Даниил 9:24 - Ыдыктыг Библия

²⁴ Сээң чонуңга болгаш ыдыктыг хоорайыңга чеден катап чеди чыл доктааттынган. Ол хуусаа иштинде бужар-бак чорук доостур, бачыттың төнчүзү кээр, чонну кем-буруузундан арыглап каар, мөңге чөптүг-шынныг чорук тыптыр, өттүр билген медеглелдер болгаш көстүүшкүннер бүдер база Эң ыдыктыг черни үс-биле чаап, чаартып каар.

Даниил 9:24 Iomraidhean Croise

2 Чылдар 29:24

Бурганның бараалгакчылары хуналарны дөгергеш, бүгү израиль чоннуң бачыттарын арыглаар кылдыр, оларның ханы-биле өргүл бедигээжин арыглап каан, чүге дээрге хаан бүрүн өрттедир өргүл биле бачыт дээш өргүлдү бүгү Израиль дээш кылырын дужааган турган.

Ырлар 2:6

«Бодумнуң шилип алган хаанымны ыдыктыг Сион даамда дүжүлгеге олуртуп каан мен».

Ырлар 45:7

Чоннар коргуп шимээргеп тур, күрүнелер тендиңейнип тур; Бурган алгырарга, чер кыры эстип каар.

Исайя 42:4

Черге шын шииткелди үндүрбээн шаанда, ол сыйылбас, өшпес; ырак ортулуктар ооң чагыг-суртаалын манап турар».

Исайя 51:6

Дээрже көрүжүңер көдүрүңер, ооң адаанда чаттылган черже көрүңер; дээрлер ыш дег эстип тарай бээр, а чер хеп дег элей бээр, ооң чурттакчылары хүлчүктер дег кырлып каар. А Мээң чоруткан камгалалым кезээ мөңгеде турар, Мээң хайырлаан агартыышкыным чиде бербес.

Исайя 51:8

Ол улус үзүт-ховаганга чирткен хеп ышкаш апаар; курт чипкен дүк дег, олар чиде бээр. А Мээң хайырлаан агартыышкыным кезээ мөңгеде артар, Мээң чоруткан камгалалым салгалдан салгалче дамчыыр».

Исайя 56:1

Дээрги-Чаяакчы: «Чөптүг болуңар, шынныг чүведен кылыңар! Мээң камгалалым удавайн чедип кээр, Мээң чорутканым агартыышкын удавайн ажыттынар.

Исайя 61:1

Дээрги-Бурган-Чаяакчының Сүлдези мени бүргээн-дир – Ол мени түрегдээннерге буянныг медээни дыңнатсын дээш шилип чаап каан! Ол мени сеткил-чүрээ муңгараан улусту экиртсин дээш, туттурганнарга хосталганы, хоругдаттырганнарга адырлып хосталырын чарлазын дээш;

Ыы-сыы 4:22

Сион-кыс, кеземчеңниң төнчүзү кээр – сени Ол ам удавайн хостап салыр! А сени, Эдом-кыс, кем-бурууң дээш кезеткештиң, бачыттарың ажыдыптар.

Иезекиил 28:12

«Кижи амытан, Тирниң хааны дээш кажыыдал ырын ырлап, Дээрги-Бурган-Чаяакчының чугаалаан чүвезин аңаа дамчыт: Сен – болбаазыраңгай чоруктуң дээди демдээ сен, кедергей мерген угаанныг сен, тулган чараш-каас сен.

Иезекиил 4:5

Мен сеңээ, олар чеже чыл дургузунда кем-буруулуг херектер үүлгеткенил, бир чыл дээш бир хүннү доктаадып каан мен: израиль чоннуң кем-буруузун 390 хүн дургузунда чүктээр сен.

Иезекиил 4:6

Ону күүсеткениң соонда, ам оң талаңче ийлендир чыдып алгаш, Иудеяның чонунуң кем-буруузун дөртен хүн дургузунда чүктээр сен, бир чыл дээш-ле, бир хүн хуусааны сеңээ доктаадып каан мен.

Левит 25:8

«Чеди катап чеди чылды санап алыңар, ынчан силерге чеди амыр-дыш чылын киириштир дөртен тос чыл хуусаалыг үе санаттынып кээр.

Левит 8:15

Моисей ынчан бугажыкты дөгергеш, ханын дозуп алгаш, салаазын ханче суккаш, өргүл бедигээжин арыглап, ооң мыйыстарын бүгү талаларындан чаап каан, а арткан ханның шуптузун өргүл бедигээжиниң дөжээнче төпкеш, ону арыглаары-биле ыдыктап каан.

Захария 4:14

Ынчан ол: «Бо ыяштар дээрге бүгү чер-делегейниң Чагырыкчызынга бараан болуп турар, олива үзү-биле шилип чаап каан ийи кижи-дир» – диди.

Саннар 14:34

Бо черни шинчип көрүп турганыңар дөртен хүннүң саны-биле бачыттарыңар дээш дөртен чыл дургузунда – бир хүн дээш-ле, бир чыл – кеземче көөр силер, Мээң силерге удур болу бергеним деп чүл ол дээрзин ынчан билип аар силер.

Матфей 1:21

Мария оол уруг божуп алыр, а сен Ону Иисус деп адап аар сен, чүге дээрге Ол Бодунуң чонун бачыттарындан камгалаар-дыр».

Матфей 11:13

Бурганның хамык медээчилери болгаш ыдыктыг хоойлу Иоанның кээр мурнунда ол бүгүнүң дугайында өттүр билип медеглеп турганнар.

Матфей 4:5

Эрлик ынчан Ону ыдыктыг хоорай Иерусалимче аппаргаш, Бурганның өргээзиниң кырының эриинге тургускаш, мынча дээн:

Марк 1:24

«Назарет чурттуг Иисус, Силерге бистен чүү херегил? Силер бисти узуткаар дээш келдиңер бе? Силерни кымыл дээрзин билир мен, Силер – Бурганның Ыдыктыг Төлээлекчизи-дир силер!»

Лука 1:35

Дээрниң төлээзи аңаа мынча деп харыылаан: «Ыдыктыг Сүлде сенче бадып кээр, Дээди Өрүкүнүң күжү сени бүргей аптар. Ынчангаш божуп аарың Ыдыктыг Чаш төл Бурганның Оглу деп адаттырар.

Лука 21:22

Чүге дээрге Бижилгеде бижиттинген бүгү чүвениң боттаныр ужурлуу кеземче үезиниң келгени ол-дур.

Иоанн 1:41

Андрей ол дораан бодунуң акызы Симонну тып алгаш, аңаа мынча дээн: «Бис Мессияны (Бурганның шилээн Христозун дээни ол) тып алдывыс».

Иоанн 3:34

Бурганның айбылап чоруткан Кижизи Бурганның сөстерин чугаалаар, чүге дээрге Бурган Аңаа Сүлдени хемчээл чогу-биле берип турар.

Ажыл-чорудулга 3:14

Ыдыктыг, чөптүг-шынныг Кижиден ойталааш, өлүрүкчүнү силерге хостап бээрин дилээн силер.

Ажыл-чорудулга 3:22

Моисей мынча дээн болгай: „Бурганыңар Дээрги-Чаяакчы бодуңарның-на ха-дуңмаңар аразындан үнген мен ышкаш Медээчини силерге чорудуп бээр. Ол силерге чүнү-даа чугаалаар болза, тооп дыңнаар ужурлуг силер.

Ажыл-чорудулга 4:26

Чер-делегейниң хааннары тура халчып, чагырыкчылар демнежип, Дээрги-Чаяакчыга база Ооң шилип алганы Христоска удур тулчуп үнер деп барган-дыр“ .

Римчилерге 5:10

Дайзыннар бооп турган үевисте безин Ооң Оглунуң өлүмүн дамчыштыр Бурган-биле эптежип алган болганывыста, ам, эптешкен соовуста, Ооң Оглунуң амыдыралын дамчыштыр камгалалды ылап алыр бис.

1 Коринфичилерге 1:30

Бурганның ачызында силер ам Христос Иисуска башкарты берген силер. Бурганның мерген угааны биске Ону дамчыштыр боттанган. А ол мерген угаан бисти актыг болгаш ыдыктыг кылып кааш, бачыттардан хостаан.

Филипчилерге 3:9

чүгле Ооң-биле бүрүн катчып алыйн! Ыдыктыг хоойлуну дамчып кээр агартыышкынны эвес, а Христоска бүзүрээринден дөстелир, бүзүрел дамчыштыр Бургандан кээр агартыышкынны чедип алыйн!

Колосчуларга 1:20

Бурган Христосту дамчыштыр бүгү чүүлдерни Боду-биле эптештирип алырын күзээн. Ооң белдир-ыяшка төккен ханын дамчыштыр Бурган дээрде-даа, черде-даа бар бүгү чүүлдер-биле эл-хол бооп, эптежип алган.

Колосчуларга 2:14

Ол ыдыктыг хоойлунуң биске удур бижээн айтыгларының даңзызын – өрелеривистиң даңзызын балап каапкаш, ону белдир-ыяшка чыпшыр кадап, күш чок болдурду.

Еврейлерге 10:14

Ынчангаш Ол ыдыктыг апарып турар кижилерни чаңгыс өргүл-биле кажан кезээде болбаазыраңгай улус кылып каан.

Еврейлерге 2:17

Ынчангаш улус-чоннуң бачыттарын чайладыры-биле Бурганның мурнунга өршээлдиг болгаш шынчы дээди бараалгакчы боор дээш, Иисус бүгү чүүлдерге Бодунуң ха-дуңмазынга дөмей апаар ужурлуг турган.

Еврейлерге 7:26

Биске чогум-на шак ындыг дээди бараалгакчы херек. Ол – ыдыктыг, кем-буруу чок, бузутка борашпаан, бачыттыглар санынче кирбээн база дээрлерден-даа өрү көдүрлү берген.

Еврейлерге 9:26

Ындыг турган болза, Ол өртемчейни чаяаганындан бээр хөй удаа хилинчек көөр ужурлуг тургай эртик. А Ол ам Бодунуң өргүлү-биле бачытты чок кылыр дээш, бо делегейниң төнчүзү чоокшулап орар үеде чаңгыс катап чедип келген-дир.

2 Пётр 1:1

Иисус Христостуң чалчазы болгаш элчини Симон Пётрдан байыр. Бурганывыс болгаш Камгалакчывыс Иисус Христостуң чөптүг-шынныг чоруунуң ачызында үнелиг бүзүрелди бис ышкаш алган бүгү улуска бижидим.

1 Иоанн 3:8

Бачыт кылырын уламчылап чоруур кижи эрликке хамааржыр, чүге дээрге эрлик эң эгезинден-не бачыт үүлгедип келген. А Бурганның Оглу эрликтиң ажыл-херээн дазылындан тура тыртар дээш чедип келген.

Ажыдыышкын 14:6

Мен оон Бурганның шаары дээрде ужуп чоруур база бир төлээзин көрүп кагдым. Ол төлээ чер кырында чурттаан бүгү улуска: янзы-бүрү дылдарлыг сөөк-язы, аймак-чон бүгүдезинге медеглээр дээни мөңге Буянныг Медээлиг болду.

Ажыдыышкын 3:7

«Филадельфияда христиан ниитилелдиң төлээзинге бижи: Давид хаанның дүлгүүрүн эдилээн ыдыктыг болгаш шынныг Ээниң медеглээн сөстери бо-дур. Эжикти ол ажыдыпса, кым-даа ону хаап шыдавас, а хаапса, кым-даа ону ажыдып шыдавас.