Иаков 3:18 - Ыдыктыг Библия

¹⁸ А чөптүг-шынныг чоруктуң дүжүдүн амыр-тайбыңны кадагалаан улус тайбың байдалга өстүрүп алыр.

Иаков 3:18 Iomraidhean Croise

Чугаалар 11:18

Бузуттуг кижиниң шаңналы – хоозун, а чөптүг-шынныг чорук тарыыр кижи алыс шын шаңналды алыр.

Чугаалар 11:28

Байлакшылынга идегээр кижи – тайып ужар, а чөптүг-шынныг улус ногаан бүрү ышкаш частып үнер.

Чугаалар 11:30

Чөптүг-шынныг кижиниң үрезининден амыдыралдың ыяжы өзүп үнер, мерген угаанныг кижи улустуң сеткил-чүрээн бодунче хаара тудар.

Осия 10:12

Чөптүг-шынныг чорукту бодуңарга тарып алыңар – энерелди ажаап аар силер; кур черни аңдарыңар, чүге дээрге Дээрги-Чаяакчыже чүткүүр үе келген-дир – Ол чедип келгеш, шын шииткелди силерже чагдырар.

Амос 6:12

Хаяларга аът маңнаар бе? Хая-дашты шары-биле чарып болур бе? А силер база утка чок чүве кылып, шын шииткелди оо-хоран кылдыр, чөптүг-шынныг чорукту ажыг өт кылдыр хуулдуруп алган-дыр силер.

Матфей 5:9

Амыр-тайбың нептередикчилери амыр-чыргалдыг, чүге дээрге Бурган оларны ажы-төлүм деп адаар.

Иоанн 4:36

Тараа ажаакчызы бодунуң шаңналын алыр боорда, мөңге амыдыралга херек дүжүттү база ап турар, ындыг болганда, тараа чажыкчызы-даа, дүжүт ажаакчызы-даа деңге өөрүүр апаар.

Галатчыларга 6:8

Бодунуң бачыттыг бүдүжүнүң хөрзүнүнге чүве тарып турар кижи оортан өлүмнү ажаап алыр. А Сүлдениң хөрзүнүнге тарып турар кижи ол Сүлдеден мөңге амыдыралды ажаап алыр.

Филипчилерге 1:11

Иисус Христостуң берип турары чөптүг-шынныг чоруктуң үре-түңнелин эңдере эккээр силер, а ол бүгү Бурганга алдар биле мактал-хүндү эккээр.

Еврейлерге 12:11

Кандыг-даа кижизидилге амгы үеде биске өөрүшкү эккелбейн турар, харын аарышкылыг кылдыр сагындырар. Ынчалза-даа сөөлзүредир ону дамчыштыр өөредиг эрткен улус Бурганга шынчы чоруктуң амыр-тайбың дүжүдүн ажаап алыр.

Иаков 1:20

Чүге дээрге килеңге алыскан кижи Бурганның мурнунга чөптүг-шынныг чорук чедип ап шыдавас.