Иаков 3:10 - Ыдыктыг Библия

¹⁰ Чаңгыс ол-ла аас алгап-йөрээп-даа, одап-каргап-даа турар. Ха-дуңма, ындыг болбас ужурлуг!

Иаков 3:10 Iomraidhean Croise

Эге дөс 20:9

Авимелех Авраамны кыйгыртып алгаш: «Бистиң-биле чүнү канчап турарың ол? Сеңээ багай чүнү кылып каан мен? Чүге мени болгаш мээң чонумну улуг бачыт кылырынче албадап турарың ол? Ынчаарга кайын боор!» – дээн.

2 Хааннар 13:12

Фамар: «Чок, акый. Мени албадавайн көр. Израиль чон аразынга ындыг чүве турбас ужурлуг. Ындыг сээдең үүлгедиг кылбайн көр.

Михей 3:11

Иерусалимниң баштыңнары хээли ап, шиидип турар-дыр, Бурганның бараалгакчылары төлевир ап, өөредип турар-дыр, Бурганның медээчилери акша-мөңгүн ап, төлгелеп турар-дыр. Ооң кадында Дээрги-Чаяакчыга даянып: «Дээрги-Чаяакчы бистиң аравыста эвес чүве бе? Бисти айыыл-халап таварбас!» – дижирлер.

Римчилерге 12:14

Силерни истеп-сүрген улусту алгап-йөрээңер, каргыш салбайн, алгап-йөрээңер.

1 Коринфичилерге 3:3

Бачыттыг бүдүжүңерге чагыртыр хевээр-дир силер. Араңарга адааргал, алгыш-кырыш ам-даа бар турда, биеэги бүдүжүңерниң күзээшкиннеринге алыскан улус боор эвес силер бе, бодуңарны бүгү бо делегейниң улузу дег ап чоруур эвес силер бе?

1 Тимофейге 5:13

Оон аңгыда олар, кылыр чүве чок боорга, бажыңнар кезип маңнажыр чаңчыл тып аарлар. Ажыл кылбас, амыр-шөлээн боорундан аңгыда, хоп-чип база дажып, киришпеске киржип, чугаалавас ужурлуг чүвезин чугаалап чоруп бээрлер-дир.

Иаков 1:16

Ханы ынак ха-дуңма, дуурайлатпаңар.

Иаков 1:19

Ханы ынак ха-дуңма, мону дыңнаңар: кижи бүрүзү чулчуруурун шеглеп, дыңнаарынче сундугуп көрзүн база ол ышкаш белен-селен килеңневезин.

Иаков 3:1

Ха-дуңма, силерниң араңардан чүгле хөй эвес улус башкылар апарзын. Улусту өөредип турар башкылар бис өскелерден шыңгыы шииттирер бис.

Иаков 3:11

Чаңгыс суг бажындан дус чок база дустуг суг үндүр агар деп бе?

Иаков 3:9

Дылывыс-биле Дээрги-Чаяакчы болгаш Адавысты алгап-йөрээр бис, база-ла ооң-биле Бурганның овур-хевирин ёзугаар чаяаган улусту одап-каргаар бис.

1 Пётр 3:9

Силерге чедирген хора дээш хора-биле, дорамчылал дээш дорамчылал-биле харыылаваңар. Ооң орнунга силерни бак көрген улуска Бурган ачы-буянын көргүссүн дээш, оларны алгап-йөрээп мөргүңер. Бурган силерни шак ындыг амыдыралче кыйгырган, ынчаар чурттааш, Ооң ачы-буянын алыр силер.