Иаков 2:21 - Ыдыктыг Библия

²¹ Бодунуң оглу Исаакты өргүл бедигээжинче салгаш, Авраам өгбевис Бурганның мурнунга ажыл-херээ-биле агарып үнмежик бе?

Иаков 2:21 Iomraidhean Croise

Ырлар 143:2

Ол меңээ шынчы, Ол – мээң шивээм, хоргадалым, камгалакчым, дозуг-камгалалым; Оон хоргадал алыр мен, Ол мээң чонумну меңээ чагыртып берип турар.

Исайя 51:2

силерниң адаңар Авраамче, силерниң иеңер Сарраже көрүңер. Кажан Авраамны кыйгырып алганымда, ол ажы-төл чок турган, а Мен аңаа ачы-буян хайырлап, хөй-ле үре-салгал берген мен.

Матфей 12:37

Сөзүңнү барымдаалап, сени агартыр азы шиидер».

Матфей 3:9

Чүгле: „Бистиң адавыс – Авраам“ – деп сөстер-биле боттарыңарны аргалаарын семевеңер! Бурган бо чыдар даштардан-даа Авраамга ажы-төл чаяап шыдаар дээрзин силерге чугаалап тур мен.

Лука 1:73

Ол дайзыннарывыстың холундан бисти адырар деп Авраам өгбевиске берген даңгыраанга шынчы бооп артты. Ынчангаш бис ам бүгү чуртталгавыста Ооң мурнунга арыг чүректиг, чөптүг-шынныг бооп, Аңаа коргуш чогу-биле бараан боор бис.

Лука 16:24

Бай кижи ынчан: „Авраам, ачам, мени кээргеп, Лазарны бээр чорудуп көр. Ол салаазының бажын сугга өттүргеш, мээң дылымны шыгытсын. Чүге дээрге мен бо чалбыыш-отка хилинчектенип, ат болдум“ – деп кыйгырган.

Лука 16:30

А бай кижи мынча дээн: „Чок, Авраам ада, өлгеш, катап дирилген кижилерниң кайы-бирээзи оларга чеде бээр болза, олар ынчан бачыдын минни бээр ийик“.

Иоанн 8:39

Олар: «Бистиң адавыс – Авраам!» – деп харыылааннар. Иисус оларга мынча дээн: «Силер ылап-ла Авраамның ажы-төлү болзуңарза, ооң ажыл-херээн кылып чораай силер.

Иоанн 8:53

Таанда-ла Сен бистиң өгбевис Авраамдан улуг сен бе? Ол ышкаш өлү бергилээн медээчилерден база улуг сен бе? Бодуңну Кым мен деп көргүзер бодап тур сен?»

Ажыл-чорудулга 7:2

Стефан мынча деп харыылаан: «Ха-дуңма болгаш адалар! Мени дыңнаңарам. Алдарлыг Бурган бистиң өгбевис Авраамга ол Месопотамияга чурттап турган өйде, ооң Харранче көже бээриниң мурнуу чарыында, кээп көзүлген.

Римчилерге 3:20

Ынчангаш ыдыктыг хоойлуну сагааны-биле Ооң мурнунга кандыг-даа кижи актыг бооп шыдавас. Чүге дээрге ыдыктыг хоойлу дамчыштыр кижи бачытты медереп билип боор.

Римчилерге 4:1

Бистиң өгбевис Авраам чүнү чедип алганыл, ол дугайында чүү дээр бис? –

Римчилерге 4:12

А кыртыжап демдектеттирген улуска хамаарыштыр – олар бо ёзулалдан аңгыда, Авраамның кыртыжап демдектеттирбээн үезинде-ле бар турган бүзүрелин истеп чоруп орар болза, Авраам оларның база адазы-дыр.

Римчилерге 4:16

Улус Бурганның аазаан чүүлүн бүзүрел дамчыштыр алыр ужурлуг. Ол аазаашкын ынчан Бурганның авыралы боор база Авраамның бүгү салгалынга: чүгле ыдыктыг хоойлунуң аайы-биле эвес, а Авраамның бүзүрелиниң аайы-биле амыдырап чоруур улуска база күштүг боор. Авраам – шуптувустуң адавыс-тыр.

Еврейлерге 11:17

Аазаашкын алган Авраам, Бурганга шенедип тургаш, эр чаңгыс оглу Исаакты бүзүрели-биле өргүлге салырынга белен турган. Бурган аңаа: «Сээң салгалың Исаакты дамчыштыр уламчылаар-дыр» – деп чугаалаан-даа болза, ол ынчаар кылган.

Иаков 2:18

Ынчаарга кандыг-бир кижи мынча дээр чадавас: «Бир кижиде бүзүрел бар болзун, а өске кижиде ажыл-херектер бар болзун». Сен меңээ бүзүрелиңни ажыл-херектериңден аңгы кылдыр көргүс че. А мен сеңээ ажыл-херектеримден илдең апаар бүзүрелимни көргүзер мен.

Иаков 2:24

Бурганның мурнунга кижи чүгле бүзүрели дээш эвес, а ажыл-херээ дээш агарарын көрүп тур силер.

Иисус 24:3

Силерниң өгбеңер Авраамны хем ындындан ханаан черже эккелгеш, бо черни шуптузун эргиткен мен. Мен ооң салгалдарын көвүдеткеш, аңаа Исаакты хайырлаан мен.