Даниил 9:18 - Ыдыктыг Библия

¹⁸ Дилээмче кичээнгейден салып көр, мээң Бурганым! Көрүжүңнү бисче угландырып, Сээң ат-алдарыңга тураскааткан хоорай канчаар хоозураанын көр! Бис бодувустуң шынныывыска идегээш эвес, а Сээң өндүр улуг кээргелиңге идегээш, Сенден чаннып дилеп тур бис.

Даниил 9:18 Iomraidhean Croise

3 Хааннар 8:29

Сээң карааң дүне-хүндүс бо өргээже, аңаа хамаарыштыр: „Мээң ат-алдарым маңаа турар“ – дээн чериңче шимдинмейн көрзүн. Бодуңнуң чалчаңның бо черже шиглей көргеш, чаннып турар мөргүлүн дыңнап көрем.

4 Хааннар 19:16

Дээрги-Чаяакчы, кулааң ээктиргеш, дыңнап көрем! Дээрги-Чаяакчы, карааң ажыткаш, көрүп көрем! Дириг Бурганны дорамчылазын дээш элчиннер чорудупкан Сеннахиримниң сөстерин дыңнап көрем.

Ырлар 116:1

Бүгү чоннар, Дээрги-Чаяакчыны алгап-мактаңар; бүгү аймактар, Ону алдаржыдыңар.

Ырлар 25:6

Кем-буруу чок болгаш, холдарым чуп, Сеңээ өргүл салыр бедигээшти дескинер мен, Дээрги-Чаяакчы –

Хосталыышкын 3:7

Дээрги-Чаяакчы Моисейге мынча дээн: «Мээң чонумнуң Египетте кайы хире хинчектенип чоруурун көрдүм. Египетчилерниң дарлалындан ооң човууртап чоруурун дыңнадым. Мен ооң аарышкы-човалаңын билир мен.

Исайя 37:17

Дээрги-Чаяакчы, кулааң ээктиргеш, дыңнап көрем! Дээрги-Чаяакчы, карааң ажыткаш, көрүп көрем! Дириг Бурганны дорамчылазын дээш элчиннер чорудупкан Сеннахиримниң бүгү сөстерин дыңнап көрем.

Исайя 43:7

Мээң адым-биле адаткан, Бодумга алдар кылдыр чаяап кааным, Мээң боттандырып, хевирлээним бүгү улусту эдертип эккел“».

Исайя 64:12

Таанда-ла Сен ооң соонда безин биске кээргелиң көргүспес сен бе, Дээрги-Чаяакчы? Таанда-ла ыыттавайн эрттирип, бисти хөлүн эрттир кезедир сен бе?

Исайя 64:6

Бис шупту арыг эвес чүүлдер дег апардывыс, бистиң бүгү эки херектеривис хирленип, бужартаан хеп дег. Бис шупту бүрүлер дег оңуп тур бис, бачыттарывыс бисти хат ышкаш хадып алгаш баар-дыр.

Иеремия 14:7

Кем-буруувус бисти сойгалап тур, ынчалза-даа Бодуңнуң адың бодааш, биске болчуп көрем, о Дээрги-Чаяакчы. Ийе, бис Сеңээ дыка хөй катап өскерлип турдувус, Сээң мурнуңга бачыт үүлгедип шаг болдувус.

Иеремия 14:9

Чүге Сен ам аймаарай берген кижи дег, кымны-даа камгалаар күш чок дайынчы дег апардың? Дээрги-Чаяакчы, бистиң аравыста болгай сен, бис Сеңээ хамааржыр болгай бис. Бисти кагбайн көрем!

Иеремия 15:16

Сээң сөзүң мээң аъш-чемим апарып турду. Сээң сөстериң сеткил-чүрээмниң өөрүшкүзү, хөглээшкини апарды, чүге дээрге Сеңээ хамааржыр болгай мен, Дээрги-Чаяакчы, Аг-шериглиг Бурган!

Иеремия 25:29

Мээң адым-биле адаан бо хоорайже-даа Мен айыыл-халап ыдып турумда, силер канчап кеземчеден чайлаар силер? Чок, чайлап шыдавас силер, чүге дээрге Мен чер-делегейниң бүгү чурттакчыларынга удур дайылдажыр кылдыр хылышты кыйгырып тур мен“». Аг-шериглиг Дээрги-Чаяакчының медеглээн чүвези ол-дур.

Иеремия 36:7

Олар Дээрги-Чаяакчының мурнунга чаннып мөргүп, кайызы-даа бодунуң бузуттуг оруундан ойталаар чадавас, чүге дээрге Дээрги-Чаяакчының бо чонга килеңнеп, хорадаан сагыжы коргунчуг-дур» – дээн.

Иеремия 37:20

Мээң чагырыкчым, хааным, мени дыңнап көрем, дилээмни чугаалаар аргадан берип көрем! Мени Ионафан бижээчиниң бажыңынче дедир чорутпайн көрем, оон башка аңаа өлүп каар мен» – деп чугаалаан.

Иезекиил 36:22

Ынчангаш израиль чонга Дээрги-Бурган-Чаяакчының чугаалаан чүвезин дамчыт: израиль чон, Мен силерни бодааш эвес, а силерниң чеде бергениңер чоннар аразынга баксырадып кааныңар Бодумнуң ыдыктыг адымны бодааш, ынчалдыр хөделир мен.

Иезекиил 36:32

Силерге билдингир болзун: Мээң ынчалдыр хөделип турарым – силерни бодаанымдан эвес – деп, Дээрги-Бурган-Чаяакчы медеглээн. – Израиль чон, эрткен оруктарыңар дээш ыядып, арныңар кыссын».

Даниил 9:7

Чөптүг чорук Сээң талаңда, Дээрги, а бис, Иудеяның болгаш Иерусалимниң чурттакчылары – бүгү Израильдиң улузу ам бужар бак атка кирдивис: Сеңээ өскерилгенивис дээш, үндүр ойладыпканың ырак-чоокта, бүгү чурттарда чурттап чоруур улус шуптузу.

Саннар 6:27

Аарон болгаш ооң оолдары Мээң адым-биле израильчилерни йөрээзин, Мен ынчан оларга ачы-буяным хайырлаар мен».

1 Коринфичилерге 1:2

Коринф хоорайда Бурганга бүзүрээннер ниитилелинге, Христос Иисусту дамчыштыр ыдыктаткаш, Бурганның чону боору-биле кыйгырткан бүгү улуска, а ол ышкаш янзы-бүрү черлерде чурттап турар, оларның база бистиң ниити Дээргивис Иисус Христостуң адын адап, кыйгырган бүгү улуска бижидим.