Даниил 9:4 - Ыдыктыг Библия

⁴ Мен Бурганым Дээрги-Чаяакчыга чаннып, ажыы-биле чонумнуң бачыттарын миннип, чугааладым: «Дээрги, өндүр улуг болгаш сүртенчиг Бурганым! Сеңээ ынак болгаш Сээң айтыышкыннарың сагып чоруур улус-биле Сен Бодуңнуң керээңни сагып чоруур болгай сен.

Даниил 9:4 Iomraidhean Croise

3 Хааннар 8:23

«Израильдиң Бурганы Дээрги-Чаяакчы! Бедик дээрде-даа, чырык черде-даа Сеңээ дөмей Бурган чок. Бүгү чүлдү-чүрээ-биле Сээң оруктарыңны эдерип турар чалчаларыңга энерелиң көргүзүп, чагыг-керээңни сагып турар-дыр сен.

2 Чылдар 7:14

Бир эвес Мээң адым-биле адаттынып турар Мээң чонум томаарый бергеш, мөргүп, Менче чүткүп эгелээр болза, бузуттуг-бак оруктарындан өскээр чайлай бээр болза, Мен дээрден дыңнап кааш, ооң бачыттарын өршээр мен база ооң черин экиртип каар мен.

Эзра 10:1

Эзра мөргүп, ол бачытты ажыы-биле миннип, ыглап-сыктап, Бурганның өргээзиниң мурнунга доңгая кээп дүжүп турда, ону долгандыр мөөң израильчилер: эр, херээжен улус болгаш ажы-төл чыглып келген. Ол улус база ажыг-шүжүглүг ыглап турган.

Неемия 1:5

Мен мынча деп мөргүп турдум: «О, дээрде саадаан Дээрги-Бурган-Чаяакчы! Өндүр улуг, сүртенчиг, чагыг-керээзинге шынчы Бурган, Сеңээ ынак, Сээң айтыышкыннарыңны тооп дыңнап турар улуска энерелдиг Бурган!

Неемия 9:32

Бистиң Бурганывыс – өндүр улуг, күчүлүг, сүртенчиг, чагыг-керээни үревес, кезээде энерелдиг Бурган! Бистиң ада-өгбевисти, хааннарывысты, нояннарывысты, Бурганның бараалгакчыларын, медээчилерин – бүгү чонувусту тавараан шупту түрегдел-хилинчек Сээң мурнуңга бичии бооп көзүлбезин. Ол бергедээшкиннер ассирий хааннарның үезинден эгелээш, амгы үеге чедир болуп келди.

Ырлар 32:5

Ол чөптүг чорук биле шын шииткелге ынак; Ооң энерели чер-делегейни бүргей алган.

Хосталыышкын 20:6

А Меңээ ынак база Мээң айтыышкыннарымны күүседир улуска муң салгал чедир энерелдиг болур мен.

Иеремия 3:13

Чүгле бодуңнуң кем-бурууңну билин: Дээрги-Чаяакчы Бурганыңга удур бачыт үүлгедип, таварышкан-на хөлегелиг салбагар ыяш адаанга өске бурганнарга хандыкшып шаг болдуң, Мээң сөзүмнү тооп дыңнавайн турдуң». Дээрги-Чаяакчының медеглээн чүвези ол-дур.

Иеремия 32:23

Олар чедип келгеш, ол черни ээлеп алган. Ынчалза-даа Сээң сөзүңнү тооп дыңнавайн барганнар, Сээң дүрүм-хоойлуң ёзугаар чурттавайн турганнар. Оларга кылзын деп айыткан чүвеңни кылбайн барганнар. Ол бүгү дээш, Сен оларже бо бүгү айыыл-халапты ыткан сен!

Даниил 6:10

Ынчалза-даа Даниил, ындыг чарлык үнгенин билип тура-ла, бажыңынга чанып келгеш, үстүкү өрээлиниң Иерусалимче көрүнген соңгазының мурнунга, биеэде дег, дискек кырынга олуруп алгаш, хүнде үш катап тейлеп, бодунуң Бурганын алдаржыдып мөргүп турган.

Даниил 9:3

Мен ынчан Дээрги-Бурганга мөргүп, чаннып, качыгдал хевин кедип, хүл чаштынып алгаш, шээрленип эгеледим.

Лука 1:72

Бистиң ада-өгбевиске энерелдиг боорун база Бодунуң ыдыктыг чагыг-керээзин утпайн сактып чоруурун Ол аазаан.

Римчилерге 8:28

А бис билир бис: Бурганга ынак, Ооң бодалын ёзугаар кыйгырткан улуска шупту чүве ачы-буянныг боорунче угланган боор.

Ы. х. к. 5:10

А Меңээ ынак база Мээң айтыышкыннарымны күүседир улуска муң салгал чедир энерелдиг болур мен.

Ы. х. к. 7:12

«Бир эвес шак ол дүрүмнерни тооп дыңнаар, сагыыр база күүседир болзуңза, Дээрги-Чаяакчы Бурганың, ада-өгбеңге даңгыраглаанын ёзугаар, Бодунуң чагыг-керээзин болгаш энерелдиин хевээр арттырар.

Ы. х. к. 7:21

Ол чоннардан сүртеве, Дээрги-Чаяакчы Бурганың – сээң чонуңнуң аразында турар өндүр улуг болгаш сүртенчиг Бурган болгай.

Ы. х. к. 7:9

Дээрги-Чаяакчы Бурганың – Ооң чагыг-керээзин сагыыр база Аңаа ынак, Ооң айтыышкыннарын сагып чоруур улустуң муң дугаар салгалынга чедир энерелин хевээр арттырар Бурган, бүзүрелдиг Бурган дээрзин билип ал.

Иаков 1:12

Шенелделерни шыдажып эртип турар кижи амыр-чыргалдыг, чүге дээрге оларны шыдажып эрткеш, Бурганга ынак улуска Ооң аазааны шаңналды – мөңге амыдыралды алыр.

Иаков 2:5

Ханы ынак ха-дуңма, дыңнап көрүңер! Бурган бо делегейниң ядыы улузун чүге шилип алганыл? Оларны бүзүрел-биле байыткаш, Аңаа ынак улуска аазааны Чагырганың салгакчылары кылып каар дээш эвес бе?