Иаков 2:8 - Ыдыктыг Библия

⁸ Бижилгеде: «Чаныңда кижиге бодуңга бодуң дег ынак бол» – деп айыткан Хаанывыстың хоойлузун херек кырында сагып чоруур болзуңарза, шын кылып турар-дыр силер.

Иаков 2:8 Iomraidhean Croise

3 Хааннар 8:18

Дээрги-Чаяакчы аңаа: „Сен Мээң адымга тураскааткан өргээ тударын бодап алган-дыр сен, ол бодалың эки-даа-дыр.

4 Хааннар 7:9

Ооң соонда бот-боттарынга: «Бис шын эвес кылып тур бис, бо дээрге эки медээлер хүнү-дүр, а бис оларны ыыттавайн тур бис. Бир эвес даң адарын манаар болзувусса, кем-буруулуг апаар бис. Ам дораан барып, ол дугайында хаанның ордузунга дыңнадыылы» – дишкеннер.

Левит 19:18

Өжээн негеве, чонуңнуң улузунга удур бак сагыш шыгжава, харын чаныңда кижиге бодуңга бодуң дег ынак бол. Мен – Дээрги-Чаяакчы-дыр мен!

Левит 19:34

Араңарда чурттай берген өскээртен келген кижи силерге үндезин чурттакчы ышкаш болзун: аңаа бодуңга дег ынак бол, чүге дээрге силер база египет черге өскээртен келген улус бооп чораан болгай силер. Мен – Дээрги-Чаяакчы Бурганыңар-дыр мен!

Иона 4:4

Дээрги-Чаяакчы: «Ол дээш хорадааның эки бе?» – деп айтырган.

Иона 4:9

Бурган Ионадан: «Ол үнүш дээш хорадааның эки бе?» – деп айтырган. Иона: «Ийе! Аажок хомудадым, өлгүжемге чедир» – деп харыылаан.

Матфей 22:39

А ийиги айтыышкын аңаа дөмейлешкек: „Чаныңда кижиге бодуңга бодуң дег ынак бол“.

Матфей 25:21

Дээргизи аңаа: „Кончуг эки-дир, сен эки болгаш шынчы чалча-дыр сен! Сен бичии херек башкарарынга шынчың көргүстүң, ам сеңээ улуг ажыл-херек дагзыр мен. Мээң өөрүшкүм үлежип көр“ – дээн.

Матфей 25:23

Дээргизи аңаа: „Кончуг эки-дир, сен эки болгаш шынчы чалча-дыр сен! Сен бичии херек башкарарынга шынчың көргүстүң, ам сеңээ улуг ажыл-херек дагзыр мен. Мээң өөрүшкүм үлежип көр“ – дээн.

Матфей 7:12

Ынчангаш силерге улус кандыг хамаарылгалыг боорун күзээр-дир силер, боттарыңар база улуска шак ындыг хамаарылгалыг болуңар. Моисейниң хоойлузунуң база медээчилерниң өөредииниң алыс утказы мында болдур ийин».

Римчилерге 13:10

Ынакшыл чаныңда кижиге хора халдатпас. Ынчангаш ынакшыл – бүгү ыдыктыг хоойлуну сагааны ол боор.

Галатчыларга 5:14

Чүге дээрге бүгү ыдыктыг хоойлу чаңгыс борбак домакта туттунуп турар: «Чаныңда кижиге бодуңга бодуң дег ынак бол».

Галатчыларга 6:2

Аар-бергелерни ажып эртеринге бот-бодуңарга дузалажыңар, ооң-биле Христостуң айыткан чүүлүн сагаан боор силер.

Филипчилерге 4:14

Ындыг-даа болза, мээң бергедээшкиним үлешкеш, эки херекти кылган-дыр силер.

1 Фессалоникчилерге 4:9

Бүзүрээн ха-дуңмавыска ынакшыл дугайында силерге оон ыңай бижээн херээвис чок боор, чүге дээрге Бурган силерни бот-бодуңарга ынак боорунга өөредип каан болгай.

Иаков 1:25

А Бурганның хосталганы хайырлаар болбаазыраңгай хоойлузун дыңнаан кижи ону дораан-на уттуп албас, а херек кырында боттандырып, бодун ооң аайы-биле ап чоруур болза, ажыл-херектеринге амыр-чыргалдыг болур.

Иаков 2:12

Хосталга хайырлаан хоойлу ёзугаар шииттирер улус дег, ынчаар чугаалап база ажыл-херээңер кылып чоруңар.

Иаков 2:19

Бурган чаңгыс деп бүзүрээн-дир сен: ол кончуг эки-дир! Буктар безин ындыг деп бүзүреп, корткаш, сириңейнип турар.

Иаков 4:11

Ха-дуңма, удур-дедир бак сөглешпеңер. Бодунуң эжин бак сөглээр азы буруу шавар кижи ыдыктыг хоойлуну бак сөглээни азы буруу шапканы ол боор. А ыдыктыг хоойлуну буруу шаап турар болзуңза, ооң күүседикчизи эвес, а шииткекчизи сен.

1 Пётр 2:9

А силер болза – шилиттинген аймак, Хаанның бараалгакчылары, Бурганга хамааржыр ыдыктыг чон, Ооң кайгамчык ажыл-херектерин чарлаар дээш кыйгырткан улус силер. Ол силерни дүмбей караңгыдан Бодунуң кайгамчык чырыынче кыйгырып эккелген.