Иаков 5:1 - Ыдыктыг Библия

¹ Байлар, ам силер мени дыңнаңар! Ишкирнигип ыглап-сыктаңар, чүге дээрге хай-халаптар силерже диргелип кел чыдар-дыр.

Иаков 5:1 Iomraidhean Croise

Ырлар 17:14

Дээрги-Чаяакчы кудай-дээрге диңмиттиг диңмирээн – Дээди Өрүкүнүң үнү, долу биле чаңныктар чажып, чыжыраан.

Чугаалар 11:28

Байлакшылынга идегээр кижи – тайып ужар, а чөптүг-шынныг улус ногаан бүрү ышкаш частып үнер.

Чугаалар 11:4

Дээрги-Чаяакчының килеңиниң хүнү кээрге, байлакшыл дузалап шыдавас, а чөптүг-шынныг чорук өлүмден камгалаар.

Исайя 13:6

Ыглап-сыктаңар, чүге дээрге Дээрги-Чаяакчының шииткелиниң хүнү чоокшулаан-дыр – Күчүлүг Бурган бүрүн буураашкын чоруткан-дыр.

Исайя 15:3

Моавтың кудумчуларында улус качыгдалдың самдар хевин кедип алган, бажыңнар кырында, шөлдерде бүгү улус доңгая кээп дүшкеш, ыглажып тур.

Иеремия 4:8

Ынчангаш качыгдал хевинден кеткеш, ишкирнигип ыглажыңар, Дээрги-Чаяакчының килеңи бисти оюп эртер эвес.

Иеремия 9:23

Дээрги-Чаяакчы: «Мерген угаанныг кижи мерген угааны-биле менээргенмезин, күш-шыдалдыг кижи күчү-күжү-биле чоргаарланмазын! – деп медеглээн. –

Иезекиил 19:2

Мынча деп чугаала: „Сээң аваң арзылаңнар аразында кайгамчык кыс арзылаң турган. Ол аныяк арзылаңнар аразынга амыр-шөлээн чурттап, чаш төлдерин доруктуруп алган.

Иезекиил 30:2

«Кижи амытан, өттүр билип медеглеп, Дээрги-Бурган-Чаяакчының чугаалаан чүвезин дамчыт: „О, качыгдал хүнү!“ деп ишкирнип ыглаңар!

Иоил 1:11

Тараачыннар, муңгараңар, виноград ажаакчылары, ишкирнигип ыглаңар. Шөлдерде арбай, кызыл-тас чок болган-дыр,

Иоил 1:13

Бурганның бараалгакчылары, качыгдал хевин кедип алыңар, ыглап-сыктаңар. Өргүл бедигээжиниң мурнунда бараан болуп турар улус, ишкирнигип ыглаңар. Мээң Бурганымның бараан болукчулары, чедип келгеш, качыгдал хевин кеткеш, өргээге дүннү эрттириңер, чүге дээрге Бурганыңарның өргээзинде далган-тараа болгаш арага өргүлдери ам чок-тур.

Иоил 1:5

Арагачылар, оттуп келгеш, ишкирнигип ыглаңар. Виноград арагазы ижип турар бүгү улус, ооң чулуунуң ажыын ажып, ыглаңар, чүге дээрге ону силерниң аксыңардан хунаап алган-дыр.

Михей 6:12

Сээң байларың каржы-дошкун-дур, чурттакчыларың меге чүве чугаалаар-дыр, оларның аксындан чүгле меге үнер-дир.

Софония 1:18

Дээрги-Чаяакчының килең хүнүнде оларны алдыны-даа, мөңгүнү-даа камгалап шыдавас. Ооң хорадаан сагыжының одунга бүгү чер өрттенип каар, чырык черниң бүгү чурттакчылары хенертен бүрүнү-биле узуткаттырар.

Ы. х. к. 32:15

Ешурун тодуп семирээш, дедирленгеш туруп берген; ол шөртейтир семирип, чооннап калган, бодун чаяаган Бурганны каапкан, бодун камгалаар Хаяны куду көрген.

Иаков 1:11

Хүн өрттендир чип, кааңнаарга, оът-сиген кадып каар, ооң чечээ тоглааш, аянныг хевири үрели бээр. Бай кижи база бодунуң хамык ажыл-херээн бүдүрүп чорааш, шак ынчаар чиде бээр.

Иаков 2:6

А силер ядыыларны дора көөр-дүр силер! Эрге-шөлээңерни кызагдап, шииткел черинче сөөртүп турар улус кымнарыл – байлар эвес ийик бе?

Иаков 4:13

«Бөгүн азы даарта бир-ле хоорайже чоруптаалы. Аңаа бир чыл чурттааш, садыг-саймаа кылып, хөй ажык-кончаалыг болуулу» – деп чугаалаар хамык улус, мени дыңнаңарам.

Иаков 4:9

Кажыыдаңар, ыглап-сыктаңар база кудараңар. Каттырарының орнунга, ыглажыңар, амыраарының орнунга, муңгараңар.