Иаков 4:15 - Ыдыктыг Библия

¹⁵ Ооң орнунга: «Дээрги-Чаяакчы күзээр болза, ам-даа амыдыраар бис, ону азы мону кылып четтигиптер бис» – деп чугаалап чоруңар.

Иаков 4:15 Iomraidhean Croise

Чугаалар 19:21

Кижиниң чүрээнде бодал-ла хөй, ынчалза-даа кайызының чогуп бүдери Дээрги-Чаяакчының шиитпиринден хамааржыр.

Ыы-сыы 3:37

Дээрги аңаа дужааваанда, сорулгазын чедип алыр кижи турбас.

Ажыл-чорудулга 18:21

Чоруп тура, Павел мынча дээн: «Бурганның күзел-соруу ындыг болур болза, мен ээп кээр мен». Оон ол Эфестен эжиндирип чорупкан.

Римчилерге 1:10

Бурганның күзел-соруунуң аайы-биле ам-на силерге чеде бээр аргалыг боорумну мөргүлдеримге үргүлчү дилээр-дир мен.

Римчилерге 15:32

Мен ынчан Бурганның күзел-соруу ындыг болза, силерге өөрүшкүлүг чеде бергеш, сеткил-сагыжымдан силер-биле кады дыштаныр мен.

1 Коринфичилерге 16:7

Мен ам силер-биле чүгле орук ара, чай кадында ужуражыр хөңнүм чогул, харын Дээрги-Чаяакчының чөпшээрели-биле силерниинге элээн үр боорумга идегеп тур мен.

1 Коринфичилерге 4:19

Ынчалза-даа Дээрги-Чаяакчы-ла күзээр болза, мен силерге удавайн чеде бээр мен. Ынчан демги өрү көрдүнген улустуң аксы-сөзүнүң чеченин эвес, а херек кырында күжүнүң бар, чогун шенеп көөр мен.

Еврейлерге 6:3

Бурган-на чөпшээрээр болза, чедишкен улуг улус боорунче кады бурунгаарлаалы.

Иаков 4:16

А силер ам тураңар улуундан менээргенир-дир силер: ындыг менээргениишкин бүрүзү – бузут-тур!