Иаков 1:21 - Ыдыктыг Библия

²¹ Ындыг болганда, кандыг-даа бужар сагыш болгаш бузуттуг үүлгедиглерниң артынчызындан адырылгаш, Бурганның чүректериңерге тарып турар сөзүн – силерни камгалап шыдаар күчүлүг сөстү – чөпшүл хүлээп алыңар.

Иаков 1:21 Iomraidhean Croise

Ырлар 25:9

Мээң амы-тынымны бачыттыг улус-биле кады, мээң амыдыралымны өлүрүкчүлер-биле кады узуткава;

Исайя 2:20

Ол хүн улус мөгеер дээш кылып алганы алдын-мөңгүн дүрзү-бурганнарын дедир-даваннарга, часкыларга октап бериптер.

Исайя 29:19

Түрегдээннерге Дээрги-Чаяакчы чаа өөрүшкүнү хайырлаар, ядыылар Израильдиң ыдыктыг Бурганы дээш өөрүп-байырлаар.

Исайя 30:22

Ынчан силер мөңгүн-биле шап каан дүрзү-бурганнарыңарны, алдын-биле шап каан кылымал дүрзүлериңерни бужар чүвелер деп санаар силер; оларны арыг эвес чүүлдер дег үндүр октапкаш, «Ыңай чоруңар!» дээр силер.

Исайя 61:1

Дээрги-Бурган-Чаяакчының Сүлдези мени бүргээн-дир – Ол мени түрегдээннерге буянныг медээни дыңнатсын дээш шилип чаап каан! Ол мени сеткил-чүрээ муңгараан улусту экиртсин дээш, туттурганнарга хосталганы, хоругдаттырганнарга адырлып хосталырын чарлазын дээш;

Иезекиил 18:31

Үүлгедип турар бүгү бачыттарыңарны артыңарга кааптыңар, сеткил-чүрээңерни, сүлдеңерни чаартып алыңар; израиль чон, чүге өлүр ужурлуг сен?

Иезекиил 36:25

Силерни арыглаашкын суу-биле бызай чажарымга, арыгланы бээр силер; бүгү бужар чорууңардан, бүгү дүрзү-бурганнарыңардан арыглап каар мен.

Софония 2:3

Дээрги-Чаяакчыже чүткүңер, черниң бүгү томаанныг улузу, Ооң күзел-соруун күүседип турар улус! Чөптүг-шынныг чорукче чүткүңер, чөпшүл боорун кызыңар – Дээрги-Чаяакчының килеңиниң хүнүнде чаштынар аргалыг боор чадавас силер».

Матфей 5:5

Биче сеткилдиглер амыр-чыргалдыг, чүге дээрге чер-чуртту салгап алырлар.

Иоанн 6:63

Амы-тынны чүгле Сүлде бээр, а кижиниң күжү ынай-даа ажыглаттынмайн турар. Мээң силерге чугаалаан сөстерим – амы-тынны бээр Сүлде ол-дур.

Иоанн 6:68

Симон Пётр Аңаа мынча деп харыылаан: «Дээрги, кымга баар улус бис? Мөңге амыдыралды бээр сөстер Силерде-дир.

Ажыл-чорудулга 10:33

Мен ол дораан силерни сүрдүрүп, улус чорудуптум, чедип келгениңер кончуг эки-дир. Дээрги-Чаяакчының силерге: „Чугаала“ – деп дужааган бүгү чүвезин дыңнаар дээш, бис ам шупту мында, Бурганның мурнунда турарывыс бо-дур».

Ажыл-чорудулга 13:26

Ха-дуңма, Авраамның салгакчылары база силерниң араңарда Бурганга мөгеер өске улус! Бисче камгалалдың бо медээзин чоруткан-дыр!

Римчилерге 1:16

Буянныг Медээден ыятпас мен, чүге дээрге ол – Христоска бүзүрээн бүгү улусту: хамыкты мурнай иудейлерни, а ооң соонда өске бүгү улусту камгалаар дээн Бурганның күчү-күжү-дүр.

Римчилерге 11:17

А олива ыяжының чамдык будуктарын Бурган сыйып каан болза, сени – черлик өзүмнү оларның орнунга тудуштур шарып каарга, тарымал оливаның дазылынга тутчуп, ооң чулуун соруп турар болзуңза,

Римчилерге 6:17

Бир шагда бачыттың кулдары чордуңар, ынчалза-даа ам силерге дамчыткан өөредигге чүрээңер ханызындан чагырты бердиңер. Ол дээш, Бурганга алдар!

1 Коринфичилерге 15:2

Силерге медеглээн чүүлүмден быжыг туттунар болзуңарза, Буянныг Медээниң ачызында камгалалды ап турар силер, а оон башка силерниң бүзүрелиңер хей черге баар.

2 Коринфичилерге 7:1

Ханы ынак эш-өөр, ындыг аазаашкыннарны биске берген-дир. Ынчангаш мага-ботту болгаш сагыш-сеткилди бужартадыптар бүгү чүүлден арыгланып аалы, Бурганны хүндүлеп, Ооң мурнунга бүрүн ыдыктыы-биле амыдыраалы!

Эфесчилерге 1:13

Христосту дамчыштыр алыс шынның сөзүн – камгалалыңар дугайында Буянныг Медээни дыңнап каан болгаш, Аңаа бүзүрээн силер. Аазааны Ыдыктыг Сүлдезин силерге бергеш, Бурган силерни Бодунуң улузу кылдыр таңма-биле дег демдектеп алган.

Эфесчилерге 4:22

Мурнунда канчаар амыдырап чорааныңардан – биеэги бодуңардан, дуурайлаан күзээшкиннер ириткен бачыттыг бүдүжүңерден ойталаңар.

Эфесчилерге 4:25

Ынчангаш мегеден ойталаңар, шуптуңар бот-боттарыңарга шынны чугаалаңар, чүге дээрге бис шупту Христостуң мага-бодунуң кезектери-дир бис.

Эфесчилерге 5:4

Ааска эптешпес сөстер, хоозун куруг чугаалар болгаш үй-балай баштактар чугааңарже кирбезин, ол бүгү чүүл чок! Бурганга өөрүп четтирери оон канчап-даа дээре!

1 Фессалоникчилерге 1:5

Чүге дээрге бистиң эккелгенивис Буянныг Медээ силерге чүгле сөс кырында эвес, а күчүлүү-биле, Ыдыктыг Сүлдениң шынзыткан бадыткалы-биле чедип келген. Араңарга тургаш, силерге буянныг болзун дээш, канчаар амыдырап келгенивисти көрген болгай силер.

1 Фессалоникчилерге 2:13

Бистен дыңнааныңар Бурганның медээзин хүлээп аарда, ону кижи сөзү дег эвес, а ооң херек кырында кандыызы дег: бүзүрей бээриңерге, силерге күчүлүг салдар чедирип турар Бурганның сөзү дег кылдыр хүлээп алган силер. Үзүк-соксаал чокка Бурганга өөрүп четтиреривистиң база бир чылдагааны ол-дур.

Титке 2:11

Чүге дээрге Бурган Бодунуң авыралын бүгү улусту камгалаар дээш ажыткан-дыр.

Еврейлерге 12:1

Бисти хүрээлээн, бүзүрелди херечилээн улустуң хөйүн көрбес силер бе?! Ындыг болганда, оруувуска моондак болган бүгү чүвени база чыпшыныычал бачытты ыңай ап октапкаш, бисти манап турар орук-биле шыдамык, туруштуг чоруп ораалы.

Еврейлерге 2:3

бис база, бодувустуң ээлчээвисте, ол хире өндүр улуг камгалалды тоовайн барзывысса, кеземчеден чайлаар харыывыс кайдал? Ол камгалал дугайында улуска эң баштай Дээрги Иисус медеглээн, а ооң соонда Ону дыңнаан улус биске шынзыдып чугаалаан болгай.

Еврейлерге 4:2

Демги еврейлерге ышкаш, Буянныг медээни биске база суртаалдаан. Ындыг-даа болза, ону дыңнааш, бүзүрей берген улуска бүзүрээни-биле каттышпаан улустуң дыңнап алган сөзү оларга ажык-дуза чедирбээн.

Иаков 4:8

Бурганче чоокшулаңар, Ол база силерже чоокшулап кээр. Бачыттыг улус, холуңар чуп алыңар. Ийи сагыштыглар, чүректериңер арыглаңар.

Иаков 5:20

Билдингир болзун: бачыттыг кижини шын эвес оруктан Бурганче ээлдирген кижи ону өлүмден камгалаар база ооң хөй бачыттарын өршээрин чедип алыр.

1 Пётр 1:22

Алыс шынга дыңнангырыңар-биле сагыш-сеткилиңерни ам арыглап алгаш, бүзүрээн ха-дуңмаңарга ам шынчы ынакшып боор силер. Ынакшып эгелээш, бот-боттарыңарга арыг чүрээңер ханызындан ынак болуңар!

1 Пётр 1:9

Чүге дээрге Аңаа бүзүрээниңер ачызында камгалалыңар чедип ап турар-дыр силер.

1 Пётр 2:1

Ындыг болганда, кандыг-даа бузуттуг-бак сагыштан: мегеден, ийи арынныг чоруктан, адааргалдан болгаш нүгүлден адырлып аар ужурлуг силер.

1 Пётр 2:11

Ханы ынак эш-өөр, бо делегейде даштыкылардан, түр када турар улустан дег, силерден дилеп тур мен: бодуңарның-на сагыш-сеткилиңерге удур демисежир бузуттуг-бак күзээшкиннерге алыспайн көрүңер.