Иаков 3:2 - Ыдыктыг Библия

² Чүге дээрге бис шупту хөй бачытты үүлгедип чоруур бис. Аксы-биле бачыт үүлгетпес кижи болбаазыраңгай деп санаттырар, ындыг кижи бүгү мага-бодун тудуп билири ол.

Иаков 3:2 Iomraidhean Croise

3 Хааннар 8:46

Сээң чонуң Сеңээ удур бачыт үүлгедирге – а бачыт үүлгетпес кижи чок-ла болгай – Сен аңаа килеңней бергеш, ону дайзыннарынга хүлээдип бээриңге, олар ону тудуп алгаш, ыракта азы чоокта турар бодунуң черинче аппаар дижик.

2 Чылдар 6:36

Сээң чонуң Сеңээ удур бачыт үүлгедирге – а бачыт үүлгетпес кижи чок-ла болгай – Сен аңаа килеңней бергеш, ону дайзыннарынга хүлээдип бээриңге, олар ону тудуп алгаш, ыракта азы чоокта турар черже аппаар дижик.

Иов 15:13

Бурганга хорадаар-дыр сен, аксыңдан ындыг сөстер үнүп турар-дыр.

Ырлар 34:13

А мен, олар аарып турда, качыгдал хевин кедип, мага-бодумну шеглээшкин-биле харыксыраттым; олар дээш мөргүлүм бодумга ачылыг болзун.

Ырлар 39:1

Хөгжүм башкарыкчызынга. Давидтии. Мизмор-ыр.

Чугаалар 10:19

Хөй сөстүгде, бачыттан чайлаары болдунмас, а угаанныг кижи белен сөс ышкынмас.

Чугаалар 13:3

Аас-сөзүн оваарымчалыг ажыглаар кижи амы-тынын кадагалап аар, а аас-сөзүн тыртып шыдавас кижи бодун узуткап аар.

Чугаалар 20:9

«Мээң чүрээмде кем-бак чок, бачыттарымдан арыгланып алдым» – деп шыдаар кижи бар бе?

Чугаалар 21:23

Аас-дылын тыртып чоруур кижи айыылдардан бодун камгалаар.

Экклесиаст 7:20

Бачыт кылбайн, чүгле буян кылып чоруур чөптүг-шынныг кижи чер кырында чок.

Исайя 64:6

Бис шупту арыг эвес чүүлдер дег апардывыс, бистиң бүгү эки херектеривис хирленип, бужартаан хеп дег. Бис шупту бүрүлер дег оңуп тур бис, бачыттарывыс бисти хат ышкаш хадып алгаш баар-дыр.

Левит 13:39

Бурганның бараалгакчызы ол кижини шинчилеп көргеш, ооң кежинде кылагар сорулар бүлүргей ак өңнүүн эскерип каар болза, кеште частып үнүп келген айыыл чок бузур-дур ол, а демги кижи арыг-дыр.

Матфей 12:34

Чылан сыскындылары! Бузуттуг-бак хиреңерде, канчап буянныг чүве чугаалаар силер? Кижиниң чүрээнде чүү бар болдур, ол ооң аксындан үнер болгай.

Матфей 12:37

Сөзүңнү барымдаалап, сени агартыр азы шиидер».

Римчилерге 3:10

Бижилгеде мынчаар бижээн: «Чөптүг-шынныг чаңгыс-даа кижи чок.

Римчилерге 7:21

Ынчаарга бодумга хамаарыштыр мындыг дүрүм-хоойлу барын эскердим: буян кылыр дээримге-ле, бузут мурнунче кире халаан боор-дур.

1 Коринфичилерге 9:27

Харын өске улуска суртаалдап тура, бодум шаңналга төлеп чок болбас дээш, мага-бодумну «чула шаап», ону бодумга чагыртып чор мен.

Галатчыларга 3:22

Ынчалза-даа Бижилге бо делегей бүрүнү-биле бачытка туттурган деп чугаалап турар, а ынчангаш аазаашкында айыткан чүүлдү чүгле Иисус Христоска бүзүрээрин дамчыштыр, чүгле бүзүрээн улуска хайырлап боор.

Галатчыларга 5:17

Чүге дээрге бачыттыг бүдүштүң күзээр чүүлү Сүлдеге удурланышкак, а Сүлдениң күзээр чүүлү бачыттыг бүдүшке удурланышкак болур. Олар үргүлчү адааннажып чоруур, ооң түңнелинде кылыр бодаан чүвеңерни кылып шыдавайн баар силер.

Колосчуларга 1:28

Кижи бүрүзүн Христос-биле харылзаазының ужун чедишкен кылдыр Бурганның мурнунга эккеп көргүзер дээш, улусту бисте бар-ла мерген угаан-биле айтып-сургап, өөредип, Христосту оларга суртаалдап турар бис.

Колосчуларга 4:12

Эпафрас база силерге байыр чедирип тур. Ол силерниң бирээңер-дир база Христос Иисустуң чалчазы боор кижи-дир. Силер дээш, ол үргүлчү аажок чүткүлдүг мөргүп, Бурганның күзел-соруунга бүрүнү-биле чагырткан, четчип-бышкан болуруңар дээш, Бургандан дилеп турар-дыр.

Еврейлерге 13:21

Ооң күзел-соруун күүседириңер дээш, Ол силерни бүгү-ле эки-чаагай чүүлдер-биле быжыктырзын! Бурган биске Бодунуң сеткилинге кирер чүвени Иисус Христосту дамчыштыр боттандырзын. Христоска кезээ мөңгеде алдар доктаазын! Аминь.

Иаков 1:26

Бодун Бурганны хүндүлеп чоруур мен деп санаар, ынчалза-даа аксын тыртып шыдавас кижи бодун боду мегелеп чоруур база ооң Бурганны хүндүледим дээри хей чүве-дир оң.

Иаков 1:4

А шыдамык чорук, бодунуң ээлчээнде, бүрүн салдарын көргүзер, ол силерни бүгү талазы-биле болбаазыраңгай, кандыг-даа четпес-дудуу чүве чок улус кылыптар.

Иаков 2:10

Ыдыктыг хоойлуну бүрүнү-биле сагып турар мен деп бодап тура-даа, ооң чаңгыс-даа бол айтыышкынын хажыткан кижи ону бүрүнү-биле хажытканы дээш буруулуг боор.

1 Пётр 3:10

Амыдыралындан таалал ап, аас-кежиктиг хүннер көрүксээн кижи кара сагыштыг, меге сөстер эдеринден кичээнип, аксын ажытпас ужурлуг.

1 Пётр 5:10

Элээн үе иштинде хилинчек көөр-даа болзуңарза, мону сактып чоруңар: элбек авыралдыг Бурган силерни Христос Иисусту дамчыштыр мөңге өндүр бедик байдалды Ооң-биле үлежиринче кыйгырган. Ол силерни катап тургузар база күш болгаш шыдамык чорукту силерге бээр.