Иаков 5:9 - Ыдыктыг Библия

⁹ Ха-дуңма, шииттирип албазы-биле, удур-дедир хомудал үндүрбеңер. Бурган шупту улусту шынныы-биле шиидер.

Иаков 5:9 Iomraidhean Croise

Эге дөс 4:7

Бир эвес эки чүве кылып турар болзуңза, бажың көдүр. А бир эвес эки чүве кылбайн турар болзуңза, эргин аксында бачыт кедеп чыдар. Ол сени бодунуң аайынче киириксеп турар-дыр, ынчалза-даа сен ону чагырар ужурлуг сен».

Иезекиил 7:12

Үе келген, кеземче хүнү чоокшулаан-дыр. Бир чүве садып алган кижи өөрүвезин, а садыпкан кижи хараадавазын, чүге дээрге Мээң килеңим мөөң израильчилерже кыптыгып турар.

Левит 19:18

Өжээн негеве, чонуңнуң улузунга удур бак сагыш шыгжава, харын чаныңда кижиге бодуңга бодуң дег ынак бол. Мен – Дээрги-Чаяакчы-дыр мен!

Матфей 24:33

Шак ынчалдыр, ол бүгүнү көргеш, Кижи амытан Оглу мырыңай бо, эжик аксында келген дээрзин билип алыңар.

Марк 13:29

Шак-ла ынчалдыр ол бүгүнүң боттанып эгелээнин көрүп кагзыңарза, Кижи амытан Оглу бо, эжик аксында келген дээрзин билип алыңар.

Марк 6:19

Иродиада Иоаннга хорадааш, ону өлүртүп каар арга-хорга дилей берген. Ынчалза-даа ол чүнү-даа канчап чадап каан,

1 Коринфичилерге 10:11

Биске үлегер-чижек болзун дээш, ол бүгү чүүлдер ада-өгбевис-биле болган, биске сагындырыг болзун дээш, ол бүгүнү бижип каан. Үелерниң төнчүзүнде чурттап турар болгай бис.

1 Коринфичилерге 4:5

Ынчангаш чогуур үе үнмээнде, Дээрги-Чаяакчы чедип келбээнде, чүнү-даа шиитпеңер. Ол караңгыда чажыртынган чүүлдү чырыдыпкаш, чүректерниң бодал-хөөннерин ажыдыптар, кижи бүрүзү ынчан Бурганның макталын алыр.

2 Коринфичилерге 9:7

Кижи бүрүзү, муңгаравайн база «Албадалга кирдим» деп бодавайн, чүрээ чежени бээр дээр болдур, ынчаны берзин. Чүге дээрге Бурган өөрүшкүлүг берип турар кижиге ынак.

Галатчыларга 5:14

Чүге дээрге бүгү ыдыктыг хоойлу чаңгыс борбак домакта туттунуп турар: «Чаныңда кижиге бодуңга бодуң дег ынак бол».

Галатчыларга 5:26

Ынчангаш адыыргак болбаалы, бот-боттарывыска хорадаваалы база адааргаваалы.

Иаков 4:11

Ха-дуңма, удур-дедир бак сөглешпеңер. Бодунуң эжин бак сөглээр азы буруу шавар кижи ыдыктыг хоойлуну бак сөглээни азы буруу шапканы ол боор. А ыдыктыг хоойлуну буруу шаап турар болзуңза, ооң күүседикчизи эвес, а шииткекчизи сен.

Иаков 4:12

Хоойлу Берикчизи болгаш Шииткекчи – чүгле чаңгыс, чүгле Ол камгалап азы чок кылып шыдаар. Чаныңда кижини шиидер мен дээр хире сен чогум кым сен?

Иаков 5:10

Ха-дуңма, Дээрги-Чаяакчының өмүнээзинден чугаалап турган медээчилерни хилинчек көөрүнүң болгаш шыдамык чоруктуң үлегери кылдыр ап көрүңер.

Иаков 5:7

Ха-дуңма, ынчангаш Дээрги-Чаяакчының ээп кээр хүнүнге чедир шыдажып көрүңер. Тараачын кижи черниң дүжүт бээр үезин кайы хире манаарын көрүңер даан. Ол күскү болгаш часкы чаъстар чаарын шыдамык манап кээр.

1 Пётр 4:5

Ындыг-даа болза, олар боттарын ынчаар ап чорууру дээш, дириглерниң-даа, өлүглерниң-даа Шииткекчизиниң мурнунга харыы тудар.

1 Пётр 4:9

Аалчыларга чеме-хала чокка экииргек болуңар.

Ажыдыышкын 3:20

Дыңнаңар, Мен эжик артында соктап тур мен. Мээң үнүмнү дыңнааш, эжиин ажыдыптар кижиниң бажыңынче киргеш, ооң-биле кады чемненир мен.