Иаков 1:19 - Ыдыктыг Библия

¹⁹ Ханы ынак ха-дуңма, мону дыңнаңар: кижи бүрүзү чулчуруурун шеглеп, дыңнаарынче сундугуп көрзүн база ол ышкаш белен-селен килеңневезин.

Иаков 1:19 Iomraidhean Croise

Неемия 8:18

Эзра Бурганның хоойлузунуң дүрүг-номун байырлалдың бирги хүнүнден сөөлгү хүнүнге чедир, хүннүң-не номчуп келген. Израильчилер чеди хүн байырлаан, а сески хүнде дүрүм ёзугаар онзагай чыыш болган.

Неемия 9:17

Олар Сени тооп дыңнаарындан ойталап, аразынга Сээң кылып турган кайгамчык чүүлдериңни сагынмайн барган. Олар чөрүүленип, Египетте кулданыынче эглирин күзээш, боттарынга баштыңчы олуртуп алган. Ынчалза-даа Сен – килеңнээчел эвес, өршээринге ынак, ээ көрнүүчел, кээргээчел, өндүр улуг энерелдиг Бурган-дыр сен. Оларны каапкаш барбаан сен!

Неемия 9:3

Улус аңаа турган черлеринге артып каап, үш шак дургузунда боттарының Бурганы Дээрги-Чаяакчының хоойлузунуң номун номчуп, дараазында үш шак дургузунда бачыттарын миннип, боттарының Бурганы Дээрги-Чаяакчыга мөгейип турган.

Иов 32:16

Ам чүнү манаар мен – олар ыытташпас, чүнү-даа чугаалавас ышкажыл?

Чугаалар 10:19

Хөй сөстүгде, бачыттан чайлаары болдунмас, а угаанныг кижи белен сөс ышкынмас.

Чугаалар 13:3

Аас-сөзүн оваарымчалыг ажыглаар кижи амы-тынын кадагалап аар, а аас-сөзүн тыртып шыдавас кижи бодун узуткап аар.

Чугаалар 14:17

Ажынчак кижи мелегей чоруктар кылыр, кара сагыштыг кижини улус көөр хөңнү чок.

Чугаалар 14:29

Белен-селен ажынмас кижи улуг угаанныг, а хорадаачал кижи мелегей чоруун көргүзер.

Чугаалар 15:18

Килеңнээчел кижи алгыш-кырыш өөскүдер, а белен-селен ажынмас кижи адааннажыышкынның когун үзер.

Чугаалар 15:2

Мерген угаанныгларның аксы-сөзү билигни экизинер, а мелегейлерниң аас-дылы чүгле мелегей чүүлдер чулчуруур.

Чугаалар 16:32

Килеңнээчел эвес кижи күчүлүг маадырдан дээре, бодун туттунуп билир кижи хоорайлар эжелекчизинден дээре.

Чугаалар 17:14

Алгыш-кырыштың эгези сугнуң чалды деже шавары дег, ынчангаш өжээн өөскүвээнде, соксадып каг.

Чугаалар 17:27

Билиг чедип алган кижи кевин-херекчок чүве чугаалавас; угаанныг кижи хорадаачал эвес болур.

Чугаалар 18:13

Кижи буураар бетинде туразы улгадыр, а биче сеткил алдарны мурнап чоруур.

Чугаалар 18:21

Кижи чугаа-сөзүнүң үре-түңнели-биле хырнын тоттурар: аксы-биле чедип алган чүвезин чигеш, тодар.

Чугаалар 19:11

Мерген угаанныг кижи белен-селен ажынмас; ат-алдар – буруулуг херектерни өршээринде.

Чугаалар 19:19

Хорадаачал кижи торгаал төлезин, ону бир удаа амдажыдар болзуңза, ам-даа кезедир апаар сен.

Чугаалар 21:23

Аас-дылын тыртып чоруур кижи айыылдардан бодун камгалаар.

Чугаалар 25:28

Бодун туттунуп шыдавас кижи – үрегдеп бузуп каан, ханазы чок хоорай ышкаш.

Чугаалар 29:20

Бодамча чок чүве чугаалаар кижи көрген сен бе? Аңаа бодаарга, мелегей кижиге безин идегээри дээре болдур ийин.

Саннар 22:27

Элчиген Дээрги-Чаяакчының төлээзин көрүп кааш, Валаамның адаанга чыдып алган. Ээзиниң килеңи хайныгып, элчигенин холунда ыяжы-биле улдап эгелээн.

Матфей 5:22

А Мен ам силерге: „Өске кижиже килеңнээн кижи безин шииткелге төлептиг“ – деп тур мен. Кым өске кижиге: „Чөгенчиг хей!“ – дээрил, ону дээди иудей Чөвүлелге шиидип болур. Кым: „Мелегей!“ – дээрил, ону тамының оду-биле кезедип болур.

Марк 12:37

Давид боду Ону Дээргим деп адаан-дыр. Ындыг болганда, Христос канчап Давидтиң оглу боорул?» Дыка хөй чон Иисусту магадап дыңнап турган.

Марк 2:2

Хөй улус чыглып келген болгаш, бажыңның ишти-даштында эртер-дүжер хос чер чок апарган. Иисус улуска суртаалдап эгелээн.

Лука 15:1

Бир-ле катап бүгү үндүрүг хавырыкчылары болгаш бачыттыг кижилер Иисусту дыңнаар дээш чыглып келген.

Лука 19:48

Ындыг-даа болза, олар ону канчаар кылыр аайын тыппааннар, чүге дээрге бүгү чон Иисустуң чаңгыс-даа сөзүн эрттирбезин кызып, туда дыңнааш турар болган.

Ажыл-чорудулга 1:15

Каш хүн эрткенде, база бир шак ындыг чыышка 120 хире кижи чыылган турда, Пётр туруп келгеш, мынча дээн:

Ажыл-чорудулга 10:33

Мен ол дораан силерни сүрдүрүп, улус чорудуптум, чедип келгениңер кончуг эки-дир. Дээрги-Чаяакчының силерге: „Чугаала“ – деп дужааган бүгү чүвезин дыңнаар дээш, бис ам шупту мында, Бурганның мурнунда турарывыс бо-дур».

Ажыл-чорудулга 13:48

Ону дыңнааш, өске чоннар улузу өөрүп-байырлап, Дээрги-Чаяакчының медээзин алдаржыдып турганнар. Мөңге амыдыралга баш бурунгаар шилиттинген бүгү улус бүзүрей берген.

Ажыл-чорудулга 17:11

Верияның улузу Фессалониканың улузундан эки мөзүлүг болган: олар медээни күзелдии-биле хүлээп алгаш, Павел биле Силаның алыс шынны чугаалап турарынга шынзыгар дээш, хүннүң-не Бижилгени шинчилеп турганнар.

Ажыл-чорудулга 2:42

Бүгү бүзүрээннер элчиннерден өөрениринге, аралажып чыглырынга, эп-сеткилдиң чемин үлежип чииринге болгаш мөргүүрүнге идепкейлиг киржип келгеннер.

Эфесчилерге 4:26

Килеңнээш-даа, бачыт үүлгетпеңер. Килеңиңерни хүн ашпаанда-ла чавырып алыңар;

Эфесчилерге 4:31

Дошкууралдан, килеңден, алгы-кышкыдан, каргыштан база өске кандыг-даа хевирлиг бузуттан адырлып алыңар.

Колосчуларга 3:15

Христостуң эккээри амыр-тайбың чүректериңерни углап-баштазын, чүге дээрге Бурган силерни амыр-тайбыңче кый деп, чаңгыс мага-бот кылдыр тудуштурган-дыр. Ол дээш өөрүп четтириңер!

Колосчуларга 3:8

А ам ол бүгүнү: дошкууралды, килеңни, өш-өжээнни, нүгүл-хопту болгаш үй-балай сөстер эдерин ыңай ап октаптыңар.

1 Фессалоникчилерге 2:13

Бистен дыңнааныңар Бурганның медээзин хүлээп аарда, ону кижи сөзү дег эвес, а ооң херек кырында кандыызы дег: бүзүрей бээриңерге, силерге күчүлүг салдар чедирип турар Бурганның сөзү дег кылдыр хүлээп алган силер. Үзүк-соксаал чокка Бурганга өөрүп четтиреривистиң база бир чылдагааны ол-дур.

Иаков 1:16

Ханы ынак ха-дуңма, дуурайлатпаңар.

Иаков 1:2

Ха-дуңма, янзы-бүрү шенелделер орууңарны моондактаза, аажок кежиктиг бис деп санаңар!

Иаков 1:26

Бодун Бурганны хүндүлеп чоруур мен деп санаар, ынчалза-даа аксын тыртып шыдавас кижи бодун боду мегелеп чоруур база ооң Бурганны хүндүледим дээри хей чүве-дир оң.

Иаков 2:1

Ха-дуңма! Өндүр улуг Дээргивис Иисус Христоска бүзүрээр болганыңарда, улусту ылгай көрбеңер.

Иаков 2:5

Ханы ынак ха-дуңма, дыңнап көрүңер! Бурган бо делегейниң ядыы улузун чүге шилип алганыл? Оларны бүзүрел-биле байыткаш, Аңаа ынак улуска аазааны Чагырганың салгакчылары кылып каар дээш эвес бе?

Иаков 3:10

Чаңгыс ол-ла аас алгап-йөрээп-даа, одап-каргап-даа турар. Ха-дуңма, ындыг болбас ужурлуг!

Иаков 4:11

Ха-дуңма, удур-дедир бак сөглешпеңер. Бодунуң эжин бак сөглээр азы буруу шавар кижи ыдыктыг хоойлуну бак сөглээни азы буруу шапканы ол боор. А ыдыктыг хоойлуну буруу шаап турар болзуңза, ооң күүседикчизи эвес, а шииткекчизи сен.

Иаков 5:12

Ха-дуңма, хамыктың мурнунда дээр-биле-даа, чер-биле-даа база өске-даа даңгырактар-биле даңгыраглаваңар. Бурганга шииттирбес дээш, «ийе» деп чугаалааныңар «ийе» дээн болзун, «чок» деп чугаалааныңар «чок» дээн болзун.

Иаков 5:19

Ха-дуңма, кайы-бирээңер шынның оруундан соора баарга, ону өске кижи Бурганче ээлдирипкен дижик.

1 Иоанн 2:21

Мен силерге алыс шынны билбес силер дээш эвес, а ону билир бооруңарга база алыс шын мегени төрүвес боорга, бижип олур мен.