Иаков 2:14 - Ыдыктыг Библия

¹⁴ Ха-дуңма, Бурганга бүзүредим деп турар бир-ле кижи буянныг ажыл-херек кылбас болза, ынча дээн ажыы чүл? Ындыг бүзүрел ону камгалап шыдаар бе?!

Иаков 2:14 Iomraidhean Croise

Иеремия 7:8

А силер боттарыңарга ажык-дуза чок меге сөстерге идегээр-дир силер.

Матфей 5:20

Силерге чугаалап тур мен: фарисейлер болгаш ном-хоойлу тайылбырлакчыларындан артык чөптүг-шынныг чурттавас болзуңарза, Дээрниң Чагыргазынче кирбес силер».

Лука 3:11

Ол мынча деп харыылаан: «Ийи хөйлеңниг кижи хөйлеңи чок кижи-биле үлешсин; а аъш-чемниг кижи база шак ынчаар кылзын».

Лука 6:49

А Мээң сөзүмнү дыңназа-даа, ону сагывас кижи таваан салбайн, бажың туткан кижиге дөмей-дир. Үер суу хөме алырга, ооң бажыңы дораан буступ кээп дүжер. Ол бажыңдан чүгле бузундулар артар».

Ажыл-чорудулга 15:9

Бурган олар-биле бистиң аравыста кандыг-даа ылгал кылбайн турар, харын оларның чүректерин арыглап алган-дыр, чүге дээрге олар бүзүрей берген-дир.

Ажыл-чорудулга 8:13

Симон база бүзүрей бергеш, сугга суктуруп алган. Ол үргүлчү-ле Филипптен чыда калбайн эдерип, ооң кылып турганы өндүр улуг кайгамчык демдектерин көргеш, магадаар болган.

Ажыл-чорудулга 8:21

Бистиң бараан болуушкунувуска киржир үлүг-хууң чок-тур, чүге дээрге сээң чүрээң Бурганның мурнунга шынчы эвес-тир.

Римчилерге 2:25

Ыдыктыг хоойлуну сагып чоруур болзуңза, чүгле ынчан кыртыжап демдектедири ажыктыг. А ыдыктыг хоойлуну хажыдып турар болзуңза, кыртыжап демдектеткениң ужур-утка чок.

1 Коринфичилерге 15:2

Силерге медеглээн чүүлүмден быжыг туттунар болзуңарза, Буянныг Медээниң ачызында камгалалды ап турар силер, а оон башка силерниң бүзүрелиңер хей черге баар.

1 Коринфичилерге 16:22

Дээрги-Чаяакчыга ынак эвес кижи Оон бүрүнү-биле аңгылаттырзын! Маранафа – О Дээрги-Чаяакчы, чедип келем!

Галатчыларга 5:13

Ха-дуңма, Бурган силерни хосталгаже кыйгырган-дыр. Чүгле ол хосталгаңарны кижи бүдүжүнүң кара туразында аажылаар чаңынче хуулдурбаңар. Харын бот-боттарыңарга ынакшылдыг бараан болуңар.

Галатчыларга 5:6

Христос Иисус-биле сырый харылзаалыг апаар болзувусса, кыртыжап демдектедири-даа, кыртыжап демдектетпези-даа чугула эвес. Ынакшыл дамчыштыр бодун көргүзер бүзүрел – чүгле ол чугула.

1 Фессалоникчилерге 1:3

Силерниң бүзүрелиңерге үндезилеттинген ажыл-херээңерни, ынакшылыңардан сорук кирген ажылыңарны, Дээргивис Иисус Христоска идегелиңерниң чайгылыш чогун Бурган Адавыстың мурнунга доктаамал сактып чор бис.

1 Тимофейге 1:5

А ол негелдениң сорулгазы – арыг чүректен, арыг арын-нүүрден, ак сеткилдиг бүзүрелден үнер ынакшылды өөскүдери боор.

1 Тимофейге 4:8

Мага-бот дадыктырары чүгле чаңгыс талазы-биле ажыктыг боор, а Бурганны хүндүлээри бүгү талазы-биле ажыктыг, чүге дээрге ында амгы-даа, келир-даа амыдыралдың аазаашкыны бар.

Титке 1:16

Олар: «Бурганны билир бис» – дижирлер, ынчалза-даа ажыл-херээ-биле Ону хүлээп көрбестер-дир. Олар чииртим, дыңнангыр эвес база кандыг-даа буянныг чүүл кылыр харык чок улус-тур.

Титке 3:8

Бо дээрге ылап шынныг сөстер-дир. Бурганга бүзүрей берген улус буянныг херектер кылырынга боттарын бүрүнү-биле бараалгатсын дээш, ол бүгүнүң дугайында сагыш алындыр чугаалап чорууруңну күзеп тур мен. Ындыг боору – улуска эки болгаш ажыктыг.

Еврейлерге 11:17

Аазаашкын алган Авраам, Бурганга шенедип тургаш, эр чаңгыс оглу Исаакты бүзүрели-биле өргүлге салырынга белен турган. Бурган аңаа: «Сээң салгалың Исаакты дамчыштыр уламчылаар-дыр» – деп чугаалаан-даа болза, ол ынчаар кылган.

Еврейлерге 13:9

Ынчангаш янзы-бүрү болгаш хары өөредиглер сонуургаваңар. Чүректериңерни тускай чемнер чиири эвес (ону барымдаалаары кымга-даа ажык-дуза чедирбээн), а Бурганның авыралы быжыктырзын.

Иаков 1:16

Ханы ынак ха-дуңма, дуурайлатпаңар.

Иаков 2:16

А силерниң кайы-бирээңер оларга: «Амыр-тайбың чоруптуңар, чылыдыр кеттиниңер, тоттур чемнениңер» – деп чугаалааш, оларның амыдыраарынга херек чүүлдерни бербес болза, ындыг чугааның ажыы чүл?

Иаков 2:18

Ынчаарга кандыг-бир кижи мынча дээр чадавас: «Бир кижиде бүзүрел бар болзун, а өске кижиде ажыл-херектер бар болзун». Сен меңээ бүзүрелиңни ажыл-херектериңден аңгы кылдыр көргүс че. А мен сеңээ ажыл-херектеримден илдең апаар бүзүрелимни көргүзер мен.

Иаков 2:26

Шак-ла ынчаар, мага-боттуң амы-тын чокта өлүү дег, Бурганга бүзүрел база ажыл-херек чокта өлүг.

2 Пётр 1:5

Ол чылдагаан-биле силер болдунар-ла бүгү чүүлдү кылыңар: бүзүрелиңерге эки мөзүден немеңер, а эки мөзүңерге билигден немеңер.