Иаков 1:12 - Ыдыктыг Библия

¹² Шенелделерни шыдажып эртип турар кижи амыр-чыргалдыг, чүге дээрге оларны шыдажып эрткеш, Бурганга ынак улуска Ооң аазааны шаңналды – мөңге амыдыралды алыр.

Иаков 1:12 Iomraidhean Croise

Эге дөс 22:1

Ол болуушкуннар соонда элээн үе эрткенде, Бурган Авраамны шенеп, хынаар деп шиитпирлээн. Бурган: «Авраам!» – деп кыйгырарга, ол: «Мында мен» – деп харыылаан.

Неемия 1:5

Мен мынча деп мөргүп турдум: «О, дээрде саадаан Дээрги-Бурган-Чаяакчы! Өндүр улуг, сүртенчиг, чагыг-керээзинге шынчы Бурган, Сеңээ ынак, Сээң айтыышкыннарыңны тооп дыңнап турар улуска энерелдиг Бурган!

Иов 2:10

Иов аңаа: «Сээң чугааң сээдең кадай чугаазы-дыр! Таанда-ла бис Бургандан чүгле эки чүве хүлээп аар, а багай чүве хүлээп албас улус бе?» – деп харыылаан. Ол бүгү болуп турза-даа, Иов бодунуң аксы-сөзү-биле бачыт үүлгетпээн.

Иов 5:17

Бурганның чемелеп турар кижизи амыр-чыргалдыг! Күчүлүг Бурганның эдип-чазаар сургаалын хүлээвейн барба:

Ырлар 11:5

Ол улус: «Аксы-сөзүвүс-биле ажып тиилээр бис, дылдарывыс бисти деткип турда, кым биске дээрги боорул?» – дижип турар.

Ырлар 5:11

Бурганым, олар кем-буруузун чүктээр кылып каг. Боттарының бодалдарындан буурап калзыннар, эмгежок кем-буруузу дээш, оларны хүлээп көрбе – Сеңээ удур үймээн үндүрген улус – олар болгай.

Хосталыышкын 20:6

А Меңээ ынак база Мээң айтыышкыннарымны күүседир улуска муң салгал чедир энерелдиг болур мен.

Чугаалар 17:3

Мөңгүн биле алдын хайылдырар суугуга эстир, а улустуң чүректерин Дээрги-Чаяакчы шенээр.

Исайя 64:4

Сенден өске кандыг-бир бурган аңаа идегеп турар улуска ындыг чүве кылганын эрте шагдан бээр кым-даа дыңнаваан, кым-даа көрбээн.

Захария 13:9

Чоннуң арткан кезиин отче киирер мен; оларны мөңгүн ышкаш эзилдирип, шылгаар мен, алдын ышкаш арыглаар мен. Олар Мээң адымны кыйгырып, Меңээ мөргүүрге, оларга харыылаар мен: „Бо Мээң чонум-дур“ – дээр мен. А олар: „Дээрги-Чаяакчы – бистиң Бурганывыс!“ – дээр».

Матфей 10:22

Хамык улус Мен дээш силерни көрбестей бээр. Ынчалза-даа эчизинге чедир шыдашкан кижи камгалалды алыр.

Матфей 25:34

Хаан ынчан оң талазында турарларга мынча дээр: „Мээң Адамга алгадып-йөрээткеннер, бээр келиңер! Өртемчейни чаяаганындан бээр силерге белеткээн Дээрниң Чагыргазын салгап алыңар.

Лука 6:22

Кижи амытан Оглу дээш улус силерге көөр хөөн чок болуп, силерни дорамчылаар база үндүр-киир сывыртаар, ат-алдарыңарны бужартадыр болза, ынчан амыр-чыргалдыг силер.

Римчилерге 5:4

А шыдамык чоруктан – шылгаттынган аажы-чаң, а шылгаттынган аажы-чаңдан – идегел төрүттүнер.

Римчилерге 8:28

А бис билир бис: Бурганга ынак, Ооң бодалын ёзугаар кыйгырткан улуска шупту чүве ачы-буянныг боорунче угланган боор.

1 Коринфичилерге 2:9

Харын Бижилгеде ол дугайында мынчаар бижээн: «Бурганга ынак улуска Ооң белеткеп каан чүүлүн карак-даа көрбээн, кулак-даа дыңнаваан база кижиниң угааны-даа билип шыдаваан» .

1 Коринфичилерге 8:3

Ынчалза-даа Бурганга ынак кижи Аңаа билдингир апарган-дыр.

1 Коринфичилерге 9:25

Маргылдааларга киржир кижи бүрүзү шыңгыы белеткел эртер. Тиилээни дээш, олар дораан оңа бээр шаңнал алыр, а бис – мөңгеде оңмас шаңналче чүткүүр бис!

Ы. х. к. 13:3

Ынчан ол ошчунуң азы дүшчүнүң сөстерин дыңнаваңар, чүге дээрге Дээрги-Чаяакчы Бурганыңар ону дамчыштыр силерни шенеп, Аңаа бүгү чүлдү-чүрээңерден, бүгү сеткил-сагыжыңардан ынааңарны билип алырын күзеп турар-дыр.

Ы. х. к. 7:9

Дээрги-Чаяакчы Бурганың – Ооң чагыг-керээзин сагыыр база Аңаа ынак, Ооң айтыышкыннарын сагып чоруур улустуң муң дугаар салгалынга чедир энерелин хевээр арттырар Бурган, бүзүрелдиг Бурган дээрзин билип ал.

Ы. х. к. 8:2

Дээрги-Чаяакчы Бурганың сени ам дөртен чыл дургузунда ээн кургаг ховуда эдертип чоруп тур, ол орукту утпа; Ол сени томаартырын күзеп, сени шенеп, сеткил-сагыжыңда чүнү шыгжап чорууруңну – Ооң айтыышкыннарын сагыыр-сагывазыңны билип алыксаан-дыр.

2 Тимофейге 2:15

Бурганның мурнунга шылгаттынган, алыс шынныг медээни улуска хажытпайн дамчыдып турар ажылчын, ыядыр чүвези чок кижи кылдыр көстүп, Ол сени чүүлзүнзүн дээш, бар шааң-биле оралдаш.

2 Тимофейге 4:8

Мени ам актыг-шынныг тиилекчиге бээр шаңнал манап турар, чөптүг Шииткекчи боор Дээрги-Чаяакчы, сөөлгү хүн кээрге, ону меңээ тыпсыр. Ол шаңналды чүгле меңээ эвес, а Ооң ээп кээрин ынакшыл-биле манаан бүгү улуска база тыпсыр.

Еврейлерге 10:32

Алыс шынның чырыын көрүп каан үеңер – биеэги хүннерни сактып келиңер, силер ынчан хилинчекти эң маадырлыы-биле шыдажып эрттиңер.

Еврейлерге 11:17

Аазаашкын алган Авраам, Бурганга шенедип тургаш, эр чаңгыс оглу Исаакты бүзүрели-биле өргүлге салырынга белен турган. Бурган аңаа: «Сээң салгалың Исаакты дамчыштыр уламчылаар-дыр» – деп чугаалаан-даа болза, ол ынчаар кылган.

Еврейлерге 12:5

Сагыжыңар чазай сөглээн бо сөстер силерге, Бурганның ажы-төлүнге, хамаарышкан дээрзин утканыңар ол-дур: «Оглум, Дээрги-Чаяакчының кижизидилгезин хүлээвейн барба , Ооң чемелээшкинин халалыг диве.

Еврейлерге 6:15

Авраам шыдамык манап келгеш, аазаан чүүлдүң эге-бажынга четкен.

Иаков 2:5

Ханы ынак ха-дуңма, дыңнап көрүңер! Бурган бо делегейниң ядыы улузун чүге шилип алганыл? Оларны бүзүрел-биле байыткаш, Аңаа ынак улуска аазааны Чагырганың салгакчылары кылып каар дээш эвес бе?

Иаков 5:11

Шыдажып үнген улусту ам амыр-чыргалдыг деп алгап-йөрээп турар бис. Иовтуң туруштуунуң дугайында дыңнаан, түңнелинде ооң Дээрги-Чаяакчыдан чүнү алганын билир силер. Чүге дээрге Дээрги-Чаяакчы аажок өршээлдиг болгаш кээргээчел болгай.

1 Пётр 3:14

А чөптүг-шынныг чорук дээш хилинчек көрүп-даа турзуңарза, херек кырында амыр-чыргалдыг силер. Олардан шуут коргуп-сүртевеңер.

1 Пётр 4:13

Ооң орнунга Христостуң хилинчээн ам үлежип турарыңар дээш өөрүңер, ынчан Ол ээп келгеш, Бодунуң өндүр чырыын улуска көргүзүп каарга, оон-даа хөй өөрүп-байырлаар силер.

1 Пётр 4:14

Христосту эдергениңер дээш, улуска дора көрдүрер болзуңарза, амыр-чыргалдыг силер, чүге дээрге Бурганның өндүр бедик Сүлдези силерже сиңнигип, кады чурттай бергени ол-дур.

1 Пётр 5:10

Элээн үе иштинде хилинчек көөр-даа болзуңарза, мону сактып чоруңар: элбек авыралдыг Бурган силерни Христос Иисусту дамчыштыр мөңге өндүр бедик байдалды Ооң-биле үлежиринче кыйгырган. Ол силерни катап тургузар база күш болгаш шыдамык чорукту силерге бээр.

1 Пётр 5:4

Дээди Кадарчы чедип кээрге, кажан-даа оңмас чаагай шаңналды алыр силер

1 Иоанн 4:19

Бурган баштай биске ынакшаан боорга, бис ынак-тыр бис.

Ажыдыышкын 2:10

Албан эртер ужурлуг хилинчээңерден кортпаңар. Дыңнаңар, эрлик силерниң чамдыыңарны, күткүүр дээш, кара-бажыңче киир октаптар, аңаа он хонук иштинде хинчектенир силер. Өлгүжеге чедир Меңээ шынчы болуңар, Мен оон силерге шаңнал кылдыр мөңге амыдыралды бээр мен.

Ажыдыышкын 3:19

Ынак улузумну чемелээш, кезедир мен. Ынчангаш чүткүлдүг болуңар база бачыттарыңар миннип, Бурганче эглиңер.

Ажыдыышкын 3:21

Тиилээш, Ачамның дүжүлгезинге Ооң-биле кады орупканым дег, тиилээн кижиге Мээң дүжүлгемге Мээң-биле кады орар эргени бээр мен.