Даниил 9:12 - Ыдыктыг Библия

¹² Бурганның биске болгаш бистиң баштыңчыларывыска чугаалаан сөстери бүткен-дир: Ол бисче коргунчуг айыыл-халапты чорудупкан – Иерусалимге болган дег халап чырык чер кырынга кажан-даа болуп көрбээн.

Даниил 9:12 Iomraidhean Croise

3 Хааннар 3:9

Ынчангаш Бодуңнуң чалчаңга Сээң чонуңну шын шиидер база эки-бакты ылгап шыдаар кылдыр угаанныг чүректен хайырлап көр. Чүге дээрге Сээң бо хөй санныг чонуңну кым башкарып шыдаарыл?» – дээн.

4 Хааннар 22:16

Мээң чугаалаан чүвемни дамчыдыңар: Мен бо черже база ооң чурттакчыларынче айыыл-халапты – Иудеяның хаанының номчааны номда бижээн бүгү чүүлдерни ыдарым ол-дур.

Иов 12:17

Ол дээди дүжүметтерни бодал чок кылып, черниң шииткекчилерин – мелегей улус кылып каар;

Ырлар 148:11

черниң хааннары биле бүгү чоннар, чагырыкчылар биле черниң баштыңнары,

Ырлар 2:10

Ындыг болганда, хааннар, угаан кирип көрүңер, чер-делегейниң чагырыкчылары, мээң чемелелимни хүлээп алыңар.

Чугаалар 8:16

мээң ачымда чагырыкчылар, нояннар болгаш черниң бүгү баштыңчылары чагырып турар.

Исайя 43:28

Ынчангаш Мен ыдыктыг черде бараалгакчыларымны бужартаашкынче чыгадым, Иаковту бүрүнү-биле узуткаттырар кылдыр, Израильди – дорамчылаттырар кылдыр хүлээдип бердим».

Исайя 44:26

А Бодумнуң чалчамның медээлээн чүвезин бадыткап, Бодумнуң айбычыларымның чугаалаан чүвезин боттандырып турар мен. Иерусалимниң дугайында: „Аңаа улус база катап чурттай бээр“ – деп, Иудеяның хоорайларының дугайында: „Оларны катап тудар! Ол бузундуларны Мен катап тургузар мен!“ – деп турар мен.

Иеремия 30:7

Аа халак! Ол өндүр улуг хүн-дүр, аңаа дөмейлежир хүн чок. Израильге айыыл-халап үези кээри ол-дур, ынчалза-даа ол тын-менди үнер.

Иеремия 32:23

Олар чедип келгеш, ол черни ээлеп алган. Ынчалза-даа Сээң сөзүңнү тооп дыңнавайн барганнар, Сээң дүрүм-хоойлуң ёзугаар чурттавайн турганнар. Оларга кылзын деп айыткан чүвеңни кылбайн барганнар. Ол бүгү дээш, Сен оларже бо бүгү айыыл-халапты ыткан сен!

Иеремия 39:16

«Барып, эфиоп Авдемелехке мону чугаала. Аг-шериглиг Дээрги-Чаяакчы, Израильдиң Бурганы мынча дээн: „Ам Мен Бодумнуң бо хоорайга хамаарышкан сөстеримни аңаа ачылыг эвес, а хоралыг боор кылдыр күүседир мен! Сен көрүп туруңда, ол сөстерниң боттаныр хүнү чедип кээр.

Иеремия 44:23

Айдызаашкын кылып, Дээрги-Чаяакчының мурнунга бачыт үүлгедип, Ооң сөзүн тооп дыңнавайн, ооң хоойлу, дүрүмнери болгаш айтыышкыннарын ёзугаар чурттавайн турганыңар дээш, ол бүгү айыыл-халап ам силерни хөме тавараан-дыр».

Ыы-сыы 1:12

Эрткен-дүшкен чорумал чон, дилеп тур мен, эргилип кээп, көрүңер даан: өндүр килең хүнүнде Дээргимден кээр кеземчем дег, шак ол кончуг човалаң дег човалаң-даа турар деп бе?! מ (мем)

Ыы-сыы 2:13

Иерусалим-кыс, сени кымга дөмейлээйн, сеңээ чүнү чугаалаайн? Күжүр Сион-кыс, аргалаар дээш, сени кымга деңней көрейн? Балыың ханы – далай ышкаш – сени кым-на экиртирил?! נ (нун)

Ыы-сыы 2:17

Дээрги-Чаяакчы бодалдарын боттандырып, эткен сөзүн ээледи. Үе-дүпте аазаан сөзүн күүсетти: хайыра чок сени базып, өжээтенге шоот кылып, дайзыннарың мыйыстарын сүүрертипти. צ (цаде)

Ыы-сыы 4:6

Содомнуң-даа кеземчезин мээң чонум кеземчези ажып турар: шак ол хоорай, кижи холу көңгүс дегбейн, карак чивеш дээр аразында буступ дүшкен. ז (зайин)

Иезекиил 13:6

Силерниң көрген көстүүшкүннериңер меге, чугаалаан ажыдыышкыннарыңар шын эвес; Дээрги-Чаяакчы силерни айбылап чорутпайн турда-ла, „Дээрги-Чаяакчының медеглээн сөзү бо-дур“ деп чугаалап, сөзүңер бүдерин манап турар-дыр силер.

Иезекиил 5:9

Сээң бүгү чүдек-бужар чүүлдериң дээш, ооң мурнунда кажан-даа кылбайн турганым, моон соңгаар-даа кылбазым чүвени сээң-биле кылыр мен.

Даниил 12:1

«Ынчан улуг ноян, сээң чонуңнуң болчукчузу Михаил чедип кээр, чүге дээрге мурнуку үелерде чаңгыс-даа чоннуң көрүп көрбээни айыыл-халап үези эгелээр. Ынчан сээң чонуң камгалаттырар – Бурганның номунче киир бижиттирген бүгү улус.

Иоил 2:2

Ол дээрге кара булуттарлыг, дүмбей караңгы хүн-дүр. Хөй санныг, күштүг чон имир ышкаш чаттылыпкан кел чыдыр. Эрте-бурунгу үелерде-даа турбаан, келир салгалдарда-даа турбас чон ол-дур.

Амос 3:2

«Черниң бүгү аймак-чоннарындан чүгле силерни хүлээп көрген мен, ынчангаш бүгү кем-бурууңар дээш, силерни кезедир мен».

Захария 1:6

А Мээң чалча-медээчилеримге айыткаан сөстерим ада-өгбеңер-биле боттанмаан чүве бе? Олар ынчан бачыттарын миннип: „Аг-шериглиг Дээрги-Чаяакчы биске хамаарыштыр, Боду канчаар доктаадып кааныл, ынчаар кылды – бистиң оруктарывыс болгаш үүлгедиглеривис ёзугаар кылды“ – дээн болгай».

Захария 1:8

Дүне када көстүүшкүн көрдүм: шилги аът мунган кижи көстүп келди. Ол кижи ыйгыл черде мирт ыяштар аразында турду, а ооң артында шилги, доруг болгаш ак чүзүннүг аъттар көзүлдү.

Захария 7:12

Олар чүректерин алмаз ышкаш кадыг кылып алган, ыдыктыг хоойлуну база Аг-шериглиг Дээрги-Чаяакчының Бодунуң Сүлдези-биле биеэги медээчилерни дамчыштыр чорудуп турган сөстерин тооп дыңнавайн барган. Ынчангаш Аг-шериглиг Дээрги-Чаяакчы Мен оларже аажок килеңней берген мен.

Матфей 24:21

Бо делегейни чаяаганындан бээр, амдыгаа чедир кажан-даа болбаан база моон соңгаар кажан-даа болбас коргунчуг хилинчек ол үеде болур.

Матфей 5:18

Алыс шынны чугаалап тур мен: дээр биле чер-ле хевээр турар болза, ол бүгү боттанмаан шаанда, ыдыктыг хоойлудан чаңгыс-даа эң хензиг үжүк, чаңгыс-даа шыйыг читпес.

Марк 13:19

Чүге дээрге Бурганның делегейни чаяаган үезинден бо хүнге чедир болуп көрбээн база моон соңгаар кажан-даа болбас ындыг коргунчуг айыыл-халап ол хүннерде болур.

Лука 21:22

Чүге дээрге Бижилгеде бижиттинген бүгү чүвениң боттаныр ужурлуу кеземче үезиниң келгени ол-дур.

Римчилерге 15:8

Бурганның улуг өгбелеривиске берген аазаашкыннарын бадыткаар дээш база Ооң алыс шынныын көргүзер дээш, Христостуң кыртыжап демдектеткен улуска чалча апарганын утпаңар.