-Чаяакчы меңээ мынча дээн: «Кижи амытан, Огола биле Оголиваны шиидеринге белен сен бе? Ындыг болза, оларга чүдек-бужар херектерин айтып бер.

Иезекиил 32:18

«Кижи амытан, Египеттиң мөөң чонунуң ажыын ажып ыгла; өске күштүг чоннар-биле деңге өлген улустуң турары алдыы оранче чоруптарын аңаа медегле.

Иезекиил 36:36

Ынчан силерни долгандыр чурттап арткан өске чоннар Дээрги-Чаяакчы Мээң үрелип бузулган чүвени катап тутканымны, ээн калган черни тарып каанымны билип аар. Дээрги-Чаяакчы Мээң ону чугаалааш, боттандырганымны билип аар».

Иезекиил 43:3

Шак ол көстүүшкүн, мээң ооң мурнунда, кажан Ол хоорайны чок кылып каар дээш кээп турда, көргеним дег база Кевар хем чанынга көргеним дег көстүүшкүн болган. Мен хаваамны черге дегзи доңгая кээп дүштүм.

Осия 6:5

Ынчангаш өлүм биле узуткаашкынны медээлээр дээш, силерже медээчилеримни чорудуп турдум; Мээң шииткелим чырык дег чайынналдыр чырып кээр.

Амос 3:7

Дээрги-Чаяакчы чүү-даа чүвени Бодунуң чалчалары болур медээчилерге чажыт бодалдарын ажытпайн кылыр эвес.

Амос 9:11

Шииткел хүнү кээрге, Мен Давидтиң буступ дүшкен чадырын катап тургузар мен, ооң тиглерин дуглап каар мен, бузундуларын эде тудуштурар мен, бурунгу үеде турганы дег кылдыр тудуп каар мен.

Захария 1:6

А Мээң чалча-медээчилеримге айыткаан сөстерим ада-өгбеңер-биле боттанмаан чүве бе? Олар ынчан бачыттарын миннип: „Аг-шериглиг Дээрги-Чаяакчы биске хамаарыштыр, Боду канчаар доктаадып кааныл, ынчаар кылды – бистиң оруктарывыс болгаш үүлгедиглеривис ёзугаар кылды“ – дээн болгай».