Иаков 3:13 - Ыдыктыг Библия

¹³ Силерниң араңарда мерген угаанныг болгаш көрбээн чүвем чок мен дээр кижи бар бе? Бар болза, ындыызын төлептиг амыдыралы, буянныг ажыл-херектери-биле мерген угаандан кээр чөпшүлүн дамчыштыр бадытказын.

Иаков 3:13 Iomraidhean Croise

Иов 28:28

А кижи төрелгетенге Бурган мынча дээн: „Дээргиден коргары – мерген угаан ылап ол-дур, бузуттан чайлаары – угаан-сарыыл ол-дур“».

Ырлар 149:4

Дээрги-Чаяакчының сеткили Бодунуң чону дээш ханган болгай, Ол томаараан улусту, тиилелге хайырлап, каастаар.

Ырлар 25:9

Мээң амы-тынымны бачыттыг улус-биле кады, мээң амыдыралымны өлүрүкчүлер-биле кады узуткава;

Ырлар 45:4

Далайлар-даа шимээргеп, чалгыыр болза; даглар-даа, суглар көдүрлүп турда, сирилээр болза, кортпас бис! Сэла

Экклесиаст 8:1

Мерген угаанныг кижиге кым деңнежирил база чүвениң алыс утказын кым билир боор. Кижиниң мерген угааны ооң арнын чырыдып, кадыг шырайын чымчадып турар.

Экклесиаст 8:5

Айтыышкынны сагып чоруур кижи кандыг-даа багай чүүлче чоокшулавас: мерген угаанныгның чүрээ шын үе-хуусааны-даа, шын арга-хорганы-даа билир.

Исайя 29:19

Түрегдээннерге Дээрги-Чаяакчы чаа өөрүшкүнү хайырлаар, ядыылар Израильдиң ыдыктыг Бурганы дээш өөрүп-байырлаар.

Исайя 60:6

Сээң чериңни эңдерик тевелер, мадиан болгаш эфа аймактарның бодаганнары шыва аптар. Шеваның бүгү чурттакчылары сеңээ келгеш, алдынын, чаагай чыттыг чүүлдерин эккеп бээр база Дээрги-Чаяакчыны алгап-мактаар.

Исайя 61:1

Дээрги-Бурган-Чаяакчының Сүлдези мени бүргээн-дир – Ол мени түрегдээннерге буянныг медээни дыңнатсын дээш шилип чаап каан! Ол мени сеткил-чүрээ муңгараан улусту экиртсин дээш, туттурганнарга хосталганы, хоругдаттырганнарга адырлып хосталырын чарлазын дээш;

Иеремия 9:12

Чүге бо чер өлүглени бергенил, чүге ээн кургаг хову дег өрттенгенил, чүге ында чорумалдар чогул? Бо бүгүнү билип шыдаар мерген угаанныг кижи бар бе? Дээрги-Чаяакчының чугаалаан сөзүн дамчыдып шыдаар кижи бар бе?

Иеремия 9:23

Дээрги-Чаяакчы: «Мерген угаанныг кижи мерген угааны-биле менээргенмезин, күш-шыдалдыг кижи күчү-күжү-биле чоргаарланмазын! – деп медеглээн. –

Даниил 2:21

Кандыг-даа шаг-үелерни Ол ээлчештирип солуп турар, хааннарны дүжүрүп, оларның орнунга чаа хааннарны көдүрүп турар. Угаанныгларга – мерген угаанны, чүве эндевестерге билигни берип турар-дыр.

Софония 2:3

Дээрги-Чаяакчыже чүткүңер, черниң бүгү томаанныг улузу, Ооң күзел-соруун күүседип турар улус! Чөптүг-шынныг чорукче чүткүңер, чөпшүл боорун кызыңар – Дээрги-Чаяакчының килеңиниң хүнүнде чаштынар аргалыг боор чадавас силер».

Саннар 12:3

А Моисей болза чер кырында кижи төрелгетенниң иштинде эң биче сеткилдиг кижи турган.

Матфей 11:29

Мээң чагыгларымны бодуңарга хомут дег кеткеш, Менден өөренип алыңар, Мен биче сеткилдиг болгаш чөпшүл чүректиг мен, ынчангаш чуртталгаңарны тамчык-дыш бүргей бээр.

Матфей 5:5

Биче сеткилдиглер амыр-чыргалдыг, чүге дээрге чер-чуртту салгап алырлар.

Матфей 7:24

«Ынчангаш Мээң бо сөстеримни дыңнап турар база херек кырында сагып чоруур кижи бүрүзү бодунуң бажыңын даш кырынга тудуп алган угаанныг кижиге дөмей.

1 Коринфичилерге 6:5

Ыяткаш, арныңар кыссын! Таанда-ла Бурганга бүзүрээн ха-дуңма улузуңарда чаргы чарып шыдаар чаңгыс-даа угаанныг кижи чок болганы ол бе?

2 Коринфичилерге 10:1

Павел мен, «Араңарга тургаш, ындыг чөгенчиг, а силерден ырай бергеш, ындыг дидим, шыңгыы» диртип турар кижи, Христостуң томаарыышкыны-биле база биче сеткилдии-биле силерни кыйгырып тур мен.

2 Коринфичилерге 8:24

Ынчангаш христиан ниитилелдерниң мурнунга ол улуска ынааңарны бадыткаңар база силер дээш чоргааралывыстың чылдагаанын көргүзүңер.

Галатчыларга 5:23

томаарыыры болгаш бодун туттунуп билири. Ол бүгүнү буруу шавар кандыг-даа хоойлу чок!

Галатчыларга 6:1

Ха-дуңма, кандыг-бир кижини бачыт үүлгеткен деп сойгалаар болза, силер, Сүлдеге башкарткан улус, ону эдип-чазап көрүңер. Чүгле эптиг, чымчаа-биле эдип-чазаңар, боттарыңар база күткүлгеге алзып албас дээш кичээниңер.

Галатчыларга 6:4

Кижи бүрүзү бодунуң ажыл-херээн шүгдүнзүн, ол ынчан бодун өске улус-биле деңневейн, чедиишкиннеринге чоргаарланып шыдаар.

Эфесчилерге 4:2

Үргүлчү томаанныг, биче сеткилдиг бооп көрүңер. Бот-боттарыңарга шыдамык болгаш ынакшылдыг хамаарылгадан көргүзүңер.

Филипчилерге 1:27

Чүү-даа болур болза, Христостуң Буянныг Медээзинге төлептиг бооп амыдыраңар. Силерни суглуг караам-биле кээп көргеш-даа азы силерниң дугайыңарда чүгле ырактан дыңнааш-даа билип алыр болзумза, сагыш-сеткилиңер эви чайгылыш чогун база Буянныг Медээде медеглээн бүзүрел дээш эгин кожа турарыңарны билип ап чорууйн.

Колосчуларга 3:12

Бир-тээ Бурганның шилип алганы ынак, ыдыктыг улузу болганыңарда, ээ көрүүшкүннү, буянны, биче сеткилди, томаарыышкынны, шыдамык чорукту кедип алыңар.

1 Тимофейге 4:12

Аныяк бооруңга, кым-даа сени херекке албайн барбазын. Бүгү чүүлдер талазы-биле: чугаа-сөзүң, бодуңну ап чорууруң, ынакшылың, бүзүрелиң база арыг-чаагайың-биле бүзүрээннерге үлегер бол.

1 Тимофейге 6:11

А сен, Бурганның кижизи, ол бүгүден ойлап-дес! Чөптүг-шынныг чорукче, Бурганны хүндүлеп чурттаарынче, бүзүрелче, ынакшылче, шыдамык чорукче, чөпшүл боорунче чүткү.

2 Тимофейге 2:25

Ол аңаа удур улусту безин эп-чөп-биле эдип-чазазын. Чүге дээрге Бурган оларга бачыдын миннип, алыс шынны билип аар арганы бээр чадавас.

Титке 3:2

Оларны кымны-даа бак сөглевезинге, эп-найыралдыг, ээлдек-эвилең, өске улус мурнунга биче сеткилдиг боорунга өөрет.

Еврейлерге 13:5

Акша-мөңгүнге ынак амыдырал тутпаңар, бар чүвеңерге сеткил ханыңар. Чүге дээрге Бурган: «Сени кажан-даа кагбас мен, сенден кажан-даа ойталавас мен» – дээн-дир.

Иаков 1:21

Ындыг болганда, кандыг-даа бужар сагыш болгаш бузуттуг үүлгедиглерниң артынчызындан адырылгаш, Бурганның чүректериңерге тарып турар сөзүн – силерни камгалап шыдаар күчүлүг сөстү – чөпшүл хүлээп алыңар.

Иаков 2:18

Ынчаарга кандыг-бир кижи мынча дээр чадавас: «Бир кижиде бүзүрел бар болзун, а өске кижиде ажыл-херектер бар болзун». Сен меңээ бүзүрелиңни ажыл-херектериңден аңгы кылдыр көргүс че. А мен сеңээ ажыл-херектеримден илдең апаар бүзүрелимни көргүзер мен.

Иаков 3:1

Ха-дуңма, силерниң араңардан чүгле хөй эвес улус башкылар апарзын. Улусту өөредип турар башкылар бис өскелерден шыңгыы шииттирер бис.

Иаков 3:17

А дээрден кээр мерген угаан, чүнү-даа мурнай, арыг, ол ышкаш тайбыңзырак, биче сеткилдиг, дыңнап билир, өршээлдиг, буянныг ажыл-херектери-биле бай, кымны-даа ылгай көрбес, ак сагыштыг боор.

1 Пётр 1:15

Ооң орнунга силерни кыйгырган Бурганның ыдыктыы дег, бодуңарны бүгү-ле чүүлдерге ыдыктыы-биле ап чоруңар.

1 Пётр 2:12

Бүзүревээн өске улус аразынга бодуңарны ак сеткилдиг ап чоруңар, ынчаарга силерни бузут үүлгедикчилери деп буруудадып турар улус, ачылыг ажыл-херээңерни көргеш, Бурганның чедип кээр хүнүнде Ону алдаржыда бээр апаар.

1 Пётр 2:9

А силер болза – шилиттинген аймак, Хаанның бараалгакчылары, Бурганга хамааржыр ыдыктыг чон, Ооң кайгамчык ажыл-херектерин чарлаар дээш кыйгырткан улус силер. Ол силерни дүмбей караңгыдан Бодунуң кайгамчык чырыынче кыйгырып эккелген.

1 Пётр 3:4

Бурган харын кижиниң томаанныг болгаш оожум аажызының оңмас иштики чаражын аажок үнелээр.