Экклесиаст 2:3 - Ыдыктыг Библия

³ Мага-бодумну арага-биле тааладып шенээр деп бодап алдым. Кижи амытан бо өртемчейде өйлүг назынында чүнү кылза дээре дээрзин билип албаан шаамда, чүрээмни мерген угаанга башкартпышаан, мугулай кижи ышкаш чурттап көөр деп шиитпирледим.

Экклесиаст 2:3 Iomraidhean Croise

Эге дөс 47:9

Иаков фараонга: «Мен 130 чыл ишти көжүп-дүжүп чурттап келдим. Ол дээрге хөй эвес болгаш берге чылдар болду. Мээң өгбелеримниң көжүп-дүжүп чурттап чорааны чылдар-биле оларны деңнээр-даа ужур чок» – деп харыылаан.

Иов 14:14

Өлген кижи дирлип кээр бе? Күш-ажыл албанының бүгү хүннеринде дыштаныр үемни манаар ийик мен.

Ырлар 104:15

«Мээң шилип алган улузумга дегбеңер, Мээң медээчилеримге багай чүве кылбаңар!» – деп турган.

Чугаалар 20:1

Арага биле эзиртир суксун кижини кочуургак болгаш үен-даян кылып каар, оларга алзыпкан кижи угаанныг болбас.

Экклесиаст 1:17

Мерген угаанны-даа, мугулай болгаш тенек угаанны-даа шинчилеп билип алырынче чүрээмни угландырып чорааш, ол бүгү база-ла түңнел чок күжениишкин дээрзин билдим.

Экклесиаст 10:19

Аъш-чем кижини өөртүр, арага чуртталганы хөгледир, бүгү чүвеге акша-мөңгүн дузалаар.

Экклесиаст 12:13

Бүгү чугаа төнген, түңнели бо-дур: Бургандан коргуп, Ооң айтыышкыннарын сагып чор, чүге дээрге кижиге херек-ле чүве ол.

Экклесиаст 2:24

Кижиге аштанып-чемнениринден болгаш бодунуң ажыл-ижинге сагыш ханып, сеткилин өөртүрүнден дээре чүве чок-тур. Ол бүгү база-ла Бурганның холундан кээр-дир дээрзин көрдүм.

Экклесиаст 5:18

Бурган кандыг-бир кижиге бай-байлакты, эт-хөреңгини бергеш, ооң ажыын көөр болгаш ажыл-ижинге өөрүүр арганы база берген болза, ол дээрге Бурган хайыразы-дыр.

Экклесиаст 6:12

Кижиниң хөлеге дег чурттап эртип турар, хоозун куруг чүүл долган чуртталгазының өйлүг назынында аңаа чүү чүве эки дээрзин кым билир боор? База кижиге ооң соонда чырык черге чүү болурун кым чугаалаар боор?

Экклесиаст 7:18

Бир эвес бирээзинден туттунгаш, өскезинден база холуң ыратпас болзуңза, ол эки; Бургандан коргар кижи оларның кайызынче-даа чайлы бербес.

Экклесиаст 7:25

Мерген угаанны илередип тып, бодамчалыг чорукту шинчилеп билип аарынче, угаан-билиг чок мугулай болгаш бузуттуг чорукту угаап билип аарынче чүрээмни угландырдым.

Экклесиаст 8:15

Ынчангаш өөрүшкүлүг хөглээшкинни экизиндим; чүге дээрге кижи амытанга чырык черге аштанып-чемненип, хөглээринден дээре чүве чок-тур, ол бүгү кижини эдерип, Бурганның аңаа чырык черге чурттаар кылдыр берген назынында кылып чоруур ажыл-ижи-биле кады чоруур-дур.

Матфей 6:24

Кым-даа ийи дээргиге хары угда бараан бооп шыдавас: чок-ла болза бирээзин көрбес, а өскезинге ынак боор азы бирээзинге кызып бараан болгаш, өскезин тоовас боор. Силер база Бурганга болгаш акша-мөңгүнге хары угда бараан болуп шыдавас силер.

Эфесчилерге 5:18

Араганы эзиртир ишпеңер, оон чүгле үрелир силер. Ооң орнунга Сүлдеге бүргеттириңер.

Баштыңчылар 9:13

Виноград сывы оларга база-ла: „А мээң хандым, бурганнарны-даа, кижилерни-даа хөгледир хандым? Өске ыяштарның кырынга тергиидеп аар-ла дээш, бодумнуң хандымны моон соңгаар бербес мен бе?“ – деп харыылаан.

1 Хааннар 25:36

Авигея Навалга чедип кээрге, ол бажыңында хаанныы дег улуг дой кылып турар болган. Ол хөглүг болгаш аажок эзирик болган. Авигея аңаа эртенге чедир чүнү-даа чугаалаваан.