Иаков 2:4 - Ыдыктыг Библия

⁴ Ынчан чүнү канчап турарыңарны билир силер бе? Чамдык улусту өскелеринден дээре деп ылгай көрүп, бак сагыштыг шииткекчилер болу берген эвес силер бе?

Иаков 2:4 Iomraidhean Croise

Иов 21:27

Чүнү бодап турарыңарны-даа, меңээ удур оптуг аргаңарны-даа билир мен.

Иов 34:19

Ол чагырыкчыларны тала-дугай тыртпас, ат-сураглыг кижини ядыы кижиден дээре деп санавас, олар шупту – Ооң холунуң чаяалгазы-ла болгай.

Ырлар 58:1

Хөгжүм башкарыкчызынга. «Узуткава» деп аялга үдээр. Давидтии. Миктам-ыр. Давидти өлүрүп каар дээш, Саул ооң бажыңын кедээр кылдыр улус чорудупкан үеге хамааржыр.

Ырлар 82:2

Бурганым! Харыы-сөс чок олурба, ыыт-шимээн, киржилге чок артпа, Бурганым.

Малахия 2:9

Ынчангаш Мен силерни бүгү чоннуң мурнунга чөгенчиг, куду көрдүрген улус кылып каан мен, чүге дээрге силер Мээң оруктарым эдербээн-дир силер, ыдыктыг хоойлуну ажыглаарда, улусту ылгай көрүп турган-дыр силер».

Лука 18:6

Оон Дээрги Иисус мынча дээн: «Арын-нүүр чок шииткекчиниң чүнү чугаалаанын дыңнап тур силер бе?

Иоанн 7:24

Эреңгейлеп шиитпеңер, а чөптүг шииткел-биле шиидиңер».

Иаков 3:17

А дээрден кээр мерген угаан, чүнү-даа мурнай, арыг, ол ышкаш тайбыңзырак, биче сеткилдиг, дыңнап билир, өршээлдиг, буянныг ажыл-херектери-биле бай, кымны-даа ылгай көрбес, ак сагыштыг боор.

Иаков 4:11

Ха-дуңма, удур-дедир бак сөглешпеңер. Бодунуң эжин бак сөглээр азы буруу шавар кижи ыдыктыг хоойлуну бак сөглээни азы буруу шапканы ол боор. А ыдыктыг хоойлуну буруу шаап турар болзуңза, ооң күүседикчизи эвес, а шииткекчизи сен.