Даниил 9:27 - Ыдыктыг Библия

²⁷ Ол чагырыкчы дыка хөй улус-биле чеди чылдың керээзин чарып аар. Ол үениң чартыындан өргүлдерни соксадып каар, а ооң орнунга хоозуралдың бужар чудун тургузар – хоозурадыкчыны баш бурунгаар доктааттынган яла таварааже, ындыг болур».

Даниил 9:27 Iomraidhean Croise

Исайя 28:15

Силер: «Өлүм-биле керээ чарып алган бис, өлүглер ораны-биле дугуржулга кылып алган бис. Коргунчуг үер хөме келгеш, чанывыс-биле эрте бээр; меге бистиң хоргадалывыс апарган, авыяас чүүл – чаштынар черивис» – деп турар-дыр силер.

Исайя 28:22

Ынчангаш бак чүве чугаалап, кочу-шоот кылырын соксадыңар, оон башка кинчи-бегиңер оон-даа быжыг апаар! Бүгү черге узуткаашкын болурун тодарадатканын Аг-шериглиг Дээрги-Бурган-Чаяакчыдан дыңнаан мен.

Исайя 42:6

«Мен, Дээрги-Чаяакчы, чөптүг-шынныг чорук боттандырар дээш чалчам сени кыйгырган мен, сени холуңдан чедип аар мен, кадагалаар мен. Сени дамчыштыр улус-чон-биле керээ чарар мен база бүгү чоннарга чырык эккээр мен.

Исайя 53:11

Ол сагыш-сеткили шагзырадыр ажылдаан соонда, чырыкты көрүп каар, билип алган чүвези дээш сеткили ханар. «Мээң чөптүг-шынныг чалчам хөй улусту агартып, оларның бачыттарын боду чүктээр.

Исайя 55:3

Кулааңар ээктирип, Меңээ чедип келиңер, амы-тынныг артар дээш дыңнаңар. Мен силер-биле мөңге чагыг-керээ чарар мен, Давид хаанга аазаан Мээң ынаныштыг энерелимни силерге хайырлаар мен.

Иеремия 7:30

Иудеяның чону Мээң мурнумга бузут үүлгедип тур – деп, Дээрги-Чаяакчы медеглээн. – Олар чүдек-бужар чүүлдерин Мээң адымга тураскааткан өргээде тургузуп алган-дыр, ол өргээ ам бужартаан-дыр.

Даниил 11:31

Хаанның аг-шерии чедип келгеш, ыдыктыг өргээ-шивээни бужартадып, хүннүң-не салыр өргүлдү болдурбайн, хоозуралдың бужар чудун тургузуп каар.

Даниил 11:36

Соңгу хаан чүнү күзей-дир, ону кылыр. Ол менээргенгеш, бодун бүгү бурганнардан улуг мен деп бодап, бурганнарның Бурганынга удур коргунчуг чүвелер чугаалап турар апаар. Килеңниң хүннери дүшкүжеге дээр, ол хаан тергиидеп кээр. Чүге дээрге доктааттынган, чайлып болбас болуушкуннар албан бүдер ужурлуг.

Даниил 12:11

Хүннүң-не салыр өргүлдерни болдурбайн барганындан база хоозуралдың бужар чудун тургусканындан бээр 1290 хүн эртер.

Даниил 7:25

Ол Дээди Өрүкү Бурганга удур чугаалар кылып, Ооң ыдыктыг чонун кызып-кыйып, байырлалдарын болгаш дүрүмнерин өскертип каарын бодаар. Ыдыктыг чон ооң холунче кирер – бир чыл, ийи чыл база чартык чыл иштинде.

Даниил 8:13

Ынчан мону дыңнадым. Дээрниң бир ыдыктыг төлээзи өскезинден айтырып турган: «Бо көстүүшкүннүң болуушкуннары кайы хире үргүлчүлээр ирги? Кажанга дээр хүннүң-не салыр өргүлдер турбазыл, бузут-бак чорук хоозуралга чедирерил, ыдыктыг өргээ болгаш аг-шериг таптаттырарыл?»

Осия 3:4

Шак ынчаар израиль чон үр үеде хааны чок, нояны чок, өргүлү чок, даш көжээзи чок, эфоду чок, дүрзү-бурганы чок артар-дыр.

Саннар 7:62

айдызаар чүүлдер-биле долдуруп каан, 10 шекел деңзилиг бир алдын дагыл;

Матфей 24:15

«Ол дугайында Даниил медээчиниң чугаалааны, ыдыктыг черде турар хоозуралдың бужар чудун көрүп кагзыңарза (номчуп орар кижи шын угаазын!),

Матфей 26:28

бо дээрге хөй улустуң бачыттарын өршээри-биле төгерим, чагыг-керээ чарар Мээң ханым-дыр.

Матфей 27:51

Ол өйде Бурганның өргээзинде аскан көжеге үстүнден адаанга чедир ийи чара орлу берген. Чер сириңейнип, хая-даштар буступ калган.

Марк 13:14

«Кажан бодунуң турбас ужурлуг черинде турар хоозуралдың бужар чудун көрүп кагзыңарза (номчуп орар кижи шын угаазын!), ынчан Иудеяда чурттаан улус дагларже дезипсин.

Лука 21:20

«Иерусалимни аг-шериг бүзээлеп алган турарын көрүп кагзыңарза, ооң буурап дүжери удавас дээрзин билип алыңар.

Лука 21:24

Улустуң чамдыызы хылыштың чидиг бажындан калыр, а чамдыызын өске чоннарже тудуп алгаш баар. Өске чоннар улузунуң тергиидээр үези төнгүжеге чедир, олар Иерусалимни таптай базып кээр».

Римчилерге 11:26

Бүгү Израиль ынчан камгалал алыр. Ол дугайында Бижилгеде мынчаар бижээн: «Камгалакчы Сиондан чедип келгеш, Иаковтуң салгалының кем-буруузун адырып кааптар.

Римчилерге 5:15

Ынчалза-даа Адамның кемниг херээн Бурганның ачы-буянныг белээ-биле деңнеп болбас: чаңгыс кижиниң кемниг херээ дээш, хөй улус өлген. А чаңгыс Кижиниң – Иисус Христостуң авыралын дамчыштыр Бурганның хөй улуска хайырлаан авыралдыг белээ эгээртинмес элбек болган.

Римчилерге 5:19

Шак ынчаар чаңгыс кижиниң Бурганның сөзүн дыңнавааны хөй улусту бачыттыг кылып каанда, чаңгыс Кижиниң дыңнангырын дамчыштыр хөй улус агартырар.

Еврейлерге 9:28

Шак ынчаар Христос база хөй улустуң бачыттарын чүктээри-биле Бодун чаңгыс катап өргүлге салган. Ол ооң соонда бачыт-биле харылзаа чокка, Ону манап турар улусту камгалаар дээш, катап база чедип кээр.