Иаков 3:1 - Ыдыктыг Библия

¹ Ха-дуңма, силерниң араңардан чүгле хөй эвес улус башкылар апарзын. Улусту өөредип турар башкылар бис өскелерден шыңгыы шииттирер бис.

Иаков 3:1 Iomraidhean Croise

Левит 10:3

Моисей Ааронга: «Дээрги-Чаяакчының: „Менче чоокшулап кээп турар улус Мээң ыдыктыымны хүндүлээр ужурлуг! Бүгү чоннуң мурнунга алдаржыыр мен!“ – дээш, чугаалаар бодаан чүвези бо ышкажыл» – дээрге, Аарон ыыт чок барган.

Малахия 2:12

Аг-шериглиг Дээрги-Чаяакчы ынчаар кылып турар кижи бүрүзүн Израильдиң аал-ораннарындан чайладып каапсын, ындыг кижиге Аңаа өргүл кылыр арга бербес болзун!

Матфей 10:24

Өөреникчи башкызындан бедивес, а чалча дээргизинден бедивес.

Матфей 23:13

Ном-хоойлу тайылбырлакчылары болгаш фарисейлер, ат болур силер! Ийи арынныглар! Силер улустан Дээрниң Чагыргазын дуглап, боттарыңар-даа ынаар кирбес, ынаар кириксээннерни-даа киирбес-тир силер.

Матфей 9:11

Фарисейлер ону көргеш, Иисустуң өөреникчилеринден: «Силерниң Башкыңар чүге үндүрүг хавырыкчылары-биле база бачыттыг улус-биле кады чемненип олурарыл?» – деп айтырганнар.

Лука 16:2

Ээзи эргелекчини кыйгырткаш, аңаа: „Сээң дугайыңда чүнү дыңнап турарым ол? Бодуңнуң башкарылгаң дугайында меңээ харыыдан тут, моон соңгаар бо албан-дужаалга артып каап шыдавас-тыр сен“ – дээн.

Лука 6:37

«Кымны-даа шиитпеңер, Бурган ынчан силерни база шиитпес; буруудатпаңар, Ол ынчан боттарыңарны база буруудатпас; өршээңер, Ол ынчан боттарыңарны база өршээр.

Иоанн 3:10

«Сен, Израильдиң башкызы эртип, ону канчап билбезиң ол? – деп, Иисус аңаа харыылаан. –

Ажыл-чорудулга 13:1

Антиохияның христиан ниитилелинге Бурганның медээчилери болгаш башкылар: Варнава, Нигер деп өске ады база бар Симеон, Киринея чурттуг Луций, Ирод чагырыкчы-биле кады кижизиттирип өскен Манаил болгаш Савл олар турганнар.

1 Коринфичилерге 12:28

А Бурган христиан ниитилелге чамдык улусту: биргилерин – элчиннер, ийигилерин – медээчилер, үшкүлерин – башкылар кылдыр салып каан. Оон аңгыда Ол бир чамдык улуска кайгамчык чүүлдер кылыр күштү, өскелерге – аарыг улус экиртир, ачы-дуза чедирер, удуртуп-башкарар база янзы-бүрү билдинмес дылдарга чугаалаар арганы хайырлаан.

2 Коринфичилерге 5:10

Чүге дээрге черде мага-бодувуска амыдырап тура, кылган бүгү буянныг-даа, бузуттуг-даа херектеривис дээш, шаңналды азы кеземчени ап, бис шупту Шииткекчи Христостуң мурнунга турар ужурлуг бис.

Эфесчилерге 4:11

Христос Боду кымга – элчиннер, кымга – медээчилер, кымга – Буянныг Медээниң суртаалчылары, а кымга – удуртукчулар болгаш башкылар боорун айтып, белектерин үлээн.

1 Тимофейге 1:7

Олар ыдыктыг хоойлу башкылары болуксаар, ынчалза-даа чүнү чугаалап турарын-даа, оон туржук, чүнүң дугайында улусту бүзүредип турарын-даа угаап билбестер.

1 Тимофейге 2:7

Ооң ужурунда Бурган мени бүзүрел биле алыс шынны өске чоннар улузунга медеглезин дээш, элчин база башкы кылдыр шилип томуйлап каан. Силерге чугаалаан чүвем шынныг, мен мегелевейн тур мен!

2 Тимофейге 1:11

Бурган мени ол Буянныг Медээниң медээчизи, элчини база башкызы кылдыр шилип томуйлап каан!

Еврейлерге 13:17

Удуртукчуларыңарны дыңнап, оларга чагыртыңар. Бурганның мурнунга харыы тудар болгаш, олар силерни хынамчалыг кадагалап турарлар болгай. Удуртукчулар ол ажыл-херээн аарзынмайн (ынчаар болза, силерге ажыктыг болбас), а өөрүшкүлүг күүседир кылдыр чагыртып көрүңер.

Иаков 1:16

Ханы ынак ха-дуңма, дуурайлатпаңар.

Иаков 1:19

Ханы ынак ха-дуңма, мону дыңнаңар: кижи бүрүзү чулчуруурун шеглеп, дыңнаарынче сундугуп көрзүн база ол ышкаш белен-селен килеңневезин.

Иаков 3:10

Чаңгыс ол-ла аас алгап-йөрээп-даа, одап-каргап-даа турар. Ха-дуңма, ындыг болбас ужурлуг!

1 Пётр 5:3

Силерге бүзүреп дааскан улусту дарлай бербеңер, харын коданыңарга үлегер болуңар.