Иаков 4:4 - Ыдыктыг Библия

⁴ Самыыраан өскерликчилер! Бо делегей-биле найырал тудары Бурган-биле өжээннежиринге дөмейин билбезиңер ол бе? Бо делегейниң өңнүү болуксаан кижи Бурганның дайзыны апаар.

Иаков 4:4 Iomraidhean Croise

Эге дөс 3:15

Херээжен биле сени дайзыннар кылып каар мен, сээң биле ооң ажы-төлү бот-боттарынга дайзыннар болурлар: ооң оглу сээң бажыңны буза шавар, а сен ооң таваңгайын шагар сен».

Ырлар 21:8

Көрүп турар бүгү улус мени аксы-биле дузап, баштарын чайып: «Ол кижи Дээрги-Чаяакчыга ынанып турду. Ынчангаш ол Дээрги-Чаяакчыга эргим болза, Ол аңаа болчуп, камгалазын» – деп кочулап турду.

Ырлар 50:18

Өргүлүм Сеңээ таарымчалыг эвес болгай, оон башка ону Сеңээ салгай эртик мен – бүрүн өрттеткен өргүлдү күзевейн тур сен.

Исайя 57:3

А силер – караң көрнүр кадайның ажы-төлү, самыыраан кижи биле самыын-садар херээженниң үре-салгалы, чоокшулап келиңер!

Иеремия 2:2

«Баргаш, Иерусалимниң чонунга Дээрги-Чаяакчының бо сөстерин чарлап чугаала: „Сактып тур мен, аныяаңда меңээ бердинген чордуң, душтук кыстың ынакшылы-биле меңээ ынак турдуң, ээн кургаг ховуга, үнүш-дүжүт чок черлерге Мени эдерип чордуң.

Иеремия 9:2

Ээн кургаг ховуга хоргадап, дүн чарар черлиг турган болзумза! Бодумнуң чонумну каапкаш, чоруй баар ийик мен. Чүге дээрге олар шупту самыыраан улус-тур, өскерликчилер ниитилели-дир!

Иезекиил 16:32

Сен болза бодунуң ашаанга өскерлип, өске ашактарже туралаан херээжен дег болдуң.

Осия 3:1

Дээрги-Чаяакчы меңээ: «Ам база барып, бузутка ынак, бодунуң ашаанга өскерилген херээженге ынакшый бер. Дээрги-Чаяакчы израиль чонга, олар өске бурганнарже чайгылып, оларның үзүмнүг бооваларын чииринге ынак-даа болза, база ынчалдыр ынак болгай» – дээн.

Матфей 12:39

Иисус мынча деп харыылаан: «Бузуттуг болгаш бачыттыг салгал! Бадыткал демдээн негезиңерзе-даа, Иона медээчини дамчыштыр бергенинден өске демдек көрбес силер.

Матфей 16:4

Бузуттуг болгаш бачыттыг салгал бадыткал демдээ манап турар де. Ынчалза-даа оларга Иона медээчини дамчыштыр бергенинден өске демдек турбас». Иисус ынча дээш, оларны каггаш, чоруй барган.

Матфей 6:24

Кым-даа ийи дээргиге хары угда бараан бооп шыдавас: чок-ла болза бирээзин көрбес, а өскезинге ынак боор азы бирээзинге кызып бараан болгаш, өскезин тоовас боор. Силер база Бурганга болгаш акша-мөңгүнге хары угда бараан болуп шыдавас силер.

Лука 19:27

А мээң оларга хаан болурумну күзевейн турган дайзыннарымны бээр эккелгеш, көрүп турумда, узуткап калыңар“».

Иоанн 15:19

Силер бо делегейге хамааржыр турган болзуңарза, ол силерге бодунуң улузунга дег ынак болур ийик. Ынчалза-даа силер бо делегейге хамаарышпас силер, чүге дээрге Мен силерни шилип алгаш, бо делегейден аңгыладым, ол дээш, бо делегей силерни көөр хөңнү чок-тур.

Иоанн 17:14

Мен оларга Сээң сөзүңнү дамчыттым, ынчангаш бо делегейниң улузу оларны көөр хөңнү чок апарган, чүге дээрге Мээң бо делегейден эвезим ышкаш, олар база бо делегейден эвес болгайлар.

Иоанн 7:7

Бо делегейниң улузу силерни көөр хөңнү чок болу берип шыдавас, а Мени көөр хөңнү чок-тур, чүге дээрге Мен ооң ажыл-херээ бузуттуг дээрзин херечилеп турар-дыр мен.

Римчилерге 5:10

Дайзыннар бооп турган үевисте безин Ооң Оглунуң өлүмүн дамчыштыр Бурган-биле эптежип алган болганывыста, ам, эптешкен соовуста, Ооң Оглунуң амыдыралын дамчыштыр камгалалды ылап алыр бис.

Римчилерге 8:7

Бодунуң бачыттыг бүдүжүнүң күзээшкиннерин бодаар кижи Бурганга удур боор. Ындыг кижи Бурганның хоойлузунга чагыртпас, оон туржук чагыртыр харыы-даа чок.

1 Коринфичилерге 1:20

Ынчаарга ам мерген угаанныг кижиниң дээредээн чүвези чүл? Эртемденниң дээредээн чүвези чүл? Бо үениң бодалчыларының дээредээн чүвези чүл? Бурган бо делегей улузунуң мерген угаанын бүдүүлүк кылдыр көргүспээн ийикпе?

1 Коринфичилерге 1:21

Бурганның мерген угаанының бодап каанын ёзугаар, бо делегей бодунуң мерген угаанын дамчыштыр Бурганны билип шыдавас боорга, Ол бүзүрээн улусту Буянныг Медээниң «мелегейи-биле» камгалаарын чүүлдүг деп көрген.

Галатчыларга 1:10

Чүнү чедип алыксааным ол: мени улустуң эки көөрүн бе азы Бурганның бе? Азы улус аайынче кирер деп бардым бе? Ынчалза-даа амдыгаа дээр улус аайы-биле чоруп келген болзумза, Христостуң чалчазы турбас ийик мен.

Иаков 1:27

Бурган Аданың хүлээп аары алыс шынныг, арыг болгаш кем чок хүндүткел болза түрегделге туттуруп чоруур өскүстерге, дулгуяк кадайларга дуза чедиреринде база бо делегейниң багынга борашпайн амыдыраарында.