Даниил 7:4 - Ыдыктыг Библия

⁴ Биргизи – арзылаңга дөмей, ынчалза-даа эзирнии дег чалгыннарлыг. Бир көөрүмге, ооң чалгыннарын одура тырткаш, ону черден көдүргеш, буттарының кырында кижи-даа ышкаш кылдыр тургузуп каан тур. Аңаа кижинии дег угаан-чүрек берип каан.

Даниил 7:4 Iomraidhean Croise

2 Хааннар 1:23

Саул биле Ионафан – бот-боттарынга эргим, ынак чораан болгаш, өске оран чоруурда безин чарылбаан-дыр. Алыс боттары эзирден кашпагай, арзылаңдан күштүг чорааннар-дыр.

Иов 25:6

а кижиде чүү боор, ол курт-тур, кижи амытан – сирге-дир!»

Ырлар 9:20

Дээрги-Чаяакчы, дүрген келем! Кижи амытан бодун «Күштүг мен» деп санавазын, бүгү чоннар Сээң мурнуңга шииттирзин.

Иеремия 25:38

Дээрги-Чаяакчы бодунуң чыдынындан үнүп келген арзылаң ышкаш! Улус-чоннарның чери Ооң кадыг-дошкун, кыптыккан килеңинден хоозурап калган».

Иеремия 4:13

Булут ышкаш, дайзын көдүрлүп олур, ооң дайынчы тергелери казыргы дег, аъттары эзирлерден кашпагай! Ат болдувус-ла, өлүп читтивис-ле!

Иеремия 4:7

Шырыштан үнүп келген арзылаң дег, чоннарны узуткаар хаан кел чыдар-дыр, ол силерниң чериңерни хоозурадыр дээш бодунуң чыдынындан туруп келген-дир. Узуткакчы хоорайларыңарны үреп бузуп кааптарга, оларга чурттакчылар артпас».

Иеремия 48:40

Дээрги-Чаяакчы мынча дээн: «Эзир шүүргедеп ужуп үнер, ол Моавтың кырынга чалгыннарын хере сунар!

Иеремия 49:19

Иордан хемниң эриинден чечектелген одар-белчиирже үнүп келген арзылаң дег, Мен база эдом чонну далаштырып сывыртап, ону чагырар кижини шилип, томуйлаар мен. Меңээ дөмей кым барыл, Менден кым харыы негээрил? Меңээ удурланып шыдаар кадарчы бар бе?»

Ыы-сыы 4:19

Бисти кызап, сүрген улус дээрде ушкан эзирлерден дүрген болган. Олар бисти дагларга-даа чыпшыр чедип, ээн ховаа кедег кылып, дозуп турган. ר (реш)

Иезекиил 17:3

Оларга Дээрги-Бурган-Чаяакчының чугаалаан чүвезин дамчыт: Улуг далбагар чалгыннарлыг, селбегер шокар эзир Ливан сынга ужуп келген. Ол бир пөштүң бажын сегирип алгаш,

Иезекиил 28:2

«Кижи амытан, Тирниң чагырыкчызынга Дээрги-Бурган-Чаяакчының чугаалаан чүвезин дамчыт: Улуургак чорууңга алзып: „Мен – бурган мен. Далай ортузунда, бурганның дүжүлгезинде саадап олур мен“ – дээр-дир сен. Бурганның мерген угааны-биле сээң угааның дөмей деп бодаар-даа болзуңза, сен дээрге Бурган эвес, а кижи-дир сен.

Иезекиил 28:9

Бодуңнуң шаажылакчың холунга бурган эвес, анаа кижи болур болганыңда, өлүрүкчүң мурнунга: „Мен – бурган мен!“ – деп катап-катап чугаалаар сен бе?

Даниил 2:38

кижилерни, черниң аңнарын, дээрниң куштарын каяа-даа чорааш, силерге чагыртыр кылдыр Ол берген-дир. Алдын баш – силер-дир силер.

Даниил 7:12

А арткан араатаннарның эрге-чагыргазы казыттынган, ынчалза-даа оларга кезек өйде дириг артарын чөпшээрээн.

Даниил 7:5

Ийи дугаары хереп туруп алган адыгга дөмей. Ооң аксында диштериниң аразында үш ээги көстүп турар. Аңаа: «Туруп баргаш, эъттен мага хандыр чип ал!» деп айтып кааннар.

Матфей 24:28

Кайда сек чыдарыл, аңаа сек чиир куштар чыглып кээр».

Ы. х. к. 28:49

Дээрги-Чаяакчы ырактан – чер-делегейниң кыдыындан – сеңээ удур чон көдүрүп эккээр, дылын билбезиң чон сенче эзир ышкаш шүүргедеп ужуп кээр.

Ажыдыышкын 13:2

Мээң көрүп кааным араатан ирбишке дөмей, ооң аспактары адыгныы дег, а аксы арзылаңныы дег чорду. Улу ол араатанга бодунуң күчүзүн, бодунуң дүжүлгезин база бодунуң аажок улуг эргезин дүжүп берипти.