Иаков 5:5 - Ыдыктыг Библия

⁵ Силер чер кырынга чыргап-таалап, мага хандыр чурттап келдиңер. Чүрээңер дөгерери-биле семирти азыраан хойлар чүрээ дег апарды.

Иаков 5:5 Iomraidhean Croise

Ырлар 17:14

Дээрги-Чаяакчы кудай-дээрге диңмиттиг диңмирээн – Дээди Өрүкүнүң үнү, долу биле чаңныктар чажып, чыжыраан.

Ырлар 73:7

Ыдыктыг өргээңни өрттедипкеш, ат-алдарың ээлээн черни таваан карартыр бужартадып каапты.

Чугаалар 17:1

Мага хандыр дойлап-даа тургаш, алгыжып-кыржыр аалга көөрде, када берген хлеб карты-даа чип оргаш, амыр-тайбың чорааны дээре.

Чугаалар 7:14

«Мен бөгүн кылыр бооп аазааным эп-найырал өргүлүн боттандырдым.

Экклесиаст 11:9

Аныяк оол, аныяк шааңда хөглеп чор, база чүрээң чалыы назыныңда өөрүшкүнү чооглап чорзун, база чүрээңниң кыйгырган оруктарынче карактарың кайнаар көөр-дүр, ынаар углап чор, чүгле мону бил: ол бүгү дээш Бурган сенден харыы негээр.

Исайя 22:13

Ооң орнунга өөрүп-хөглеп, байырлап, шарылар соп, хойлар дөгерип, эът чип, арага ижип: «Даарта өлүп каар бис – ам дойлап, ижип-чип аалы!» – деп турар-дыр силер.

Исайя 3:16

Дээрги-Чаяакчы: «Сионнуң херээженнери турамык, мойну чооннаан, көрүжү-биле эрлер дуурайлаар, чаяңнадыр кылаштаар, кажыктарында каасталгалары дагжаар улус-тур» – дээн.

Исайя 47:8

А ам дыңнап көр, таалал сүрген, айыыл чок чурттап турар, „Мен кончуг мен, менден өске кым-даа чок. Дулгуяк апарбас мен, ажы-төлүм чидирбес мен!“ деп бодаар Вавилон-кыс!

Исайя 56:12

«Бээр келиңер – деп турлар, – арагадан кудуп берейн, эзиртир ижээли! Даартагы хүннү база бөгүнгү хүн дег эрттирээли, мага хандыр хөглеп аалы!»

Иеремия 12:3

Дээрги-Чаяакчы, Сен мени билир сен, көрүп турар сен, сеткил-чүрээмни шенеп көрген сен – ол Сээң-биле болду. А бузуттуг улусту, хойлар дег, дөгерери-биле сүрүп аппар, кырар хүнүн айтып каап көр.

Иеремия 25:34

Чагырыкчылар, ыглап-сыктаңар, човууртаңар, сүрүг баштыңнары, качыгдалдан довуракка боражыңар, чүге дээрге силерни дөгерер дээш аппаар үе келген-дир. Силерни, үнелиг сава дег, буза шавар, тоо быдарадыр.

Иезекиил 16:49

Содом дуңмаңның база ооң уругларының кем-буруузу бо-дур: олар улуургап, эмин эрттир тодуп, амыр-шөлээн чурттап тургаш, ядыы-түреңги, чединмес улуска дуза катпааннар.

Иезекиил 39:17

Кижи амытан, янзы-бүрү куштар биле черлик аң-араатанга Дээрги-Бурган-Чаяакчының чугаалаан чүвезин дамчыт: чыылгаш, Мээң силерге белеткеп каарым өргүл доюнче, Израильдиң дагларында өндүр улуг дойже чер болгандан кады барыңар; эът чип, хан ижер силер.

Амос 6:1

Сион дагда сагыш амыр чурттап турар улус ат болур, «Самарияның даанга айыыл чок чурттаар бис» деп бодап турар улус, израильчилерниң оларга кээп турары баштың чоннуң ат-сураглыг улузу ат болур!

Лука 16:19

Иисус улаштыр чугаалаан: «Бир бай кижи турган, ол каас-коя хеп кедип, хүннүң-не өөрүп-байырлап келген.

Лука 16:25

Ынчаарга Авраам мынча деп харыылаан: „Оглукум, сен чуртталгаңда чүгле эки чүүлдү-ле четтирип чорааныңны сактып келем, а Лазар чүгле багын четтирип келди чоп. Ам кээп, ол мында аргалалын алды, а сен хилинчек көре бердиң.

Римчилерге 13:13

Хүннүң чырыынга дег, төлептиг амыдырап көрээли: эмин эрттир хөглеп-дойлап база арагалавайн, самыырап база бирикшилдиң бужар хевири-биле бирикшишпейн, алгыжып-кырышпайн база адааргашпайн амыдыраалы.

1 Тимофейге 5:6

А бодунуң таалалын сүрүп чурттаан дулгуяк херээжен диригге-ле өлүп калган боор.

2 Тимофейге 3:4

Олар өскерликчи, хай-чагырга чок, адыыргак, боттарының күзээшкиннерин хандырарынга Бургандан артык ынак улус болу бээр.

2 Пётр 2:13

Үүлгеткен хамык хоразы дээш, олар чогуур кеземче алыр. Ындыгларның байгы таалалы – самыыралын хандырар дээш дойлап, хүннер эрттирери. Ат болган ыят чок, бужар улус-тур ол! Силерниң-биле кады дойлап тура, олар силерни дуурайлапкаш, таалал алыр.

Иуда 1:12

Ындыг улус силерниң ынакшылыңар илерээр дой-чыыштарга хөө кара былчактар дег боор. Олар ыят чокка силер-биле кады дойлаарлар, ынчалза-даа чүгле боттарын бодаарлар. Ындыглар – хатка сывыртаткан чаъс чок булуттар-дыр; күзүн безин дүжүт бербес, дазылы-биле тура соктуруп кааптар, ынчангаш ийи дакпыр өлген ыяштар-дыр.

Ажыдыышкын 18:7

Ол кайы хире алдарны, каас-коя чуртталганы бодунче хаара тыртып туржук, ынча хөй хилинчекти, ажыг-шүжүгнү аңаа бериңер. Чүге дээрге ол: „Дүжүлгеде кадын ышкаш саадап ор мен! Дулгуяк кадай эвес-тир мен. Кажан-даа ажыг-шүжүг көрбес мен!“ – деп бодунга боду мактанмышаан-дыр.

1 Хааннар 25:36

Авигея Навалга чедип кээрге, ол бажыңында хаанныы дег улуг дой кылып турар болган. Ол хөглүг болгаш аажок эзирик болган. Авигея аңаа эртенге чедир чүнү-даа чугаалаваан.

1 Хааннар 25:6

Аңаа: „Экии! Сеңээ, сээң өг-бүлеңге, бүгү-ле улузуңга менди-чаагай болурун күзедим.