Даниил 7:10 - Ыдыктыг Библия

¹⁰ Ооң мурнундан эге бажын алгаш, оттуг агым хем дег чаттылган. Муң-муң кижи Аңаа бараан болган, түмен-сая кижи Ооң мурнунда турган. Шииткел эгелээн, номнар ажыттына берген.

Даниил 7:10 Iomraidhean Croise

3 Хааннар 22:19

А Михей уламчылап чугаалаан: «Ам Дээрги-Чаяакчының чугаалаан сөзүн дыңнап көр. Мен Дээрги-Чаяакчыны Ону долгандыр турар дээрниң аг-шерии-биле кады Бодунуң дүжүлгезинде саадап олурар кылдыр көрдүм.

2 Чылдар 18:18

А Михей уламчылап чугаалаан: «Ам Дээрги-Чаяакчының чугаалаан сөзүн дыңнаңар. Мен Дээрги-Чаяакчыны Ону долгандыр турар дээрниң аг-шерии-биле кады Бодунуң дүжүлгезинде саадап олурар кылдыр көрдүм.

Иов 25:3

Ооң аг-шерии эмге-тикчок! Ооң чырыы кымның кырынга чырып үнмезил?

Ырлар 103:21

арзылаңнар олча дилеп, ырланып, Бургандан аъш-чем дилээр.

Ырлар 18:8

Дээрги-Чаяакчының дүрүм-хоойлузу болбаазыраңгай, сеткил-сагышты тынгарар; Ооң чугаалаан сөстери шынныг, кенен улусту угаан киирер.

Ырлар 50:3

Энерелдииң-биле мени өршээ, Бурганым, эгээртинмес ээ-хайыраң-биле кемниг херектерим балап каавыт.

Ырлар 68:17

Дээрги-Чаяакчы, мени дыңна, энерелиң ачылыг-дыр, эгээртинмес ээ-хайыраң менче ээлдир.

Исайя 30:27

Дыңнаңар, Дээрги-Чаяакчының өндүр чырыы ырактан чоокшулап кел чыдыр! Ооң килеңи кыптыгарга, чалбыыжы кижи шыдажыр аргажок-тур! Ооң аксын килең долган, Ооң дылы – хөме алыр от-ла!

Исайя 30:33

Мөчү-сөөктер өрттедир оңгар шагда-ла манай берген, Ассирияның хаанын хүлээп аарынга белен. Ханы болгаш калбак оңгарда улуг одагны салып каан, ында от өөскээн, хөй ыяш чыгдынган. Дээрги-Чаяакчының тыныжы ыяшты, чалбыышталган күгүр дег, кыпсыптар.

Даниил 12:1

«Ынчан улуг ноян, сээң чонуңнуң болчукчузу Михаил чедип кээр, чүге дээрге мурнуку үелерде чаңгыс-даа чоннуң көрүп көрбээни айыыл-халап үези эгелээр. Ынчан сээң чонуң камгалаттырар – Бурганның номунче киир бижиттирген бүгү улус.

Даниил 7:22

Ынчан үе-дүптен бээр амыдыраан Ирей келгеш, Дээди Өрүкү Бурганның ыдыктыг чонунуң чаргы-чаалызын шиитпирлээн: оларның дүжүлгени ээлеп, хааннап эгелээр үези келди.

Даниил 7:26

Ынчалза-даа шииткел чорудулгазы эгелээрге, ол хаанның эрге-чагыргазы казыттынар: ону чок кылып, бүрүнү-биле узуткап каар.

Захария 14:5

Силер Дээрги-Чаяакчының даг шынаазы-биле дезип маңнажыр силер, чүге дээрге дагның ийи чартыының аразында шынаа Эцелге чедир чаттылар. Иудеяның хааны Озияның чагырган үезинде чер шимчээшкининден чоннуң дезип турганы дег, дезип маңнажыр силер. Ынчан мээң Бурганым Дээрги-Чаяакчы чедип кээр, Ооң бүгү ыдыктыг төлээлери кады кээр.

Матфей 25:31

«Бодунуң өндүр чырыынга бүргеткен Кижи амытан Оглу хамык төлээлеринге үдеткен чедип келгеш, Бодунуң чайынналган дүжүлгезинге саадаптар.

Ы. х. к. 33:2

Ол мынча дээн: «Дээрги-Чаяакчы Синайдан чедип келген, Сеирден чонга хүн дег көстүп келген, Фаран дагларындан чырып келген, Ол Бодунуң түмен-түмен ыдыктыг төлээлериниң аразындан чедип келген, Ооң холундан кызаңнаан от чонга чырып турган.

Еврейлерге 1:14

Дээрниң шупту төлээлери кымнар ийик? Камгалалды салгап алыр улуска дузалазыннар дээш чоруткан бараан болукчу сүлделер эвес чүве бе?

Еврейлерге 12:22

Харын силер Сион дагга, дириг Бурганның хоорайынга, дээрде турар Иерусалимге чоокшулап чеде берген-дир силер. Өөрүшкү-маңнайлыг чыышта чыглып келген дээрниң түмен-түмен төлээлеринге чеде берген-дир силер.

Иуда 1:14

Өгбевис Адамның чедиги салгалының бирээзи боор Энох база оларның дугайында өттүр билип чугаалаан болгай: «Дыңнаңар даан, Бодунуң түмен-түмен ыдыктыг төлээлерин эдерткен Дээрги-Чаяакчы чедип кээр.

Ажыдыышкын 11:18

Бүгү аймак-чоннар килеңнеп турду, а ам Сээң килеңиңниң шагы келген-дир. Өлүглерни шиидер болгаш Сээң чалчаларыңны, медээчилериңни база Сеңээ шынчы улусту, Сээң адыңны хүндүткеп көөр улуг, биче бүгү улусту шаңнаар үе келген-дир. Черни узуткап турарларны чок кылыр үе келген-дир!»

Ажыдыышкын 5:11

Мен ооң соонда көрнүп келгеш, дүжүлге, дөрт дириг амытан болгаш ирейлерни хүрээлей турупкан дээрниң дүк-түмен төлээлерин көрүп кагдым.