Иаков 3:6 - Ыдыктыг Библия

⁶ Дыл биле от көңгүс дөмей. Мага-бодувустуң өске кезектериниң аразында дыл дээрге бузут башкарган делегей-дир. Дыл бүгү мага-ботту бужартадып, бүгү бүдүжүвүстү өрттендир чиптер, а ол өрт тамының одундан өөскүүр.

Иаков 3:6 Iomraidhean Croise

2 Хааннар 16:20

Оон Авессалом Ахитофелден: «Биске сүмеден кадып көр. Ам чүнү канчалзывысса экил?» – деп айтырган.

2 Хааннар 19:43

Израильчилер иудейлерге мынча дээн: «Хаанда бистиң он аймаавыс бар. Силерге көөрде, Давидке хамаарыштыр бистиң эргевис улуг болдур ийин. Бисти чүге куду көөр силер? Хаанны дедир эгидериниң дугайында чугааны баштай бис эгелээн улус эвес бис бе?» Ынчалза-даа иудейлерниң сөзү израильчилерге бодаарга, оон-даа кадыг, туруштуг болган.

2 Чылдар 13:17

Авия болгаш ооң улузу израильчилерге аар чидириг таварыштырган, оларның аг-шериинден 500 000 шилиндек дайынчы өлүрткен.

Ырлар 140:3

Дээрги-Чаяакчы, аксымга таңныылдан тургузуп, аксы-дылымның эжиин кадартып каг;

Ырлар 64:3

Мөргүлдү дыңнап турар Бурган, бүгү улус Сеңээ чедип кээр.

Чугаалар 15:1

Эптиг-ээлдек харыы килеңни чайладыр, а доңгун сөс – хайныктырар.

Чугаалар 16:27

Дүржок кижи бузут бодап тып турда амыр-ла – ооң аас-сөзү өрттендир чиир от дег.

Чугаалар 6:19

аксындан меге дүжүрбес, мегелеп херечилээр кижи база ха-дуңмашкы улус аразынга алгыш-кырыш үндүрер кижи.

Чугаалар 7:5

Өске кижи кадайындан – элзедип чугаалаар херээженден ынчалдыр камгаланыр сен.

Исайя 30:27

Дыңнаңар, Дээрги-Чаяакчының өндүр чырыы ырактан чоокшулап кел чыдыр! Ооң килеңи кыптыгарга, чалбыыжы кижи шыдажыр аргажок-тур! Ооң аксын килең долган, Ооң дылы – хөме алыр от-ла!

Исайя 50:11

А от кыпсып, чалбыыштыг согуннар белеткеп турар улус – силер шупту кыпсып алган согуннарыңар тудуп алгаш, одуңарның чырыынче чоруңар! Бурганның холунуң силер-биле кылыр чүвези бо-дур: хилинчек көрүп өлүр силер!

Иеремия 20:10

Хөй-ле улустуң хоп-кочузун дыңнап келдим, долгандыр – коргуш. «Хоп медээден чедирер-дир! Ол дугайында дыңнадыылы!» – дижип турлар. Мээң-биле эп-найыралдыг чурттап чораан бүгү улус тайып ужарымны манап: «Ол дуурайладып аар чадавас, ынчан ону тиилеп, өжээнивис негеп аар бис!» – деп турар.

Иеремия 28:16

Ынчангаш Дээрги-Чаяакчы: „Мен сени чырык чер кырынга амылыг арттырбас мен, бо чылын-на өлүп каар сен, чүге дээрге чугааң-биле Дээрги-Чаяакчыга удур үймээн үндүрген-дир сен“ – дээн болгай».

Левит 24:11

Израиль херээженниң оглу Дээрги-Чаяакчының адын бак сөглеп, каргаптарга, ону Моисейге эккелген. (Ооң авазы Данның төрел бөлүүнден үнген Даври дээр кижиниң уруу Саломит чүве-дир.)

Саннар 25:2

Моав кыстар боттарының бурганнарынга өргүл салып тура, израиль эр улусту чалап аарга, олар өргүл малының эъдин чип, моав бурганнарга мөгейип эгелээннер.

Саннар 31:16

Израиль чоннуң Фегорнуң бурганының аайынче кирип, Дээрги-Чаяакчыга өскерлиринге Валаамның сүмезин ёзугаар чылдак болган улус олар-ла болгай, ол дээш Дээрги-Чаяакчының чонун айыыл-халап кырып турду чоп.

Матфей 12:24

Фарисейлер ону дыңнааш: «Буктарны Ол чүгле оларның чагырыкчызы Веелзевулдуң күжү-биле үндүр сывырып турар-дыр» – дээннер.

Матфей 5:22

А Мен ам силерге: „Өске кижиже килеңнээн кижи безин шииткелге төлептиг“ – деп тур мен. Кым өске кижиге: „Чөгенчиг хей!“ – дээрил, ону дээди иудей Чөвүлелге шиидип болур. Кым: „Мелегей!“ – дээрил, ону тамының оду-биле кезедип болур.

Марк 7:15

Кижиже дашкаартан кирип кээр чүү-даа чүве ону бужартадып шыдавас. Кижиниң бодундан үнүп кээр чүве харын ону бужартадыр».

Лука 16:24

Бай кижи ынчан: „Авраам, ачам, мени кээргеп, Лазарны бээр чорудуп көр. Ол салаазының бажын сугга өттүргеш, мээң дылымны шыгытсын. Чүге дээрге мен бо чалбыыш-отка хилинчектенип, ат болдум“ – деп кыйгырган.

Ажыл-чорудулга 20:30

Бүзүрээннер оларны эдерзин дээш, алыс шынны соора өөреди бээр улус силерниң араңарга безин тыптып кээр.

Ажыл-чорудулга 5:3

А Пётр аңаа мынча дээн: «Анания, чер саткаш, алган акшаң чамдыызын чажырыптар база Ыдыктыг Сүлдени мегелептер кылдыр эрлик чүге чүрээңни ынчаар чагырып алганы ол?

Ажыл-чорудулга 6:13

Меге херечилерни эккеп тургузуптарга, олар мынча дээннер: «Бо кижи ыдыктыг өргээ биле хоойлуну доктаамал бак сөглеп келди.

Ы. х. к. 13:6

Бир эвес сээң чоок улузуң: азы чаңгыс иеден төрүттүнген ха-дуңмаң, азы оглуң, азы урууң, азы эрге-чассыг кадайың, азы эң чоок эжиң сени бүдүү дуурайлап: „Сээң-даа, ада-өгбеңниң-даа билбес чорааны өске бурганнарны эдерип, оларга бараан болуулу“ – деп,

Титке 1:11

Ындыгларның аастарын дуй шавар херек, чүге дээрге олар хууда ажык-кончаа сүргеш, боттарының өөретпес ужурлуг чүүлүн суртаалдап, бүдүн өг-бүлелерни үреп турар-дыр.

Иаков 2:7

Силерге тывыскан Христостуң чаагай адын дорамчылаан улус байлар эвес ийик бе?

Иаков 3:7

Кижи хамык аңнарны, куштарны, соястаарларны болгаш далай амытаннарын чаажыктырып шыдаар, харын-даа чаажыктырып алган.

2 Пётр 3:3

Чүнү-даа мурнай мону билип аар ужурлуг силер: боттарының самыыргай күзээшкиннериниң кулу болган кочуургак улус сөөлгү хүннерде көстүп кээр.

3 Иоанн 1:10

Ылап-ла ынчангаш, мен ынаар чеде берзимзе, ооң чүнү кылып турарының дугайында сагындырар мен. Ол бисти бак сөстер-биле нүгүлдеп тур, ынчалза-даа ол безин аңаа эвээш болган де. Диотреф боду-даа ха-дуңмавысты хүлээп албайн турар, өске улустуң-даа ону кылырынга шаптык кадып, оларны христиан ниитилелден үндүр сывыртап турар!

Ажыдыышкын 12:9

Бүгү делегейни дуурайлаан, эрлик база удурланыкчы деп адаткан ол аажок улуг улу, шаандагы чылан бодунуң төлээлери-биле кады черже дүжүр октаттырыпты.

Ажыдыышкын 13:14

Ийиги араатанга биргизиниң өмүнээзинден кайгамчык чүүлдер кылыр арганы берген турган. Ынчангаш ол оозу-биле чер кырында чурттаан хамык улусту дуурайлап каапкан. Черниң чурттакчыларынга хылыш-биле өлүмнүг балыглатса-даа, өлбейн барган бирги араатанның дүрзүзүн шуткуурун ийиги араатан дужаады.

Ажыдыышкын 18:23

Чырыткылар борта кажан-даа чырывас, күдээлер болгаш келиннерниң үннери кажан-даа дыңналбас. Чүге дээрге сээң садыгжыларың бүгү бо делегейниң дээргилери турган болгаш, бо делегейде бар чоннарны бодуңнуң илби-шидиң-биле дуурайлаан сен.

Ажыдыышкын 19:20

Ынчалза-даа араатанны болгаш ооң өмүнээзинден кайгамчык чүүлдер кылып турган, араатанның таңмазы-биле демдектеттирген база ооң дүрзүзүнге мөгейген улусту дуурайлап келген меге медээчини тудуп хоругдап кагды. Араатан биле меге медээчи күгүр кыпкан оттуг хөлче диригге киир октаттырыпканнар.