Даниил 7:16 - Ыдыктыг Библия

¹⁶ Мен аңаа турганнарның бирээзинге чеде бергеш, ол бүгүнүң утказын айтырдым. Ол ынчан мээң көрген дүжүмнү тайылбырлап берди:

Даниил 7:16 Iomraidhean Croise

Даниил 7:10

Ооң мурнундан эге бажын алгаш, оттуг агым хем дег чаттылган. Муң-муң кижи Аңаа бараан болган, түмен-сая кижи Ооң мурнунда турган. Шииткел эгелээн, номнар ажыттына берген.

Даниил 7:17

«Ол дендии улуг дөрт араатан аң дээрге чер кырын чагырар дөрт хаан-дыр.

Даниил 8:17

Гавриил мээң турган черимге чедип келди. Ол чоокшулап кээрге, кортканымдан черже доңгая кээп дүштүм. Ол меңээ мынча диди: «Кижи амытан, ол көстүүшкүн төнчү үеге хамааржыр деп билип ал».

Даниил 9:22

Мени сургап тура, ол мынча диди: «Даниил, мен сээң билииң немеп бээр дээш чедип келдим.

Захария 1:19

Мээң-биле чугаалажып турган дээрниң төлээзинден: «Бо чүү боор?» – деп айтырдым. Ол: «Бо дээрге Иудея, Израиль болгаш Иерусалимниң чонун тарадыр үзүпкен күштер-дир» – деп харыылады.

Захария 2:3

Оон дээрниң мээң-биле чугаалажып турган төлээзи бурунгаар чоруптарга, өске төлээзи аңаа уткуштур үнүп келди.

Захария 3:7

«Аг-шериглиг Дээрги-Чаяакчының чугаалаан чүвези бо-дур: бир эвес сен Мээң оруумну эдерип, Мээң дүрүмнеримни күүседир болзуңза, Мээң өргээмге башкарар эрге сенде болур, Мээң өргээмниң девискээрин сен хайгаараар сен. Ынчан мында турар төлээлерим дег, Менче хостуг кирер арганы сеңээ хайырлаар мен.

Ажыдыышкын 5:5

Ирейлерниң бирээзи ынчан меңээ: «Ыглава! Көр даан, Давидтиң Дазылы, Иуданың аймаандан үнген Арзылаң тиилээн-дир! Ол чеди таңманы адыргаш, дүрүгнү чазып шыдаар-дыр» – диди.