Даниил 9:20 - Ыдыктыг Библия

²⁰ Мен бодумнуң болгаш израиль чонумнуң хай-бачыдын миннип, Бурганым Дээрги-Чаяакчыга ынчалдыр чаннып турдум, Бурганымның ыдыктыг даа дээш дилеп турдум.

Даниил 9:20 Iomraidhean Croise

Эзра 10:1

Эзра мөргүп, ол бачытты ажыы-биле миннип, ыглап-сыктап, Бурганның өргээзиниң мурнунга доңгая кээп дүжүп турда, ону долгандыр мөөң израильчилер: эр, херээжен улус болгаш ажы-төл чыглып келген. Ол улус база ажыг-шүжүглүг ыглап турган.

Неемия 1:6

Сээң кулааң кичээнгейлиг болуп, карааң ажык болуп, чалчаларың болур израиль чон дээш дүне-хүндүс Сээң мурнуңда мөргүп турар чалчаң мээң мөргүлүмнү дыңнап көрем. Мен израильчилерниң Сеңээ удур үүлгеткен бачыттарын, ооң иштинде бодумнуң болгаш төрел бөлүүмнүң үүлгеткен бачыттарын миннип чугаалаайн.

Ырлар 32:5

Ол чөптүг чорук биле шын шииткелге ынак; Ооң энерели чер-делегейни бүргей алган.

Экклесиаст 7:20

Бачыт кылбайн, чүгле буян кылып чоруур чөптүг-шынныг кижи чер кырында чок.

Исайя 56:7

Мен оларны Бодумнуң ыдыктыг даамче эккеп, Менче ыткан мөргүлдер өргээзинге оларга өөрүшкүнү хайырлаар мен. Меңээ өргүл салыр бедигээшке оларның бүрүн өрттедир болгаш өске-даа өргүлдери Меңээ таарымчалыг болур. Мээң өргээм бүгү чоннарның мөргүл өргээзи деп адаттырар».

Исайя 58:9

Ынчаар кылыр болзуңза, сен Дээрги-Чаяакчыны кыйгырарыңга, Ол харыылаар, дуза дилеп кыйгы салырыңга, „Мында мен!“ деп харыылаар. Бодуңда бар кандыг-даа дөңгүнү узуткап кааптар болзуңза, салааң-биле айтырын база нүгүлдээрин соксадыр болзуңза,

Исайя 6:5

«Ат болдум! – дидим. – Арыг эвес аас-сөстүг боорда, арыг эвес аас-сөстүг чон аразында чурттап турар кижи-дир мен. А ам Хаанны, Аг-шериглиг Дээрги-Чаяакчыны караам-биле көрдүм! Өлдүм-не!»

Исайя 65:24

Олар Мени кыйгырар мурнунда-ла, Мен харыылаар мен; олар чугаазын төндүрбээнде-ле, Мен дыңнап кааптар мен.

Даниил 10:12

Ол меңээ мынча диди: «Кортпа, Даниил! Бурганың мурнунга бодуңну томаартып, билигже чүткүп эгелээн бирги хүнүңден эгелээш-ле, сээң сөстериңни Бурган дыңнап каан. Сээң мөргүлүң ёзугаар мен сеңээ чедип келдим.

Даниил 10:2

Ол үеде мен, Даниил, үш неделя дургузунда качыгдалга турган мен:

Даниил 11:45

Ол бодунуң хаан майгыннарын далай биле ыдыктыг Каас дагның аразынга тип алыр. Ынчалза-даа ооң төнчүзү кээр, аңаа кым-даа дузалавас».

Даниил 9:16

Дээргим! Сээң кезээде чөптүүң ёзугаар, Бодуңнуң кыптыккан килеңиңни ыдыктыг дааңда турар Иерусалим хоорайыңдан чавырып ап көр. Бистиң бачыдывыс хараазындан база бистиң өгбелеривистиң буруузу-биле Иерусалим болгаш Сээң чонуң чоок-кавының чоннарынга куду көрдүрткен.

Захария 8:3

Дээрги-Чаяакчының чугаалаан чүвези бо-дур: «Мен Сион дагже ээп келгеш, Иерусалимге чурттаар мен. Иерусалим хоорай шынчы хоорай деп, Аг-шериглиг Дээрги-Чаяакчының даа – ыдыктыг даг деп адаттырар».

Ажыл-чорудулга 4:31

Бүзүрээн улус мөргүп доозуптары билек, оларның чыылган чери сириңейни берген, а олар шупту Ыдыктыг Сүлдеге бүргеттиргеш, Бурганның медээзин дидими-биле медеглей бергеннер.

Римчилерге 3:23

олар шупту бачыт үүлгеткеш, Бурганның чайынналчак чырыындан ырадыр шөлүттүрүпкеннер болгай.

Иаков 3:2

Чүге дээрге бис шупту хөй бачытты үүлгедип чоруур бис. Аксы-биле бачыт үүлгетпес кижи болбаазыраңгай деп санаттырар, ындыг кижи бүгү мага-бодун тудуп билири ол.

Ажыдыышкын 21:10

Сүлде мени башкара берген болгаш, дээрниң төлээзи мени кадыр бедик дагның бажынче аппарды. Ол меңээ дээрде Бургандан дүжүп орар ыдыктыг хоорай Иерусалимни көргүстү.

Ажыдыышкын 21:2

Мен ыдыктыг хоорайны, чаа Иерусалимни, база көрүп кагдым. Ол дээрде Бургандан дүжүп орду база душтуу оолга бээри-биле белеткээн душтук кыс дег шиметтинген болду.