Иаков 5:6 - Ыдыктыг Библия

⁶ Силерге удурланмаан чөптүг-шынныг улусту шииткеш, өлүрүп турдуңар.

Иаков 5:6 Iomraidhean Croise

Исайя 5:23

хээли алгаш, буруулуг кижини агартыр, а буруу чок кижиге шынныг шииткел үндүрбес кижи ат болур!

Исайя 53:7

Ол эттедип-соктуруп, дорамчылаткан, ынчалза-даа чүве ыыттаваан, дөгерери-биле аппар чыдар дөтпе-хураган дег, дүгүн кыргыыр дээн хойнуң үн үндүрбези дег, ол аксын ажытпаан.

Матфей 21:38

Ынчалза-даа виноград ажаакчылары ооң оглун көргеш: „Бо-даа салгакчызы-дыр! Ону өлүрүп каапкаш, өнчүзүн олчалап аалы“ – дээннер.

Матфей 27:20

Ынчалза-даа Бурганның дээди бараалгакчылары болгаш баштыңнар чонну Иисусту өлүрүп шиидерин, а Варавваны хостаарын дилээр кылдыр көгүдүп каапканнар.

Матфей 5:39

А Мен силерге мынча деп тур мен: бузуттуг кижиге удурланма. Оң талакы чаагыңче дажыпкан кижиге солагай талазын база дөгеп бер.

Ажыл-чорудулга 22:14

Ынчан ол меңээ мынча дээн: „Өгбелеривистиң Бурганы сени Ооң күзел-соруун билип алзын дээш, чөптүг-шынныг Кижини көрзүн дээш база Ооң сеңээ чугаалаан сөзүн дыңназын дээш шилип алган-дыр.

Ажыл-чорудулга 7:52

Өгбелериңерге истедип-сүрдүрбээн чаңгыс-даа медээчи турган ийикпе? Чөптүг-шынныг Кижиниң чедип кээрин баш бурунгаар медеглээн улусту олар өлүрүп турду, а ам силер Ооң Бодун садыпкаш, өлүрүп кагдыңар.

Ажыл-чорудулга 8:32

Дүжүметтиң Бижилгеден номчуп олурган черинде мынча дээн болган: «Дөгерери-биле аппар чыдар дөтпе-хураган дег, дүгүн кыргыыр дээн хойнуң үн үндүрбези дег, ол аксын ажытпаан.

Еврейлерге 10:38

Бүзүрелиниң ачызында Мээң мурнумга актыг-шынныг кижи амылыг артар, а оозундан ойталаар болза, Мен ол кижиже ээ көрүнмес мен» .

Иаков 2:6

А силер ядыыларны дора көөр-дүр силер! Эрге-шөлээңерни кызагдап, шииткел черинче сөөртүп турар улус кымнарыл – байлар эвес ийик бе?

Иаков 4:2

Бир-ле чүвени аажок күзээш, холга киирип чадаар силер, оон-на кижи өлүреринге-даа белен боор силер. Аажок алыксааш, дөмей-ле ону чедип албас силер, ынчангаш алгыжып-кыржып, демисежип үнер силер. Бургандан дилевес болгаш, күзээн чүвеңерни албас силер.

1 Пётр 4:18

Чөптүг-шынныг кижи арай деп камгалал ап турда, бачыттыг, бузуттуг улус дугайында чугаалаан дүжүү чүл?