Иаков 2:5 - Ыдыктыг Библия

⁵ Ханы ынак ха-дуңма, дыңнап көрүңер! Бурган бо делегейниң ядыы улузун чүге шилип алганыл? Оларны бүзүрел-биле байыткаш, Аңаа ынак улуска аазааны Чагырганың салгакчылары кылып каар дээш эвес бе?

Иаков 2:5 Iomraidhean Croise

3 Хааннар 22:28

Михей: «Бир эвес сен амыр-менди ээп кээр болзуңза, мени дамчыштыр Дээрги-Чаяакчы чугаалаваан боор эвеспе» – дээн. Оон ол: «Бүгү аймактар, дыңнаңар!» – деп немеп каан.

Иов 34:10

Ынчангаш мени дыңнаңар, угаанныг улус: Бурганда шынныг эвес чүве турбас, Күчүлүг Бурганда чөптүг эвес шииткел чок.

Иов 34:19

Ол чагырыкчыларны тала-дугай тыртпас, ат-сураглыг кижини ядыы кижиден дээре деп санавас, олар шупту – Ооң холунуң чаяалгазы-ла болгай.

Иов 38:14

Даң хаяазының ачызында черниң хевири таңмага бастырган дой дег өскерлип, шокар хеп дег апаар.

Хосталыышкын 20:6

А Меңээ ынак база Мээң айтыышкыннарымны күүседир улуска муң салгал чедир энерелдиг болур мен.

Чугаалар 13:7

Бир кижи, хол даяң боду, бай-шыдалдыг бооп, а өске кижи, хөй байлакшылдыг боду, ядыы бооп баажыланыр.

Чугаалар 7:24

Ынчангаш, ажы-төлүм, ам мени дыңнаңар, сөстеримче кичээнгейден салыңар:

Чугаалар 8:32

А ам мени дыңнаңар, ажы-төлүм: мээң изим базар улус амыр-чыргалдыг!

Исайя 14:32

Ол чоннуң элчиннеринге чүү деп харыылаарыл? „Дээрги-Чаяакчы Сионну доктааткан, Ооң чонунуң түреңги улузу аңаа хоргадал тып аар“ деп харыылаар ужурлуг».

Исайя 29:19

Түрегдээннерге Дээрги-Чаяакчы чаа өөрүшкүнү хайырлаар, ядыылар Израильдиң ыдыктыг Бурганы дээш өөрүп-байырлаар.

Софония 3:12

Сеңээ чурттаар кылдыр томаараан, түреңги чонну арттырып каар мен, Дээрги-Чаяакчының ады оларга хоргадал боор.

Захария 11:11

Чагыг-керээ ол хүн күш чок апарган. Мени хайгаарап көрүп турган хой садыгжылары Дээрги-Чаяакчының ажыдып чугаалаан сөзү ындыг дээрзин билип алган.

Захария 11:7

Мен дөгерер дээн хойларны хой садыглаар улуска кадарып берип турдум. Ийи даянгыыш тудуп алгаш, бирээзин Буян деп, өскезин Эвилел деп адап алгаш, олар-биле хойларны кадарып эгеледим.

Матфей 11:5

согурлар каракталып, аскактар кылаштап, кеш аарыглыглар арыгланып, дүлейлер дыңнап, өлгеннер катап дирлип, ядыыларга Буянныг Медээни дыңнадып турарын чугаалаар силер.

Матфей 25:34

Хаан ынчан оң талазында турарларга мынча дээр: „Мээң Адамга алгадып-йөрээткеннер, бээр келиңер! Өртемчейни чаяаганындан бээр силерге белеткээн Дээрниң Чагыргазын салгап алыңар.

Матфей 5:3

«Сагыш-хөңнү ядарааннар амыр-чыргалдыг, чүге дээрге Дээрниң Чагыргазы оларныы боор.

Марк 7:14

Иисус чонну база катап чыып алгаш, мынча дээн: «Шуптуңар Мени дыңнааш, билип аарын кызыңар.

Лука 12:21

Эртине-байлакты бодунга чыып ап чоруур, а Бурганның мурнунга ёзулуг байлакшыл чок кижи ындыг салымга таваржыр».

Лука 12:32

Кортпайн көр, бичежек кодан-сүрүүм! Силерниң Адаңар Чагырганы силерге бээрин күзеп турар болгай.

Лука 16:22

Ядыы кижи өлүп каарга, дээрниң төлээлери ону дээрже – Авраамның чанында хүндүлүг черже алгаш барганнар. Бай кижи база өлүп каарга, ону орнукшудуп кааннар.

Лука 16:25

Ынчаарга Авраам мынча деп харыылаан: „Оглукум, сен чуртталгаңда чүгле эки чүүлдү-ле четтирип чорааныңны сактып келем, а Лазар чүгле багын четтирип келди чоп. Ам кээп, ол мында аргалалын алды, а сен хилинчек көре бердиң.

Лука 22:29

Ынчангаш, Мен база Чагырганы, Адамның Меңээ бергени дег, силерге берип тур мен.

Лука 6:20

Бодунуң өөреникчилерин эргий көргеш, Иисус мынча дээн: «Ядыылар, амыр-чыргалдыг силер, чүге дээрге Бурганның Чагыргазы силернии болур.

Иоанн 7:48

А эрге-чагырга тутканнарның азы фарисейлерниң аразындан Аңаа бүзүрей берген чаңгыс-даа кижи бар-дыр бе?

Ажыл-чорудулга 7:2

Стефан мынча деп харыылаан: «Ха-дуңма болгаш адалар! Мени дыңнаңарам. Алдарлыг Бурган бистиң өгбевис Авраамга ол Месопотамияга чурттап турган өйде, ооң Харранче көже бээриниң мурнуу чарыында, кээп көзүлген.

Римчилерге 8:17

А ажы-төлү болганывыста, салгакчылар бис. Бурганның салгакчылары боорда, Христос-биле деңге салгакчылар боор бис, чүге дээрге Ооң хилинчээн үлежип турар болзувусса, Ооң өндүр-чаагайындан үлүг база алыр бис.

1 Коринфичилерге 2:9

Харын Бижилгеде ол дугайында мынчаар бижээн: «Бурганга ынак улуска Ооң белеткеп каан чүүлүн карак-даа көрбээн, кулак-даа дыңнаваан база кижиниң угааны-даа билип шыдаваан» .

2 Коринфичилерге 4:15

Бистиң ол бүгү хилинчек көргенивис силерге ачылыг салдар көргүзер болгай. Ооң түңнелинде Бурганның авыралы улам-на хөй улусту бүргей ап турар; а оларның өөрүп четтириишкини улам-на хөй куттулуп, Бурганны алдаржыдып турар.

2 Коринфичилерге 6:10

Бисти муңгаратсаза-даа, үргүлчү өөрүп турар бис. Ядыы-даа болзувусса, хөй улусту байыдып турар бис. Чүвүс-даа чок, куруг-даа болзувусса, бүгү чүүлдү эдилеп турар бис.

2 Коринфичилерге 8:9

Бистиң Дээргивис Иисус Христостуң авыралдыын билир-ле болгай силер. Ол Бодунуң ядыызын дамчыштыр силерни байыдары-биле, бай турган боду, ядыы апарган.

Эфесчилерге 1:18

Ооң силерни чүү ындыг идегелче кыйгырганын билзиннер дээш, Ооң чону-биле үлежириңер өнчүнүң кайы хире өндүр байлаан көрзүннер дээш, Бурган силерниң угаан-сарыылыңарны чырыдып берзин деп мөргүп тур мен.

Эфесчилерге 3:8

Христостуң эгээртинмес эртине-байлааның дугайында Буянныг Медээни өске чоннар улузунга суртаалдаар авыралды Бурганның хамык улузунуң аразында эң чөгенчии боор меңээ хайырлаан.

1 Фессалоникчилерге 2:12

«Бодунуң өндүр бедик Чагыргазынче силерни кыйгырган Бурганның мурнунга төлептиг чурттаңар» – деп, бис силерни сорук киирип, өөредип база үттеп-сургап келген бис.

2 Фессалоникчилерге 1:5

Бурганның шииткели чөптүг дээрзиниң бадыткалы бо-дур: ол дээш, хинчектенип турарыңар Бурганның Чагыргазынче алызы барып киреринге төлептиг кылдыр санаттырар силер.

1 Тимофейге 6:18

Буян тарыырын, буянныг ажыл-херээ-биле байыырын, экииргек боорун база өске улус-биле эртине-байлаан үлежиринге белен боорун оларга айыт.

2 Тимофейге 4:18

Дээрги-Чаяакчы мени кандыг-даа бузуттан камгалаар база Бодунуң Дээрде Чагыргазынче бүдүн-бүрүн чедире бээр. Аңаа кезээ мөңгеде алдар! Аминь.

2 Тимофейге 4:8

Мени ам актыг-шынныг тиилекчиге бээр шаңнал манап турар, чөптүг Шииткекчи боор Дээрги-Чаяакчы, сөөлгү хүн кээрге, ону меңээ тыпсыр. Ол шаңналды чүгле меңээ эвес, а Ооң ээп кээрин ынакшыл-биле манаан бүгү улуска база тыпсыр.

Еврейлерге 11:26

Моисей Египеттиң эртине-байлаанга бодаарга, Христос дээш дорамчылал көөрү улуг үнелиг деп санаан, ооң караа алыр ужурлуг шаңналынче шыгаап турган.

Иаков 1:12

Шенелделерни шыдажып эртип турар кижи амыр-чыргалдыг, чүге дээрге оларны шыдажып эрткеш, Бурганга ынак улуска Ооң аазааны шаңналды – мөңге амыдыралды алыр.

Иаков 1:16

Ханы ынак ха-дуңма, дуурайлатпаңар.

Иаков 1:19

Ханы ынак ха-дуңма, мону дыңнаңар: кижи бүрүзү чулчуруурун шеглеп, дыңнаарынче сундугуп көрзүн база ол ышкаш белен-селен килеңневезин.

Иаков 1:9

Түреңги бүзүрээн кижи Бурганга өрү көдүртүп турары дээш чоргаарланыр ужурлуг.

1 Пётр 1:4

Бурганның Бодунуң чонунга дээрде шыгжап кааны иривес, арыг, оңмас өнчүнү алзыннар дээш, Ол чаа амыдыралды биске хайырлады.

2 Пётр 1:11

Силерни Дээргивис болгаш Камгалакчывыс Иисус Христостуң мөңге Чагыргазынга шак ынчаар күзелдии-биле хүлээп алыр.

Ажыдыышкын 2:9

Мен силерниң хилинчээңерни, ядыы-түреңгиңерни (херек кырында бай-даа болзуңарза) билир мен. Боттарын „иудейлер бис“ дижип турза-даа, херек кырында ындыг эвес, а эрликке чагырткан бөлүк улустуң силерни нүгүлдеп, карартып турарын база билир мен.

Ажыдыышкын 21:7

Тиилээн кижи бо бүгүнү Менден салгап аар. Мен – ооң Бурганы, а ол – Мээң оглум болур.

Ажыдыышкын 3:18

Байыыр деп бодазыңарза, сүмем бо-дур: от-биле арыглаан алдынны Менден садып алыңар. Силерниң ыянчыг шалдаңыңар көзүлбезин дээш, ак хептен база садып алыңар. Карааңар көрзүн дээш, каракка чаар эмден база садып алыңар.

Баштыңчылар 9:7

Кажан ол дугайында Иофамга чугаалаарга, ол Гаризим дагның бажынче үне бергеш, ооң кырындан мынчаар алгырып чугаалаан: «Мени дыңнаңар, сихемчилер, ынчан силерни Бурган дыңнаар!

1 Хааннар 2:30

Ынчангаш Дээрги-Чаяакчы, Израильдиң Бурганы мынча дээн: „Сээң салгалың болгаш сээң төрел бөлүүң кезээ мөңгеде Меңээ бараан болурун аазап чораан болгай мен. Ындыг-даа болза, моон соңгаар ындыг болбас. Мени алдаржыдып чоруур улусту алдаржыдар мен, а Мээң ат-алдарымны базар улус куду көрдүртүр!

1 Хааннар 2:8

доозундан ядыы кижини көдүрүп, түреңги кижини боктан уштуп, ызыгууртаннар-биле кожа олуртуп, дүжүлгениң алдарын өнчү кылдыр аңаа берип шыдаар. Дээрги-Чаяакчы өртемчейниң таваан салгаш, аңаа чер-делегейни үндезилээн болгай.