Даниил 8:26 - Ыдыктыг Библия

²⁶ Кежээки болгаш эртенги өргүлдер салып болбас үе дугайында бо көстүүшкүн ылап шын болур. Сен ону улустан чажырып, таңмалап чор. Ол талыгыр ыракта хүннерге хамааржыр».

Даниил 8:26 Iomraidhean Croise

Исайя 24:22

Оларны, хоругдаткан улусту дег, оңгарга чыып каар; оларны кара-бажыңнааш, элээн үе эртерге, оларга кеземче онаар.

Иезекиил 12:27

«Кижи амытан, израиль чон: „Иезекиилдиң көрген көстүүшкүнү хөй хүннер эртерге, бүдер, ол ырак келир үе дугайында өттүр билип медеглээн-дир“ – деп тур.

Даниил 10:1

Персияның хааны Кирниң чагыргазының үшкү чылында Даниилге (азы Белтешацарга) Бургандан ажыдыышкын болган – ол медээ ылап шынныг, дыка күштүг болган.

Даниил 10:14

Сээң чонуң-биле келир үеде чүү болурун сеңээ чугаалаар дээш келдим. Чүге дээрге бо көстүүшкүн ол үеге хамааржыр чүве-дир».

Даниил 11:2

«Ам сеңээ алыс шынны чугаалап бээйн. Персияга ам-даа үш хаан келир, а оларның соонда дөрт дугаары кымдан-даа бай болур. Бай чорук ону күчү-күштүг кижи кылып каарга, ол бүгү күжүн грек күрүнеге удур шимчедиптер.

Даниил 12:4

А сен, Даниил, бо сөстерни чажыт кадагалап, номну таңмалап, шыгжап ал – хөй кижилер ону номчуп, билиг көвүдеп кээр үеге чедир».

Даниил 12:9

Ол мынча деп харыылады: «Бар че, Даниил. Ол бүгү төнчү үеге чедир таңмалап шыгжаттынган чажыт болгай.

Ажыдыышкын 10:4

Чеди диңмирээшкин диңмирей кааптарга, мен бижииринге белеткени бердим, ынчалза-даа дээрден мынча дээн үн дыңналды: «Чеди диңмирээшкинниң чугаалаан чүвезин таңмалап, шыгжап ал, ону биживе».

Ажыдыышкын 22:10

Ол меңээ чугаалаан чүвезинге немей: «Сен бо номнуң өттүр билип медеглээн сөстерин чажырып, таңмалава. Ол бүгү боттаныр үе чоокшулаан-дыр.