Иаков 2:6 - Ыдыктыг Библия

⁶ А силер ядыыларны дора көөр-дүр силер! Эрге-шөлээңерни кызагдап, шииткел черинче сөөртүп турар улус кымнарыл – байлар эвес ийик бе?

Иаков 2:6 Iomraidhean Croise

Иов 20:19

Чүге дээрге ядамыктарны дарлаар, каапкаш баар, бодунуң тутпааны бажыңнарны ээлеп аар турган-дыр.

Ырлар 10:2

Көрүңер даан: бузуттуглар чазын хере тыртып алган, согуннарын кирижепкен – мөзүзү эки улусче караңгыда адар деп турлар.

Ырлар 12:5

«Ону базып кааптым!» – деп, дайзыным сөглевезин. Тендиңейни бээримге, өжээтеним өөрүвезин.

Чугаалар 14:31

Ядамыкты дарлаар кижи ооң Чаяакчызын бак сөглээни ол, а түремикке ачы-дуза көргүзер кижи Ону алдаржыдар.

Чугаалар 17:5

Түремикти дорамчылап турар кижи ооң Чаяакчызын бак сөглээни ол, өске кижиниң түрегделин көргеш, амыраар кижи – кеземчеден чайлавас.

Чугаалар 18:23

Кадай тып алган кижи ачы-буян тып алган-дыр, Дээрги-Чаяакчының ээ көрнүүшкүнүн чедип алган-дыр.

Чугаалар 22:16

Ажык-кончаа сүргеш, ядамыкты дарлаары-даа, бай кижиге белек бээри-даа кижини каражага таварыштырар.

Чугаалар 22:7

Бай кижи ядыыларны чагырар, а өрелиг кижи чээли кылган кижиниң кулу апаар.

Экклесиаст 5:8

Черден ажык-дүжүктү шупту улус ап турар, шөлдер хаанга безин бараан болуп турар.

Исайя 53:3

Ону улус хүлээп албаан, бак көрген, ол болза хилинчекти билген, човалаңга таварышкан кижи болган. Ындыг кижини улус өскелээр – бис ону бак көрүп, чүү деп-даа санавайн турган бис.

Амос 4:1

Самарияның даанда чурттап турар, Васанның семис-чаагай инектери ышкаш херээженнер – ядыы улусту кызып-кыйып, түреңги улусту дарлап, боттарының ашактарынга: «Эккеп кудуңар-ла, ижер бис!» – деп турар херээженнер – бо чугаа-сөстү дыңнаңар.

Амос 5:11

Ядамыкты түрү бастырып, ооң далган-тараазын үндүрүг кылдыр былаап ап турар силер. Ынчангаш каас-коя бажыңнар-даа тудуп алган болзуңарза, аңаа чурттавас силер, шөлдерге кайгамчык эки виноград-даа тарып алган болзуңарза, ооң арагазын ишпес силер.

Аввакум 3:14

Ооң аг-шерии, мени чылча шавар дээш, казыргы дег халдап келген. Олар, түреңги кижини бүдүү сыырар дээнде дег, амырап турдулар. А Сен оларның баштыңын ооң бодунуң-на чыдалары-биле өттүр шанчып кагдың;

Захария 7:10

Дулгуяк херээженни, өскүс кижини, даштыкы кижини болгаш ядыы кижини кызагдаваңар, сеткил-чүрээңерге бот-боттарыңарга удур кара сагыш тывылбазын.

Иоанн 8:49

Иисус мынча деп харыылаан: «Мен букшууравадым, харын Мээң Адамны хүндүлээр-дир мен, а силер Мени бак сөглеп, дора көөр-дүр силер.

Ажыл-чорудулга 13:50

Ындыг-даа болза, иудей чүдүлге хүлээп алган алдар-хүндүлүг херээженнер болгаш хоорай даргалары иудейлерге күткүттүргеш, Павел биле Варнаваны истеп-сүрүп эгелээш, оларны ол черден үндүр ойладыпканнар.

Ажыл-чорудулга 17:6

Ынчалза-даа оларны тып чадааш, Иасонну база элээн каш өске бүзүрээн кижини хоорайның чагырыкчыларынче алгаш чорупканнар. Олар: «Делегейни бир кылдыр хөлзээзин үндүрген бо улус ам мында келген-дир!

Ажыл-чорудулга 18:12

Ахаия девискээринге Римден томуйлаан чагырыкчызы Галлион дээрзи турар өйде, иудейлер Павелге удур бөлүглежип алгаш, ону шииткел черинге эккелгеннер.

Ажыл-чорудулга 8:3

А Савл бүзүрээннерни чок кылыр дээш кызыдып эгелээн: ол бажыңнарны эргий кезип, эр, херээжен улусту тудуп хоругдааш, кара-бажыңче киир октап турган.

1 Коринфичилерге 11:22

Ижип-чиир дээр болзуңарза, бажыңнарыңар чок чүве бе? Азы Бурганга бүзүрээннер ниитилелин херекке албайн, ядыы-түреңги улусту куду көрүп тур силер бе? Ол дээш, силерге чүү дээйн? Мактаар мен бе? Чок, мактавас мен!

Иаков 2:3

Каас-коя хептиг кижиге онза кичээнгей көргүзүп, аңаа: «Бээр эртип, дөрже олуруңар» – дээш, а ядыы кижиге: «Маңаа тур» азы: «Борта, будум баарынга олур» – дээн дижик силер.

Иаков 5:4

Силерниң шөлдериңерниң дүжүдүн ажаап берген ажылчыннарның акшазы чедир төлеттинмээн. Оларның халактаан ыы-сыызын дыңнаңар. Оларның халак-тилээ ам Аг-шериглиг Дээрги-Чаяакчының кулаанга чеде берген.

Иаков 5:6

Силерге удурланмаан чөптүг-шынныг улусту шииткеш, өлүрүп турдуңар.