Экклесиаст 1:3 - Ыдыктыг Библия

³ Чырык черге кылып чораан бүгү-ле ажыл-ижинден кижи кандыг ажык-дүжүк алырыл че?

Экклесиаст 1:3 Iomraidhean Croise

Экклесиаст 2:11

Оон холдарымның кылып кааны бүгү-ле ажыл-херектерни болгаш иженип чорааным бүгү-ле ажыл-ижимни катап эргий көрдүм: ол бүгү хоозун куруг чүүл болгаш түңнел чок күжениишкин-дир, чырык черге ол бүгүден кандыг-даа ажык-дүжүк чок-тур.

Экклесиаст 2:18

Чырык черге иженип чорааным бүгү-ле ажыл-ижимни көөр хөңнүм чок апарган, чүге дээрге ооң дүжүдүн мээң соомда келген кижиге арттырып каар ужурлуг-дур мен.

Экклесиаст 2:19

А ол кижи угаанныг болур бе азы мугулай болур бе? – ону кым билир боор. Мээң чырык черге иженип чорааш, бодумнуң мерген угаанга башкарткаш, кылган ажыл-ижимниң дүжүдүнүң ээзи ол кижи апаар-дыр. Ол база хоозун куруг чүүл-дүр.

Экклесиаст 2:22

Чырык черге иженип чоруур бүгү-ле ажыл-ижинден болгаш сагыш-чүрээниң човаашкынындан кижи бодунга чүнү арттырып алырыл?

Экклесиаст 3:9

Ынчангаш иженип чоруур кижи кылган чүүлүнден кандыг ажык-дүжүк алырыл че?

Экклесиаст 4:3

А оларның кайызындан-даа дээре салым-хуу – ам-даа төрүттүнмээн, чырык черде дойлуп турар каржы-дошкун херектерни көрбээн кижиде боор чүве-дир.

Экклесиаст 4:7

Эргий көргеш, чырык черде оон-даа өске хоозун куруг чүүлдү көрдүм.

Экклесиаст 5:16

А ол кижи бүгү назынында караңгыда чемненип, кылыктанып, хомудап, анчыгзынып база аарып чоруур.

Экклесиаст 5:18

Бурган кандыг-бир кижиге бай-байлакты, эт-хөреңгини бергеш, ооң ажыын көөр болгаш ажыл-ижинге өөрүүр арганы база берген болза, ол дээрге Бурган хайыразы-дыр.

Экклесиаст 6:12

Кижиниң хөлеге дег чурттап эртип турар, хоозун куруг чүүл долган чуртталгазының өйлүг назынында аңаа чүү чүве эки дээрзин кым билир боор? База кижиге ооң соонда чырык черге чүү болурун кым чугаалаар боор?

Экклесиаст 7:11

Чырык хүннү көрүп чоруурларга мерген угаан биле өнчү-хөреңги кады бар болза, эки; кайызы-даа ажык-дүжүктүг.

Экклесиаст 9:13

Оон аңгыда чырык черде мындыг мерген угаанны көрдүм, база ону улуг деп санадым.

Экклесиаст 9:3

Чырык черде дойлуп турар бүгү чүүлдерниң багай талазы – шупту улустуң үүле-хуузу бир дөмей болганы-дыр! Ынчангаш дириг чорда, кижи амытанның чүрээн каржы сеткил болгаш мугулай чорук долуп чоруур-дур; а ооң соонда өлүглерже чоруй баар-дыр.

Экклесиаст 9:6

оларның ынакшылы-даа, көөр хөөн чогу-даа, хүннээшкини-даа шагда-ла читкен, база чырык черде дойлуп турар бүгү ажыл-херектерге мөңге шагда киржилге чок апарганнар.

Исайя 55:2

Аъш-чем боор харык чок чүве дээш чүге акша-мөңгүн төлеп турар силер? Кижи тоттурбас чүве дээш чүге күш-ажылыңар төлевирин берип турар силер? Мени топтап дыңнаңар, ынчан эки аъш-чем чиир силер, чаагай чемге сеткилиңер ханар.

Аввакум 2:13

Чоннарның ажыл-ижин от чиир деп, аймактар хей черге хинчектенип ажылдаар деп Аг-шериглиг Дээрги-Чаяакчы тодарадып кагбаан чүве бе?

Аввакум 2:18

Үнү чок дүрзүлер кылып турар шуткукчу кижи оозунга идегээр-даа болза, ол уран-шевер кижиниң кылып кааны дүрзү-бурган – шуткуп каан меге башкы ол шевер кижиге кандыг ачы-дуза көргүзерил?

Матфей 16:26

Бүгү делегейни холунга киирип-даа алгаш, амы-тынын оскунар болза, ооң ол кижиге ажыы чүл? Амы-тынын дедир эгидер дээш, ол кижи чүнүң-биле төлээрил?

Иоанн 6:27

Эстип-хайлы бээр аъш-чем дээш сагышсыравайн, мөңге амыдыралды берип шыдаар аъш-чем алыр дээш, кызып-кылайыңар. Ол чемни силерге Кижи амытан Оглу бээр, чүге дээрге Бурган Ада Боду Аңаа таарзынып, Ону демдектээн-дир».

1 Коринфичилерге 16:16

шак ындыг улусту, а ол ышкаш олар-биле кады ажылдап, дуза кадып турар бүгү улусту тооп дыңнап, хүндүлеп чоруңар.