Даниил 7:9 - Ыдыктыг Библия

⁹ Ооң соонда мен дараазында чүүлдү көрүп каан мен: каш дүжүлгелер тургузуп каарга, үе-дүптен бээр амыдыраан Ирей бодунуң дүжүлгезинге олурупкан. Ооң хеви – хар дег ак, а бажының дүгү – арыг ак хой дүгү дег. Ооң дүжүлгези – өөскээн чалбыыш, дугуйлары – кыпкан отка бүргеткен.

Даниил 7:9 Iomraidhean Croise

3 Хааннар 22:19

А Михей уламчылап чугаалаан: «Ам Дээрги-Чаяакчының чугаалаан сөзүн дыңнап көр. Мен Дээрги-Чаяакчыны Ону долгандыр турар дээрниң аг-шерии-биле кады Бодунуң дүжүлгезинде саадап олурар кылдыр көрдүм.

2 Чылдар 18:18

А Михей уламчылап чугаалаан: «Ам Дээрги-Чаяакчының чугаалаан сөзүн дыңнаңар. Мен Дээрги-Чаяакчыны Ону долгандыр турар дээрниң аг-шерии-биле кады Бодунуң дүжүлгезинде саадап олурар кылдыр көрдүм.

Ырлар 45:8

Аг-шериглиг Дээрги-Чаяакчы бистиң-биле кады-дыр, Израильдиң Бурганы – бистиң шивээвис-тир. Сэла

Ырлар 90:2

Дээрги-Чаяакчыга: «Бурганым, Сен мээң хоргадалым сен, быжыг шивээм сен, мен Сеңээ идегээр мен» – деп чугаалаар сен.

Ырлар 93:2

Чер-делегейниң Шииткекчизи, туруп келем, улуургак улуска чогуур кеземчени онааштырып көрем.

Исайя 6:1

Озия хаанның мөчээн чылында өрү көдүрүлген бедик дүжүлгеде саадаан Дээргини көрген мен. Ооң хевиниң эдектери Бурганның өргээзин бүргей ап турган.

Исайя 9:6

Чаш төл бис дээш төрүттүнген, оолду биске берген болгай! Эрге-чагырга демдээ ооң эгиннеринде, ол «Кайгамчык чөвүлекчи», «Мөге-шыырак Бурган», «Мөңге ада», «Амыр-тайбың хайырлаар чагырыкчы» деп адаттырар.

Иеремия 49:38

Бодумнуң дүжүлгемни Эламга тургузар мен, ында бар хаанны, нояннарны кыргып-хыдыыр мен – деп, Дээрги-Чаяакчы медеглээн. –

Иезекиил 1:26

Оларның баштарында бопурук чүвениң кырында сапфир даштан кылган дүжүлгеге дөмей бир-ле чүве бар болду, а ол дүжүлгеге дөмей чүвениң кырында кижи амытан дег хевирлиг бир Кижи саадап олурду.

Даниил 7:13

Оон ыңай дүнеки көстүүшкүнүмде мындыг чүве көрдүм. Кижи амытан оглу ышкаш бир-ле Кижи дээрниң булуттары-биле бүргеттинип алган келген. Чоокшулап кээрге, ону үе-дүптен бээр амыдыраан Ирейге чедире берген.

Даниил 7:22

Ынчан үе-дүптен бээр амыдыраан Ирей келгеш, Дээди Өрүкү Бурганның ыдыктыг чонунуң чаргы-чаалызын шиитпирлээн: оларның дүжүлгени ээлеп, хааннап эгелээр үези келди.

Михей 5:2

«А сен, Вифлеем-Эфрата, Иудеяның төрел бөлүктериниң аразында чөгенчиг суур-даа болзуңза, Израильдиң чагырыкчызы апаар кижи сенден үнүп, Мээңии боор-дур. Ооң ызыгууру эрте-бурун шагда, үе-дүпте-ле укталган-дыр».

Аввакум 1:12

Дээрги-Чаяакчы, ыдыктыг Бурганым, үе-дүптен бээр бар турган эвес ийик сен бе?! Сен өлбес сен! Дээрги-Чаяакчы, Сен ол чонну шииткелиңни боттандырар кылдыр тургузуп кагдың. Мээң Хаям, Сен аңаа кеземчеңни күүседирин дагзып кагдың.

Матфей 17:2

Аңаа, олар көрүп турда, Ооң хевир-шырайы өскерли берген: арны хүн дег чырып, а хеви чырыктан өңгүр апарган.

Матфей 28:3

Ооң хевир-шырайы чаңныкка дөмей, а хеви хар дег ак болган.

Марк 9:3

Ооң хеви чайынналчак ак боорда, кымның-даа ынчалдыр будуп шыдавазы дег, аккыр апарган.

Ажыл-чорудулга 2:30

Давид боду өттүр билип медеглээр чаяанныг болгаш, „Дүжүлгеңге үре-салгалыңның бирээзин олуртур мен“ деп Бурганның аңаа даңгыраглап аазаанын билир турган.

Ажыл-чорудулга 2:33

Бурган Ону Бодунуң оң талазынче өрү көдүрүп алган, Иисус аазаан Ыдыктыг Сүлдени Адазындан алгаш, ам көрүп база дыңнап турарыңар чүвени силерже сиңниктир бүргээни ол-дур.

Филипчилерге 3:9

чүгле Ооң-биле бүрүн катчып алыйн! Ыдыктыг хоойлуну дамчып кээр агартыышкынны эвес, а Христоска бүзүрээринден дөстелир, бүзүрел дамчыштыр Бургандан кээр агартыышкынны чедип алыйн!

1 Иоанн 1:5

Иисустан дыңнаанывыс база ам силерге медеглээривис Буянныг Медээ бо-дур: «Бурган дээрге чырык-тыр, Ында кандыг-даа кара чок».

Ажыдыышкын 1:14

Ооң бажының дүгү хар дег болгаш дүк дег ак, а карактары оттуң чалбыраажы ышкаш чайнап турду.

Ажыдыышкын 19:18

Хааннарның, шериг баштыңчыларының, бо делегейниң күштүг улузунуң мага-бодун, аъттарның болгаш мунукчуларның мага-бодун, кулдар биле хостугларның, улуглар биле бичелерниң – шупту улустуң мага-бодун хөндеп чиңер!»

Ажыдыышкын 20:4

Оон мен хөй дүжүлгелер көрдүм. Ында саадааннарга шиидер эргени берген болду. Иисусту шынныы-биле херечилээн дээш база Бурганның медээзин суртаалдаан дээш, бажын кестиртип өлген улусту база көрдүм. Олар араатанга-даа, ооң дүрзүзүнге-даа мөгейбээннер, ооң таңмазын хаваанга-даа, холунга-даа бастыртпааннар. Оларга амы-тынны катап эгидип берген, ооң соонда олар Христос-биле кады муң чыл иштинде хааннааннар.

Ажыдыышкын 4:2

Ол дораан Сүлдениң күжү мени башкара берген. Дээрде, мурнумда турар дүжүлгени база ында саадаан Бурганны көрүп кагдым.